[poet font="Simplified Arabic,5,blue,normal,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]
الا يانديبي فوق جيبٍ ورد من غرب=على عمان حوّل وشتروه السعوديه =
جهز في مصانع طوكيو عقب شد وكرب=صنع في سنه واحد وعشرين هجريه =
نزل في وكالات البريمي وجاء بالقرب=وصدر من بلد قابوس مسقط طلابيه =
شراه أرجحٍ ماهمه الا طويل الدرب=دفع مبلغه باالشيك خمسٍ ورا الميه=
ليادق قلبه في هنوفٍ لشوفه طرب=زمت دونها جرد السهال السناويه =
ضربه طريقً له زمانٍ مضى ماضرب=زفلتًٍ قديم وينتهي له ابرادميه =
ليادست بنصه قام يشرب وقوده شرب=ونهج مثل مخباط أم خمس الخمينيه =
يهوّي كما حراً مع الجول شاف الخرب=كفخ في جناحه وأطلق السبق راعيه =
مع العلم يا سواق خلك حريصً ذرب=وتوجه لبو نواف زبن الجلاويه =
وسلّم عليه أعداد نجم السماء والترب=وعدد مايلوح البرق من كل وسميه =
كريمٍ بوجه الضيف ليا جاء النهارالكرب=لها دلةٍ تشكي من النار شاميه=
وصينيةٍ تنطح فقار الدعم والعرب =ليا شح خطوان البخيل بمواشيه=
عليه اشتكي من حب خلٍ حربني حرب=مثل حرب هتلر والجيوش الامريكيه =
يجنن أسهومه بالخفاء طايراتً سرب=علي تنزل القوات براً وجويه =
وانا أزريت لاقاوم دفاعه ولاقوى اهرب=حكمني حكم جبروت مافيه ماويه=
الا واوجودي وجد من طاع عقب الضرب=خذوه المباحث في مواضيع سريه=
تكلم على المكشوف وطراء ملوك العرب=وطوّل نقاشه في مداخل سياسيه=
على اللي لعبي مثل لعب الرشى بالغرب=يشوحه من الجال المقابل على الطيّه =
وأنا الدراء على خلّي من اهل القلوب الجرب=خباثٍ تجازي راع الاحسان بالسيئه =
لياجاك واحدهم مثل زول راع الخرب=تبكيه اليا هبت من الريح شرقيه
الشاعر / فرحان بن فهيد الذرفي الشمري
[/poet]
رد مع اقتباس
المفضلات