[poet font="Simplified Arabic,4,white,normal,normal" bkcolor="darkred" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
انا كل ما سلى حرّك الناس لاوجاعي = وتبـدا جراح القلب تنزف من اوجاعه
يقـولون ما للحبّ في هالعمر داعي = اذا شاب راسك فاتركه وابتد الطاعه
وانا من زمان أول بمحرابها داعـي= قيـام وتهجّـد لاخر الليل بافزاعه
اساهر نجوم الليل واشكي لها اوضاعي= ولكـن تغيب وتترك النفس ملتـاعه
وادوّر على بحرٍ يجدّف بـه شراعي= لعلّي بيـوم اوصل إلى شطّ اسماعه
سقى الله زمانٍ كان فلحبّ مرباعي = اذا من ذكـرته تشهق الـروح جزّاعه
على حلم غاب اليوم وعيوني تراعي= ولا لي سوى التنهيـد من نار لذّاعه
عرفته يحبّ بصدق ما للهوى باعي = شريفٍ نظيفٍ ما خبر نقص باطباعه
عفيفيـن في حبٍّ جمعنا بلا اطماعي= نفكّر بحـلم ولفّـه الـوقت بشراعه
اعدّ الليـالي واثرها تعـدّ لخداعي = على غفـلةٍ والقـلب داله بمربـاعه
رحل من سبا قلبي وخلاّه ملتـاعي = يخاوي الحزن والبين ما تدري اضلاعه
سنينٍ طـويله انتظر فرحة الـداعي= وهذا العمر ولاّ ولا ادري عن اوضاعه
عطيت العهـد ما يوم يتوسّد ذراعي = سواها وانا باقي على العهد للساعه
اذا مت ما بي دفن .. تكفيني اوجاعي = ابي راس مرقاب اشوفه ولو ساعه
اذا مرّني من بعـد ما يسمع النـاعي = فهو يوم بعث الطير يصحى على ايقاعه
[/poet]
رد مع اقتباس
المفضلات