مكالمة ضحويــه .. وين أهل الحفر ؟؟
[ALIGN=CENTER]ماهي عاده اكلّم وقت الدوام;)
لكن اليوم هالضحويه حسيت بشئ من الملل بدا يتسلل بخبث يبي يعقب هالضلوع ويلعب
بحسبة الجاش<< بالله ما أصلح مشرف على مضيف الخواطر:p
قلت مالي الا اكلم رفيدزن لي من هاللي يشتغلون بالحفر على
أمل ان تتفدغ تسبدي من الضحتس:D
كلمتوه..
وقمت انشّدوه عن علوموه وعلوم الربيع والفقع؟
قال ماش يافلان الربيع واجد مار الفقع مامن فقع
قلت عوذا وهاللي اودعوا ان الشمال كله مفقّع؟
قال : لا والله يافلان سمعنا ان رفحاء به فقع اما غيره مابوه شين
قلت: طيب السوق مابوه شي؟
قال: ابد لقيت بحراج الخبول <<- بصراحه اول مره اسمع بوه:p يقول لقيتهم يحرجون على فقعه ويوم وصل سعره 50 ريال مشيت وخليتهم:D
قلت معقووووله؟
وهو يحلف لي الرجال اكاليمين اللي ماعمري سمعت مثلوه..
واللي خلاني اصدق سالفتوه هذي ، سوالفن قالهن لي عقبه ..
يوم قمت انشدوه عن حراج الخبول<<-- جاز لوه الاسم:p
قال هذا سلمك الله اليا صرت اكاليوم متضايق وقافلتن معك رح يمّوه وعزالله
انك تبي تستانس لك وناستن ما بعده وناسه:p
قلت وشلوون؟
قال هالحراج سلمك الله يصير بوه لوه اشياء غريبه وعجيبه ومدري وش تبي:p
واللي يبي يضحك يجي يمّوه بس لا ينسى لازم يتجند لوه قارورة ماء صحه يرش به
تسبدوه كل شوي لأنه تبي تدخن من الضحتس:D
وهو عاد ينطلدز بالسوالف...
يقول اي شي ببالك تبي تلقاوه بهالحراج..
يقول عقب أزمة الخليج بأيام لقوهم يحرجون على قنابل يدويه من
خمس ريال الحبه:p
ولقوهم بعد يحرجون على صناديق ملياناتن قوارير ( ويسـ.. )..على اثر الامريكان واليامن احد
نشدهم هذولي وشهن؟ قالوا: هذولي لهالحريم يمشطن بهن قرونهن:D
ومن علومهم بعد..يقول انك نوب تلقاهم يحرجون على نعول مستعمله
( وانتم بكرامه)..والمشكله انه فرده وحده..يعني يايمين يايسار..
عاد مادري من وين تبي تجيب الثانيه؟:p
قلت عزالله اني ابروح لهالحراج اللي انت تذكر.. شكلوه ماينفوّت.
قال: ايه بس اللي يبي يروح لوه .. مايروح الا ومعوه خوي.. لأنه خطرن انهم يحرّجون عليه:D
<<-- |513|
.
.
.
قلت : يامال العافيه تصدق انك ونستن ومن اليوم ودي اضحك
مار متمالكن نفسي..قال:وين متمالكن نفسك وانت
متـنقحن على المكتب؟:D<<-- تقل يشوفن هالمسبوع !!p
.
.
.
(عاد أنا بصراحه يوم شفت هالناس تجمعوا علي بالدوام يدورون فلّة
الحجاج;) قلت: معليش يافلان انا عندي شغل هالحين وابكلمك بعدين:o )
<<-- ماهو نذل أبد:p
قال: ميخالف بس قبل تسكر .. وش ابشرك بووه؟؟
قلت: وشوووووو؟؟:confused:
قال: ابشرك تركت الدخان
قلت: مبروووووووووك ماشاء الله ..
قال: مار وقعت بالشيشه :p
قلت عوذا؟ |513|
قال: ايوالله وياخوك بلشت به يابغيت احط جمر كود سلّــم*:D
.
.
.
.
.
.
.
* اخونا في الله قصيّر :p
.
.
.
مايستفاد من المكالمه:
التدخين والشيشه يضرون بصحتك..ياليت تفكر من هاللحظه انك تتركهن
[/ALIGN]
رد مع اقتباس
المفضلات