[poet font="Simplified Arabic,4,white,bold,italic" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
النـدم مافـاد ولايفـيـد الـنـدم = ولاتعيد الآه شي(ن) كـان فـات
ولايفيد علاج فـي بعـض الالـم = ولايزيـد الهـم الا الذكـريـات
والزمـن عادتـه يبعـد مايـلـم = وكل ليله تفـوت تقـرب للمـات
والهـوا مافيـه قانـون وحـكـم = والمحـب يـروح ليلـه مايبـات
ذا صدق بالحب وذا حبـه وهـم = وذا سعد بالحب وهذا في شقـات
والهوا الصـادق نـدر او انعـدم = وصار حلم الرجل ترقيم البنـات
يرسـم اشواقـه وتفنـن بالرسـم = لابس(ن) حبه مثل لبـس العبـات
كل منهم عاشق(ن) بـس بالأسـم= وان خذا المصلوح اقفى في سكات
والمحبـه مـن طـرف لأماتتـم= ولو يطول الحب اخرتـه وفـات
والمحبـه كـان لقلبيـن(ن) تلـم = القلـوب اللـي حقيقـه وافيـات
من وفى بالحب ضحـى بالمهـم= ولجل خله باع عمـره والحيـات
الشـرف ثـم الوفـى ثـم القيـم= هم اساس الحب زود التضحيـات
والحقيقه الوقـت صعبـه يبتسـم = دايم(ن) يمشي على درب الشتات
بس هذا الحال من ماضـي القـدم= الرياح تسيـر عكـس الباخـرات
[/poet]
[ALIGN=CENTER]*ملاحظه :
هذه القصيده سبق وان نزلتها هنا ولكن بغير اسمي ولم تكن بهذا الشكل يعني عدلت اوغيرت اكثر الابيات
هذا للمعلوميه فقط .[/ALIGN]
رد مع اقتباس
المفضلات