ترقبوا الرحلات الهودجيّة قريباً بإذن الله

**نجمه السماء** · 08-12-2003 22:05

[ALIGN=CENTER]هلا بالغاليه مجموعه انسان ..

عاد تصدقين الهودج عمر ي ما شفته الا عندنا بالمتحف ..

يمه يخوف ..ويخوف اكثر مجرد تفكير اني راح اركبه ..

احس اني بطيح وتنكسر رقبتي ..

بس اكيد في دورات تدريبيه قبل البدء بالرحله ..

موضوعك شيق وكلنا ننتظر بدء الرحلات ..

اعذب التحايا ..[/ALIGN]

**شموخ** · 08-12-2003 23:34

[QUOTE]كاتب الرسالة الأصلية : مجموعة إنسان

وبالنسبة للركوب واللــــــه إنه مشكله

إن جيتي من قدام عضّك هالركوبه << مايعرف المزح

وإن جيتي من ورى عطاك شلوطي <<< مايحب أحد يقرب له :D

شكلي بأحكي له حكاية عشان يغفل وتنطون بالهودج :D:D

تحياتي،
[HR]

هذا بلا ابوك ياعقاب

مجموعه بنشوف اول وحده اذا ماطاحت بنركب .

تحياتي
شموخ

**ديمــــه** · 09-12-2003 18:18

السلام عليكم

موضوع اكثر من رائع مجموعه انسان يعطيك الف عافيه

اعذريني على التاخير بالرد

موضوع جدا رائع لكن اسمحيلي مايصير انتي انتي اول ....!!!!!

هههههههه

تحياتي

ديمه

**مجموعة إنسان** · 09-12-2003 21:40

المهاة :

و ما احصله الا عند حلويات جهينة او قصر الشوكولاة .. بس مو مثل البقل الصدق

شلون يعني بقل جهينة مغلّف على حبّة حبه وعليه تاريخ صلاحية ؟ :D

أو يكون مصبوب بقوالب كليجــــــا :D

المهاة شكلي بأخليك آخر من تركب على الهودج عشان ماتلاقين بالهودج غير

حبتين بقل بس <<< ماكلاته راعيات الهودج اللي قبلك :D

;)

ـــــــــــــــــــــــــــــــــــ

الغاليه إغتراب

قولي لاإله إلا الله ياشيخه لايفطس الجمل بسبّة هالخزان فوق ظهره :D

ويمديك تعملين ريجيم قبل تركبين ;)

تحياتي،

ــــــــــــــــــــــــــــــــ

نجمتنا

عادة النجوم أمثالك تكون قد تعودت على الإرتفاعات الشاهقه ;)

ولاتخافين ومعك مجموعة إنسان لأنها بتعض شليله وتخلّيك إن طحتي

تحياتي،

ـــــــــــــــــــــــــــــــ

شموخ

بأربطها بحزام أمان أتوماتيكي لاتخافين ;)

تحياتي،

ـــــــــــــــــــــــــــ

ديمه الغاليه

معذوره وأهم شئ إنك لحّقتي قبل بدء الرحلات الهودجيه ;)

وبالنسبة لي أنا مايصيــــر اركب قولي ليش ؟

لأني أنا اللي بأمسك خطام الجمل <<< خوذي بالك من المصطلح خطام

لو تركته بيفلت بكن وتفضحنّي بالصراخ << جمل المضايف متوحش حبّتين

تحياتي،

**ريم شمر** · 10-12-2003 14:40

[ALIGN=CENTER]
مجمج سامحيني على التأخير

المفروض اكون اول وحده معك

بس انتي عارفه الظروف

المهم

مدام البنيات تجمعوا الله يحييهم يارب ويقويهم

ولنا يخليهم ........

بنطب ونتخير :D

طبعا الفكره اكثر من رائعه

واعتقد في البدايه نحتاج لشخصيه دسمه

فيها عقل وفيها خبال

فيها وضوح وفيها غموض |513|

فيها هدؤ وفيها صخب :D

وهالمواصفات تنطبق على وحده من الحلوات اللي عقبوا

وبما اني يدك اليمين في هالموضوع

والسكرتيره بتعتك ;)

فانا في بالي وحده معينه نبدا فيها

اذا عرفتي من اقصد

توكلي على الله وابدأي

ونحن معك .....

