[poet font="Simplified Arabic,4,orange,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
بسم الله الرحمن الرحيم
هذه القصيده مدح بالشيخ / صنيتان الطواله
ارجو انت تحوز على رضاكم وتنال اعجابكم..
..
..
(( فرخ النمر ))
قال الجهيلي باالقصايد ونضم = يمدح صنيتان الطواله صحيبه
شاعر ويفهم بالتماجيد وملم = أمثال من فيض القريحه .. نجيبه
امدح بها رجل(ن) .. حكيم(ن) .. أمعلم = بالمرجله أستاذ .. يتعب طليبه
من والده درس المراجل تعلم = جعل الولي يرحم أبوه .. ويثيه
وبالاخره جعله من النار يسلم = في جنة الفردوس يلقى نصيبه
دامه كّريم .. ورجل دين(ن) .. ومسلم = خّلف حرار(ن) بالفخر .. ينهقيبه
مامات وصنيتان عقبه تولم = أحياء كرم جده .. وابوه .. بغصيبه
شمر أذراعه للمواجب تحيزم = يمشي على سيرة كرمهم .. مشيبه
ان قلت خال الطيب .. وان قلت هو عم = الطيب عوّد .. وهو وقاره .. وشيبه
كنه حلف حلف(ن) على الطيب .. وأقسم = أمعاهد(ن) نفسه .. وربه .. بطيبه
بالطيب ابو عجلان يضرب .. ويقسم = أتنومس افعوله بعيد .. وقريبه
ماهي سوالف بالقصايد .. اترجم = ماقول هرج(ن) فيه شك(ن) .. وريبه
دامه على كسب النواميس يهتم = اللي اعلومه بالفخر .. ينحكيبه
يشهد له التاريخ قال .. وتكلم = وتشهد له أرجال .. ومواقف عجيبه
صنيتان مثل اسهيل بالليل الاضلم = مادام نوره بالسماء .. نقتديبه
فخر(ن) لسنجاره .. وعبده .. والاسلم = اقولها وابليس نلعن صليبه
مثل السحاب ان جاك غيثه .. ترادم = يرو الفياض اليا انتثر مع .. شعيبه
كل(ن) شرب من فزعته ويتطعم = أحلا من الحالي وسكر .. حليبه
من يارده يشرب قراحه .. من الجم = هداج تيماء مايخونك قليبه
مثل الجمل تسمع هديره ترزم = بالطيب لامن هاج .. عقله يغيبه
يفقدشعوره لا انتهض حر(ن) أقطم = بالكف جزلات الحباري .. عطيبه
اليا نخيته جاك كله تقدم = ماهاب عسرات الليال .. التعيبه
مافيه مثله بالرجاجيل .. لا أهتم = وشعاد لو دونك أدروب(ن) .. صعيبه
أمعرب الجدين .. والخال .. والعم = ريف الكبود .. وسترها .. عن لهيبه
وسط الحساء بيته والاجواد تعلم = أنشهد انه كل حي(ن) .. دريبه
له مجلس(ن) فيه النشاما تداحم = مدهال طلقين الوجيه .. اللبيبه
بيت الشعر شامخ كما الضلع الادهم = يشبه جبل حايل .. اعلومه رهيبه
صنيتان (( فرخ النمر )) بالليل الاضلم = اقولها وأبليس نلعن .. صليبه
شعر /
خليف الجهيلي
[/poet]
رد مع اقتباس
مشرف مضيف الترحيب والتعارف
المفضلات