[ALIGN=CENTER]
كل المشاعر غارقة في شعـــوري
طــوّل طريقي ... والأمل ماذكرني
كل الخطاوي تنكسر في عبــوري
أزريت عن دربي .. وعشقي أسرني
وينـك حبيبي .. ؟ كنت غبـة بحـوري
وجه السراب من العطش مارحمني
مرات \ أنسى في غيابي حضوري
وأبعد معي فيني .. وانا .. انتظرني
ومرات تذبل مع ورودي بــذوري
وغصن الوفا من هالجفا عاد محنـي
يا صاحب أوراقي .. طفى حزن نوري
واشعلتني ذكرى واقول .. افتكرني
كل مامشيت وعزتي لي ضروري
يعيبنـي ذل بهوايــا عثرنــــي
وكل مانويتك مجد باني قصوري
يسقط جدارك منهدم فوق متنــي
ذابــت مشاعرنــا عبـث .. ياشعــوووري
وليل النــدم .. ياما هزمك وهزمني
اللي زرعني للغــلا ... حقل جـــوري
هو كان
يدري
بالألم
لوقطفنـــي ..؟؟؟
[/ALIGN]
رد مع اقتباس
المفضلات