[ALIGN=CENTER]الشاعر / نايف عنيزان الرمالي الشمري يقول رثاء في الفقيد الغالي
الأمير / طلال العبدالعزيز الرشيد رحمه الله وأسكنه فسيح جناته ... ويعزي
أهله وأخوانه وأولاده وجميع أسرة آل رشيد وقبيلة شمر كافة وجميع من عرف
الفقيد رحمه الله تعالى ... وعسى الله أن يلهم الجميع الصبر والسلوان [/ALIGN]
[ALIGN=CENTER]( أصعب خبر خلى البشر ترجف إرجاف ) [/ALIGN]
[poet font="Simplified Arabic,4,white,bold,normal" bkcolor="transparent" bkimage="" border="ridge,7,limegreen" type=2 line=200% align=center use=ex length=0 char="" num="0,black" filter=""]
أصعب خبر خلى البشر ترجف إرجاف = بكّى قبل يبكي صديقه عدوَّه
هز المشاعر هز وإسترسل القاف = العاصفه يسبق عجاجه هدوَّه
ما جور يا جمع الطنايا ونواف = بالضيغمي طلال زبن الجلوَّه
يالله عسى حد الجزاير للإتلاف = ياعل عنها ياقف الغيث نوَّه
اللِّي غدت في حر نجدٍ والأطراف = يا ليت تنفع .. لو .. لأقول .. لوَّه
طلال إبن عبدالعزيز إبن الأشراف = نطَّاح عسرات الليالي بقوَّه
عليه حايل دمعها ديم هتَّاف = وجه الجبل بعد الفرح شان جوَّه
مرحوم يا شيخٍ ورث مجد الأسلاف = من وقتنا هذا لوقت النبوَّه
يا عز نوره يا تحت سترها الضاف = يا نجم شمَّر في سماه وعلوَّه
شيخٍ بوجهه تجتمع كل الأوصاف = تعطي ولا تاخذ آيادي سموه
ليثٍ يروم النايفات من الأهداف = رجله على دوس الخطر به جروَّه
على السلوم الطيبه عقل وإنصاف = ما هزه الفكر الحديث وغلوَّه
له بالولع والبر والشعر ميقاف = والطير حبه .. حُبْ .. شمَّر لضوَّه
شمَّر بموته جرحها شلِف ورهاف = طول الزمن ما ظن يرجى بروَّه
يالموت بعده ما بقى شي ينعاف = بالله سو اللِّي تبي اليوم سوَّه
[/poet]
[ALIGN=CENTER]نقل أخوكم :
............................ عاشق الربيع ............................ [/ALIGN]
رد مع اقتباس
المفضلات