[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
(( الــعنــق ))
أن جيت أوصف عنقها يطرب البال = ترقص طرب كل القوافي بطرياه
الجادل اللي لا افتهق عنقها مال = ليل(ن) تحدر للردوف .. وتعداه
ليل(ن) نثر بعضه على الكتف شلال = سبحان رب(ن) خالقه يوم سواه
كن الصباح بعنقها عازم اللال = والجمر سير في شرايينه .. وتاه
عنق(ن) جمح صبحه ولا روضه .. شال = عيا على كل الملافع .. تغطاه
والموت زين عنقها .. حبة الخال = يازين عنق(ن) حبة الخال .. تزهاه
عمهوجة(ن) لرموشها المسهبه ظلال = والشمس كن خدودها يا تفياه
عنقا على كل الغنادير .. تختال = والزين كاسي هامته لين .. ماطاه
اليا وقفت تذبح مناعير .. ورجال = مثل القطاة اليا أدرجت عدت أخطاه
والكيف قالو له معاميل .. ودلال = وأقول كيفي رشفة(ن) من ثناياه
بدلال حمر(ن) صبها الثلج .. وزلال = في ليلة(ن) دندن له الشوق .. وأغراه
حبيبتي ماشفت مثله باالازوال = ولا فيه مثله بالوصايف .. وحلياه
اليا طرت لي بالورق ليلنا .. طال = والليل يحلا لا طرت لي وكتبناه
قصيدة(ن) عيت على كل موال = شعر(ن) خذا خفاق منهو .. تغناه
وأن شفتها بين الورق .. والحبر .. سال = نشوة غرامي بسمته .. لاعدمناه
ولا جيت أبوصف عنقها يشبه اللال = ياحي صبح(ن) لا أفتهق ليله أحياه
شعر /
خليف الجهيلي
[/poet]
رد مع اقتباس
المفضلات