متعب الحمود الرشيد - تعريف و قصيد

[سليمان الرشيد]

السلام عليكم ورحمته الله وبركاته جميعا

* هو الامير متعب الحمود العبيد العلي الرشيد اما عن خواله فهم الجبر الرشيد وهذه الروايه الراجحه وان كان بعض الرواه يذكرون ان عائلة السبهان هم خواله ولاكن الروايات الشفهيه تذكر ان زوجته كانت بنت ابن سبهان وليست امه

وفاته: اتفقت اغلب المصادر ان وفاته كانت اثناء حصار الدلم - مدينه جنوب غرب مدينة الرياض- فقد اصيب بمرض ما اثناء الحصار المذكور ودفن في تلك المنطقه والتاريخ الدقيق للوفاة لا اعلمه شخصيا

مع الاسف الشديد ان اغلب قصايد الامير متعب لم تصلنا فلقد ضاعت اغلب قصايده وغيرها من قصيد الرشيد وكثير من رواة القصيد يثنون على قوة قصيد متعب
واعتقد شخصيا ان بعض المخطوطات الشعريه النادره- التي لم ترى النور بعد- الغير متداوله بين الناس يوجد بها الكثير من القصيد النادر ولاكن الكثير يتحفظ عليها لاسباب لا معنى لها

هذه بعض ما عندي من قصيد الامير متعب

قال
[poet font="Simplified Arabic,4,chocolate,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
اهـب يـــا وقـــت مـن الـخـيـر مـسلـوب = وقـت بـه الـعـاقـل خطـيــر يــنــابــي
وهبيـت عـمـر عن هــوى الـنـفـس مـحـجـوب = حقّـه من اللـذات عد الـوجـابي
بـاح الـعـزا مـنـي وسجـلـت مـكـتـوب = وابــديـت بــه سري وغــايــة جــوابـــي
وكـزيـت مـنـدوب يــصلـه لمحـبــوب =عــني ويـخـبـر صـاحـبـي فـي جــوابـــي
وقـلـه تــــرن مـن ضـيــم الأيـام مـركـوب =ألا ولا يــخفـاك لــحـق الــقـصـابـي
ذكـرت بــيــت الـلي بـالأفـكـار مـتـعـوب =عــز الله إنه قــال بــيــت وأصــــــابي
الـلـي بـصـوب وعـيـلتـه عنـه فـي صـوب =هذاك مـثلـي بـالعنــا والـــعــــذابي
ومـن بـعـد ذا قـله تــرى الـرد مـاجـوب =بـخـط لـعل الـخـط يـبــري صـوابــي
[/poet]


ورد عليه الامير ضاري الفهيد العبيد الرشيد بقصيده مطلعها يقول :

[poet font="Simplified Arabic,4,darkred,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
دنيـاك هذي تقـل دولاب دالـوب=تفنـي عمار الـنـاس بالاقـتـلابي
نوب تزين وحادث الدهر مرهـوب=طبعت على التفريق بيـن الحبابـي
[/poet]

وقال متعب يرد على الشيخ راكان ابن حثلين :

[poet font="Simplified Arabic,4,chocolate,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
الحرب يا راكان تـو ه جديـدي=تركض به القرح وتغدي فلاهـا
أما مشيت لنا على مـانريـدي=تاطاك درجات الرمك في حذاها
وعشيقك اللي مثل عين الفريدي=دوك الدويش مقيل في حشاهـا
[/poet]

ولمتعب قصيده غزليه هذا ما احفظ منها:

[poet font="Simplified Arabic,4,chocolate,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
يـوم التوينـا ودعنـا خـرايـد=عفايـفٍ ماجـن دروب المناقيـد
ماجد* مروي مرهفـات الحدايـد =فرز الوغى نطاح وجه البواريد
[/poet]

ماجد: ماجد الحمود العبيد العلي الرشيد الاخ غير الشقيق لمتعب

واخيرا رحم الله متعب الحمود واموات المسلمين وجمعنا الله واياهم في جنات النعيم


ولي نداء عبر هذا الموضوع لكل من يملك قصيده للامير متعب غير ماطرحت اعلاه ان يضيفها على الموضوع او يرسلها لي

والسلام عليكم جميعا

[السنعوسه]

يعطيك العافيه أخوي سليمان ...