[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
(( جــم الغـــلا ))
دام القلم ياشوق مبري .. ورصاص = خذيت من وقتي للاشعار حصه
لاهجرس الهاجس عن الشعر ماحاص = كله طرب لعبه .. ولحنه .. ورقصه
أسبح واعوم بغبة الشعر غواص = شاعر معاناته على الشعر رصه
ماهي سواليف .. وتصانيف .. وأخراص = ولاهي حكايات .. وروايه .. وقصه
كل العذاراء دونك بعيني أرخاص = ماهمني سلوى .. ولا زول .. حصه
كل الغلا .. والحب .. والود .. لك خاص = مثل الذهب مابه من الغش .. فصه
ترجمت حبك بالوفاء صدق .. واخلاص = على الورق بوح الاحاسيس .. نصه
جيتك وفاء .. بس جيتني سم بقلاص = قلت ارسم الواقع بالاشعار .. فرصه
ياصاحبي حبك مثل سيف قصاص = حده شطير وكل راس(ن) .. يقصه
جيتك على كف الهواجيس .. خصاص = ماغيرك أحد(ن) بالمحبه نخصه
حضي وقع ماله منازيع .. وأشناص = شف الفرح يشره على موت .. شنصه
ياذهب .. ياياقوت .. يادر .. يالماص = يانور شمس(ن) في جبينك .. منصه
ياعين حر(ن) ماكره كف .. قناص = ولا غزال يرفع الراس .. قنصه
خابت هقاوي تلع الارقاب باأنقاص = لاجاك مفتون التواصيف .. وصه
الشوق يذبح بالغلا كل .. مفراص = العشق هو همه .. وموته .. ونقصه
يسوق شرهاته يبي بس .. مخلاص = عاف الحياه وضاعت أعلوم .. حرصه
حبك أمولع خافقي بين الاقفاص = غض النظر وأرحم خفوقي .. أبصه
أسق الخفوق من الظماء جاك ملخاص = نصه على (جم الغلا) فز .. نصه
وشلون أحبك وأقبل أحلول الانصاص = شف الغلا نشف أعروقه .. ومصه
من حبني قدره على كل .. الاشخاص = ومن باعني بريال .. بعته بنصه
خليف الجهيلي
[/poet]
رد مع اقتباس
احم احم
مشرف مضيف الترحيب والتعارف
المفضلات