اعترافات ... ( اخترافات )

**المشرف العام** · 01-01-2004 04:26

[ALIGN=CENTER][/ALIGN]

**المهاة** · 01-01-2004 04:44

[ALIGN=CENTER][/ALIGN]

**ابو مشاري الشمري** · 01-01-2004 07:04

[ALIGN=CENTER]يالله راحت علي
أعترف
واعترف واعترف
اني تآخرت على الدخول على شان أشوف اعترافاتكم

أعترف
ان مفتاح اربع طعش كفش ضحكة واحد مسجل عضو جديد في المضايف

أعترف
اني سويت مقلب في واحد عزيز علي قلبي بالحيل بالحيل من أعضاء المضايف

أعترف
أني سعيد جدا من التحقت في التسجيل في المضايف والتعرّف عليكم

أعترف
ان اللي مأعجبته المضايف انه ((يقرّن الخنافس....ويعلك الرقع)) ماعنده ماعند جدتي

أعترف
انك يانواف موضوعك لم تسبق عليه ومميز

أعترف
ان أفضل المنتديات هو منتدانا

أعترف
أني انا اللي بنشرت سيارة ابو غازي يوم كان واقف ينتظر مفتاح اربع طعش بقصر الافراح اللي بالحساء

أعترف
ان فروة خليجي اللي خذاه متفاءل بعد ماقلتله خذه يوم خلاه على المركاء بعد ماقلط للعشاء ((كان متفاءل بردان))

أعترف
أني توي طالع من الدوام وابي أنام وتصبحون على خير
تحياتي
وشكرا نواف على هالموضوع الرائع[/ALIGN]

**شموخ** · 03-01-2004 01:13

اعترف اني كل يوم اقول برد على هالموضوع وما الله كتب الا هالحين .

اعترف اني حبيت حايل وشمر واتمنى اني اشوفها واعيش فيها لو فترة بسيطه .

اعترف اني اول ماسجلت بالمضايف ماكنت متوقعه اني بستمر والحين اذا حصل لها شي المضايف وماتصفحتها يتكدر خاطري وكأن ماعندى نت لان الانترنت عندى هو المضايف .

اعترف اني احب اتعرف على بنات من جميع قبائل المملكه واحب اعرف عاداتهم وتقاليدهم ولهجاتهم .

اعترف ان المضايف علمتني اشياء كثيره عن شمر كنت اجهلها .

اعترف ان تصميم المضايف راااااااااااائع واتمنى انه مايتغير .

اعترف ان اختي العنود كم مره قالت لي وسوسو بك شمر لانها اذا جتنا تشوفني اتصفح المضايف :confused:

اعترف ان حب شمر اصبح يجري بدمي واعترف اني اغليت شمر والطنايا وحايل ......واغليت دار للكرم هي كيانه .

تحياتي
شموخ

**عبدالعزيز** · 03-01-2004 06:10

أعترف أني معجب بنشاط نواف الحمود ومنطقه ولو اني ماتناقشت معه
أعترف أني مدمن شي أسمه مضايف شمر .. حتى وان كنت مقصر بحقه وموفي بحق غيره
أعترف أني ماشفت بالخبال مثل مفتاح والغازي
أعترف أني مغروووووور بحايل ولا اشوف أي ديرة غيره ولو بطرف عين
اعترف اني بيوم المباشرة بوظيفة مايحلم به اي احد بالرياض قمت الصبح ورحت للمطار راجع لحايل بدال مااداوم (عطيتهم الخامس ليومك)
أعترف ان أخوياي الخاصين يقولون الله يخلف على والديك
أعترف ان ود عيني بالعرس ولاأقبل طاريه ذليت من الارتباط
أعترف أني مماطل وبارد سقوه
اعترف اني اتصفح المضايف لحاله 3ساعات يومياً من 6 واتعاجز ارد او اكتب موضوع
اعترف أن قدراتي الذهنية وقواي العقلية والبدنية تخور لاشميت ريح المندي
اعترف اني بسنة من السنين كنت طالع للبر ويوم جاءالمسرى بيوم الجمعة قعدت لحالي ومانزلت الا يوم الاثنين للديرة عقب ماراحن علي ثلاث اختبارات نهائية!!
اعترف اني بهاللحظة منتهية بطاقة الاحوال معي والرخصة واستمارة الموتر والتأمين والجواز
اعترف أني سألت مدير مكتب وزير الداخلية بلحضة ثواره.. منهو وزير الداخلية؟؟!!
اعترف اني ضعت بأبو ظبي بيوم من الايام وقمت انشد خلق الله .. وين طريق حاااااايل؟؟ وكلهم يقولون ماندري الاما قال هكا الواحد تبي السعودية؟

