[poet font="Simplified Arabic,5,burlywood,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
حل المجال وصار للشعر عنوان=خذيت بوكي والقلم بين الاصباع
وحضرت للاشعار ملهم وشيطان=يدور في راسي على عدة اوضاع
الشعر ليبه مع هل الشعر ميدان=فكر الاديب اللي بالاشعار ماضاع
حي الجواب وحي من صاغ الالحان=يامرحبابه عد ماهب ذعذاع
جاني كتاب الذيب باشكال والوان=موضوع يفتحله مواضيع واوضاع
دنياك من راعى وبرق بالاعيان=يلقابها تفطم قبل وقت الارضاع
ابشرك يالذيب عارف وفهمان=وللي شراني يوم ماكنت بياع
من جالنا جيناه مانحب الاثمان=وتر للبضاعة عندنا فرز واطباع
قلبي وعقلي بين رابح وخسران=ضد وراه اضداد واصناف وانواع
والنجمة اللي يوم انا كنت سهران=غابت وغطاها من الغيم لماع
صديت لاخوفٍ ولاني بندمان=ماكنت يومٍ للمقفين تباع
والمعركة له باول العام فرسان=واليوم بين الناس حاصد وزراع
والعيد به ينصب للارفاق نيشان=هذا يصيب وذاك يخطي وينلاع
والشمس لامالت ورا روس مابان=يطلع لها بكرا بواكير واشعاع
ضو القمر عقب المساري لتعبان=ينعش فؤاد غثته بعض الاوجاع
عرفت انا يالذيب قصدك وماكان=ومن قبل فتح الباب للباب مطلاع
تر الهوى له مالت اوراق واغصان=لو ماتشوف العين بالاذن سماع
الوقت يمضي والزمن عنده اعلان=لكن عصيت الوقت ماني بمطواع
وان صارت الفزعة من اقراب واخوان=والله مايفرح على الذيب طماع
انا سلاحك كان بالجو دخان=وانا عضيدك لاجلس كل فزاع
واللي حكى بالظن خايب وخسران=والكذب ماله مع هل الحق رقاع
تدري انا لك ويش ياذرب الايمان=كلي وماتملك يديني والاصباع
ابشر تطمن مامن هموم والاحزان=عندي بدال الصاع صاعين واصواع
واسلم سلم راسك واذا كنت غلطان=اسمح لنا ياشوق معدوم الانواع
[/poet]
رد مع اقتباس
المفضلات