$$$$$$ قررت اصير مليونيـــــر :o $$$$$$

**مفتاح14** · 30-12-2003 11:07

[ALIGN=CENTER]
الغازي

وش هالتحطيم؟؟

حرااام عليك.. وحنا وش قاصرنا عن هاللي تقول؟؟

الا وش رايك تحول لي كم الف واشتري لك معي واخزنهن عندي الياما يجي الوقت المعلوم همّن ارسلهن لك;)

هااه وش قلت؟؟:p

اما سالفة المندي والسمنت هذي اشاعات مغرضه هدفها زعزعة الامن ( المطعمي:p) من ناحيه.. واعتماد الرجال على طبخ البيت من ناحية اخرى..وبالتالي الضحيه حريمكم يالمتزوجينp:p

يسلمو يابعدهم انت هالخشه
تحياااااااااتي المدرفسه:p

[/ALIGN]

**السنيورا** · 30-12-2003 11:25

[ALIGN=CENTER]السلام عليكم ورحمة الله وبركاته

هلا بمفتاح فورتين

والله وقمت تفكر بالتجاااارة

لكن ماعليك انا انصحك لوجه الله

توكل على الله واشتر لك كم مليون غدي الله يرزقكك بعد هالحاله :D

والتجاره ربح وخساره

اذا خسرت مهي مشكله كأنك مضيع هالفلوس على الفواتير التلفون

واذا ربحت ( تعال قابلتا ):D

امزح ياولد العم عاد لاتنسانا

واذا نويت تعال يم الكويت المليون عراقي = 190 دينار

وانشالله يرتفع مو معقوله يظل على ما هو على الاقل يرتفع ريالين

يصير عندك تقريبا ربع مليون سعودي

اسأل مجرب ولا تسأل طبيب <<<<< ما هقوتي والله:D

سلااااااام[/ALIGN]

**عبدالعزيز** · 30-12-2003 13:03

يارجال والله بربسة من اول ماطلعت ماهو عاد بتليته هالحين
وهالشغلة بالذات مااعرف عنه شين
لكن اللي اعرفه ومقتنع بوه 100% قبل كل شي ان الشغلة اللي يطبح به كل من هب ودب ماهي شغلة ... خذه مني
ومدامك نويت تشتغل حر ... أظرب على التسايد واعتبر ان بداياتك لكسب الخبرة بس
ودنانيرك هاذي ماهي متعدية بدورته اصابع اليد ... منتهية منتهية الله لايعوق بشر .... شف شي تبتل عليه .... مثل
أي شي تشوف بنفسك ميول له .. إذا كانت حلاقة مثلاً (مثل ابوغازي:D) افتح حلاق ... المهم انك تحاول تشتغل بشي تكون هاويه (على اساس ماتمل)

وان صرت ملزم على العملات على مااشوف ... شف جارته (الأسهم)
والله يابو14 ان به متعة ورزق حليل
حاول تفهمه .. وان صار له قبول عندك تر بوه دورة مقامه بديرتك هالمروحة بـ600ريال
تدخله دبشة وتطلع منه فاهم
وعندك موقع تداول وكم منتدى اقتصادي (ثقات) ا ... تقوى تبدا بالتعليم منهن بعد.
وانكس عقبين للعملات ... يقولون ان البورصة السعودية ماتبطي انشالله
ولامنه صارت شد الركايب يمه وشغلن معك بمهنة(ملوح)
بس انت شف غير سالفة هالالفين وسبع وتسان ماعندك الاهن شوري عليك تشري بهن نعجتين وفحلهن معهن واربع دجاج وديتس وقفص بلابل... اسرح بهن بالثمامة
او سلفن اياهن خل انحر الشام
هاذي شغلتك اللي تصلح مع شغلك هالحين يامفيتيح (الاولة اقصد)
وانا متفائل لك بالخير صراحة
لأن وجهك سمح ونفسك طيبة ومعروف ماشاءالله بمد يد العون والمساعدة لهواة السفر والرحلات

ماتسلفن الفين ابي ازود قريشاتي واسافر للشام سياحة|513|

**محارش** · 30-12-2003 13:31

اخوي مفتاح اربع طعش

رأيي من رأي الاخ عبدالعزيز لما يمتلكه من خبره لا يستهان بها اضافة الى نصحه للاخرين ( وانا والله ما اقوله مجامله لعبدلعزيز لكنه كلمة حق يجب ان اقوله )

ايضا بامكانك تسوي حركه اسرع ربح وهي انك تجيب دنانير عراقيه من الكويت ( اذا كانت ارخص من اللي بالسعوديه ) وتبيع بالسعوديه اذا ثبت لك جدوى ذلك.

وقبل ما تبدأ تذكر شغله مهمه يابعدي وهي :

كيف تتأكد ان هالفلوس مهي مزوره ؟؟؟؟ اقصد العمله العراقيه الجديده .