**نواف حمود الشمري** · 04-01-2004 22:55

[ALIGN=CENTER]اعترف اني لو اصير المشرف العام على المضايف لمدة ساعه بس اتخذ القرارات التاليه

الغي مضيف الدكه..

الغي مضيف الاجهزه.. وين قاعدين حنا بحراج؟؟

الغي مضيف الترحيب ويصير الترحيب بالعام

الغي مضيف المطبخ والمضيف الطبي وادمجهن مع الاسره ولو اني ياااله بالعه هو بعد ..

اضيف مضيف للنقاشات الجاده حول الشعر

ومضيف للنقد والتحليل ومهو خاص بالشعر بس

افصل مفتاح ١٤

اخلي المهاة مشرفه على المتواجدين حاليا ... ولا تدرون

على المتواجدات حاليا

المتواجدين حاليا احط عليهم واحدن ببالي يسنعهم

اكبر الخط بالمضايف

وبس

يمكن اجي بعد شوي[/ALIGN]

**الجازي** · 05-01-2004 02:34

أعترف ,, إني أحب أبوي أكثر من أمي ,, بس البلشة أبوي ماصدقني ,,وأمي خذت موقف مني ,,وانا اللي رحت فيها |513|

أعترف ... إني يوم سجلت في المضايف كنت متوقعة إني أحط مشاركتين ثلاث وأعطيكم الخامس :D ,,بس الظاهر إن مشاركاتي تكاثرت ونسيت الخامس ;)

أعترف ,, إني أول مرة صلحت فيها الفشار نسيت أغطي القدر ,, يوم حمي الزيت عينك ماتشوف الا النور |513| ,, انحشت من المطبخ وخليت الفشار ياخذ راحته في الانتشار :D ,,,, وش رايكم بس في هالسجع ;)

أعترف ,, إني ماحسيت بمعاناة الجزائريين إلا بعد مافقدنا أبو نواف الله يرحمه

أعترف ,, إني صدقت كلام الصحاف يوم يقول إن الجنود الأمريكيين سينتحرون على أسوار بغداد ,,, مادريت ان بغداد مالها أسوار :confused:

أعترف ,,, إني كل يوم أكتشف في كل عضو وعضوة من أعضاء المضايف صفة نبيلة (( نبيلة ولا تفيدة :D )) ,, تخليني أتمسك بالمضايف أكثر ;)

وأعترف إني لو كملت اعترافاتي أبطلع فضايح العائلة الكريمة :D عشان كذا أبوقف هنا ;)

تحياتي لكاتب المقال الأخ نواف على هالموضوع المتميز

**المحمود** · 05-01-2004 11:53

[ALIGN=CENTER]ماعليه ياشبيبه بغثّكم شوين (( ماهو بواجد ))

إني ليا ضاق صدري مررررررره دحدرت على الفلّه وما اطلع إلا وانا مرووق

والا في أسوء الظروف هادي.|118|

وإني بغيت ارجف لي واحدن معي بالشغل بغى يلطش موضوع من الفلّه.
|83|

اني يوم جيت ابسوي لي توقيع لقيت ابو مقرن سابقن على الصوره ذلّيت. |112|

وادري بعد ان العمر مش بعزأه [/ALIGN]