بالنسبه للتحذير اللي ذكرتيه في البدايه

اعيد واكرر انا نفس التحذير وبشكل اقوى

ممنوع منعا باتا مشاركه الجنس الخشن في الموضوع

مسموح فقط المتابعه

اما المشاركه تقتصر على البنوتات فقط

واي مشاركه مخالفه ستتعرض للحذف وبدون اي تنبيه

مجمج وش رايك فيني سكرتيره سنعه ....صح :o

قبل امشي

التكرار يعلم الشطار

الله يوفقنا يارب ويخلينا للمضايف

ريم[/ALIGN]

**المهاة** · 10-12-2003 19:12

[ALIGN=CENTER]
و الله مجمج ان الكليجاء مغلفة و محلينها بعد .. حسبي الله عليهم يبوني ما اكل بس باكل و لا عندي فيهم ..:p[/ALIGN]

كاتب الرسالة الأصلية : ريم شمر
[ALIGN=CENTER]

بنطب ونتخير :D

طبعا الفكره اكثر من رائعه

واعتقد في البدايه نحتاج لشخصيه دسمه

فيها عقل وفيها خبال

فيها وضوح وفيها غموض |513|

فيها هدؤ وفيها صخب :D

وهالمواصفات تنطبق على وحده من الحلوات اللي عقبوا

ريم[/ALIGN]

[ALIGN=CENTER]طبعا واضحة .. >>> وانتي وش دخلك هي تكلم مجموعة ..:D

هذي مواصفتك ريمنا .. بس احنا الحين بدينا بمرفـــــــــــأ انتي صفي بالدور بعدها ..;)[/ALIGN]

**ريم شمر** · 10-12-2003 23:35

8
8
8
8
8
8
تستهبل البنت :D

المواصفات السابقه تنطبق عليتس يالخبله :p

بعدين انا السكرتيره ومااعرف اركب الهودج :o

لاني خوااااااااااافه

**مجد** · 15-12-2003 15:11

[ALIGN=CENTER][/ALIGN]

**مجموعة إنسان** · 16-12-2003 12:26

ريموو الغالية مشكوره

مهاوي خوذي راحتك

مجد :

تذكر الماضي ضمان للمستقبل

والهودج يرمز لأمور كثيرة تمتعت بها جدّاتنا :

1- تكريمهن بركوبهن لهذه العروش .

2- العمل على راحتهن وتظليلهن عن الشمس .

3- الحفاظ عليهن من أعين المتربصين و .....و .....

4- الهودج مخصص للمرأة وأهم شئ إن الرجال يستحيل يركبونه .

أما الطيارة فكل من هب ودب يركبهـــا << كبار وصغار وجنسيات ومذاهب

الهودج هو رمز المرأة البدوية الأصيله

وياليت نركب هودج وربي لو يصير الجد وأشوف هودج قدامي لأحاول اركبه

شلون بأصير <<< :D

**همس الورود** · 17-12-2003 18:44

يا زمان العجايب ......

وش بقى غير الحب ..... وهذيك القلوب الصافيه

وش بقى

غير السحاب ...... وأرواح مشتاقه

اهاء لكل بنات المنتدى .............
؟؟؟؟؟؟؟؟؟؟؟؟؟؟؟؟؟؟

أخواتي ورائدات المنتدى

الله يخليكم لي ولا يحرمني من هالقلوب الصافيه

مالي وجه اقابلكم لي اكثر من سنه بالمضايف واول مره أسير عليكم

ما أدري لي مكان اشاركم رحلة الاسئله بالهودج ولا ارجع مكاني<<<<< لا تخافون ما راح أثقل عليكم

والله احس انكم خواتي اللي انحرمت منهم

&&&&&&&&&

شعلة المنتدى وصاحبة الهودج مجموعة انسان

كل الحب ايتها الرائعه ولا تهون الباقيات

&&&&&&&&&&&

سأمارس معكم شغب المشاعر والتساؤلات العالقه بروحي

لي عوده اذا سمحتم لي يالغاليات