وبالتوفيق ان شاء الله .

**الشمري محمد فهد** · 30-12-2003 14:12

[ALIGN=CENTER]

كاتب الرسالة الأصلية : (عبدالعزيز)

أي شي تشوف بنفسك ميول له .. إذا كانت حلاقة مثلاً (مثل ابوغازي:D) افتح حلاق ... المهم انك تحاول تشتغل بشي تكون هاويه (على اساس ماتمل)

أهـم شي يكون عندك خلفية كاملة و قوية عن الشي اللي تبي

تسويه ولا تصير مع الخيل ياشقرا أو لان فلان قالك تره فرصة

ماتعوض ولا يفوتك ;)

ترى بعدين يجري عليك اللي جرا مع بناخي جيران جونسن أيام حمى الذهب بامريكا

[/ALIGN]

**الاصمعي** · 31-12-2003 01:02

مفتاح 14 لاتشتري >>>عقب ما شالوا صورة ابو عداي ماتستاهل الي يشتريه لو المليون بريال

اخي ابو محمد العمله العراقيه قيمته نازله جداً ومن الصعب ان ترتفع خلال عشرات السنين، وذلك لحجم الدمار والديون ، اضافةً لسوء ادارة الاحتلال للبلد وجشعهم للاستفاده القصوى من مداخيله النفطيه وخلافه>>>>هم يعتبرون البلد غنيمة حرب فكيف تتوقع ان ترتفع عملته.

ولك في لبنان مثال: فقد هبطت الليره جراء الحرب الاهليه نزولاً فاحشاً وفي بداية اتفاق الفصائل الذي سمي بأتفاق الطائف لانهم وقعوا الاتفاق هناك
اندفع كثير من المغامرين الى شراء الليره التي انتعشت قليلاً، ومنهم واحد اعرفه من شيعت القطيف اشترى بقيمة 500,000 ريال عمله لبنانيه، ولكن الكارثه التي اصابته وجعلته يخسر ثلاث ارباع قيمة فلوسه وغيره ان الليره رجعت بعد الانتعاش القليل الا قيمتها الحقيقيه والتي لازالت عليها رغم الاستقرار الذي تنعم به لبنان منذ حوالي عشرين سنه.

تحياتي

**احبه حيل** · 31-12-2003 01:19

يامفتاح14
اشتر وانا وراك
ولو انت شريت وانا شريت وهذاك شرى
اكيد تبي ترتفع
خصوصا ان في مشاريع كثيره لأعمار العراق
وبعدين ثلث البترول في العالم من العراق
يعني نخرببببببببهاااا وش ورانا
يانصير مليونيريه ولانعطي احد وجه هنا
والا اننا نقول نتعلم من هالدنيا
والأسهم اذا ناويها انتبه من الشركات الوهميه
واحد من جماعتنا حط 500 الف وراحت عليه مسيكين
مع انه كان يتعامل معهم وحط اكثر من مره بس فجأه
انحاشوا بعد ماكسبوا ثقة الناس وحطوا مبالغ كبيره
وعلى قولة امي يا اشتري شي امسكه
او ارض اجلس عليها
او اني مااشتري اما اسهم وش اسهم؟
لين اللحين ماهي مستوعبه فكرة الأسهم
يالله بس نروح نشتري ونخربها
وعلى قولة السنيورا اعتبرهم فاتورة تلفون
هااا وش قولك ياخوي؟

**مفتاح14** · 31-12-2003 13:49

[ALIGN=CENTER]
السنيورا

اجل المليون عندكم ب 190 دينار؟ امممممم يعني ب2280 ريال تقريبا انتي متاكده من هالكلام؟؟:confused:

<<-- اشترى مليون ب 225 دينار يعني 2700 ريال|513|

الظاهر الرجال اللي بالطريق نصب علي:p

لكن على قولتك نعتبرها فاتورة جوال..وننساها

تسلمي على ردك
تحياتي [/ALIGN]

**مفتاح14** · 31-12-2003 13:56

[ALIGN=CENTER]
عبدالعزيز

هههههههههههههههههههه

وشنوحك من جرف لدحديره الله لايبلى:p
عقب مارفعت معنوياتي وقلت بس ابصير من حقين البورصه تليته تصير تجارتي نعجتين؟؟؟؟؟؟؟؟؟؟:p

والله ياعزوز اما تداول هذي عزالله اني ناوي ادخل معهم بس ياخوك تعقيد عجزت افهمه

تسان عندك خبر ابجيك باجازة الحج وابيك تشرح لي..اما هالدوره ام 600 ترى ماني مسجلن به لاني ابيه بالشرح الشمري احسن;)

رائك مهم واضاف لمعلوماتي الكثير تسلم يالغالي

تقبل تحياتي

(( لي عوده ان شاء الله مع باقي الردود لان الدوام خلص والجوع ذابحنا|512|))

[/ALIGN]