التحدي .. مشاركة أولى .

[أجودي]

أسعد الله أوقاتكم وكل عام وأنتم بخير ...

يسعدني الانتماء لكم وآمل قبولي أخا لكم ...

وانشاءالله نكون عند حسن الظن ... التحدي مشاركة

أولى .. آمل أن تحوز على رضاكم ...


مختلفة عن كل البنات إذا حكت لي وضحكت

* * * بعيونها سحر وجمال من شافهن جاك اخبــره

شدتني من أول لقــاء شوي بأعصابي لعبـت

* * * لما بديـنـا بالعناد حسيتهـا متبخـتــرة

حلفـت لا ما أ نسحـب وش يعنـي لو أدلعـت

* * بكـره أخليها تعرف هـذا الدلع ايش آخـره

وبديت أروضها بهون علقتهـا ليـن وقعــت

* * * لاعبتها بكل احتراف خـليـتهـا مـتـبعـثرة

وصارت تلهـف جيتــي أدري علــي تعــودت

* * * بــان الغـلا بعيونها والحب صعبٍ(ن) تنكره

ما عادت تقاوم خلاص البنت والله استسلــمت

* * * عـنـادهـا اللـي شدنـي قدرت أخيرا أكسره

بس انكسر قلبي معـاه روحي بروحه تعلقـت

* * * هـذا الهوى ماله أمان غلطان من يستصغـره

مـن قال نقدر نفترق وأشواقنا توه أبتدت

* * * مـن ـال نقبل بالعـذر جروحنا مـن يعذره

شلون أعلمهــا الجفا وعيونها ماقـد بكت

* * * شلـون أنا أتركها وأروح كسورنا من يجبره

ماظن يهنا خاطـري بكره إذا ببالي طــرت

* * * نفســــي إذا حبت أحـد كل القيـود تحرره

يا ليتني ما شفتها و يا ليتها مااتعندت

* * * مـاكـنـت احسبـن التحدي لا كسبتـه باخسره

[العذب]

والله انك أجودي على اسمك


وقصيدتك أجودية بعد


وانا ظنيت التحدي غير

لكن خاب ظني ..



كاشاء الله عليك ......


ولا تقطعنا من الزين





وعلى المحبة ,,,

[الوسي]

اخوي اجودي ماأروعك
موضوع جميل جدا موضوع التحدي والاجمل منه صياغتك له .
وتسلسل الابيات يشد القاريء اكثر.
اخوي اجودي اعتبرني من قرائك.
شكرا لمشاركتك .

[برزان]

الاخ الاجودي
قصيدة جيدة جدا ومشاركه اولى رائعه وناجحه
ونامل ان لا تبخل على المضايف بنشر كل قصائدك


وتقبل تحيات اخوك
برزان

[الاديب]

بسم الله الرحمن الرحيم

صح لسانك وصحصح انت اجودي على اسمك
نبي نسمع فلاتحرمنا الله لايحرمنا منك

[أجودي]

مشكور على التعقيب الجميل والمليئ بالعذوبة ..

الحياة كلها تحدي وعسانا نسلم .. ربي يوفقك وحاضرين للطيبين..

[سيف الاسماء]

الاخ اجودي قصيده تنم عن كرم ابداعي متواصل فلا تحرمنا منه ....

[المشرف العام]

كاتب الرسالة أجودي

ما عادت تقاوم خلاص البنت والله استسلــمت

* * * عـنـادهـا اللـي شدنـي قدرت أخيرا أكسره

^^^^^^^^^^^^^^^^^^^^^^^^^^^^^^^^^^^^^^^^^^

شلون أعلمهــا الجفا وعيونها ماقـد بكت

* * * شلـون أنا أتركها وأروح كسورنا من يجبره

صياغه .. رائعه

وحضور قوي


لا تبخل علينا..منتظرين طلّتك علينا بقصيده رائعه مثل هذه..

ولك تحياتي

وعســــــــاك من عواده.. وكل عام وأنت بخير

[أجودي]

الله يحييك .. ومشكور على الكلام الحلو وكلك ذوق حبيبي ..

يسعدني ويشرفني أن تقرأ لي وانشاءالله نكون عند حسن الظن ..

أعجبني جدا البيت الذي في توقيعك .. وحاضرين للطيبين ..

[أجودي]

صح بدنك والله يحييك ويبارك فيك ..

شكرا لمشاركتك ولحضورك الجميل .. ولن أتوقف في ظل دعمكم الكبير ..

أكرر شكري .. وكل عام وانت بصحة وعافية .. حاضرين للطيبين ..