وين تسكن (يعني وين بيتكم) ؟

**مفتاح14** · 12-12-2003 19:59

[ALIGN=CENTER]8
8
8

لا للحين ما اتصلت عليه لاني اشوفه بالمتواجدين حاليا ( يكتب رد على موضوع) وما ودي أخرب عليه وأعكر مزاجه:o

<<-- ذابحته الاخلاقp

اما وش ابي فيه؟؟ عاد هذي اقوله بعدين .. لين نشوف هالمكالمه وش (تمخّــض) عنهp[/ALIGN]

**المهاة** · 12-12-2003 20:19

[ALIGN=CENTER]

يعني متى بتتصل عليه عشان ارجع اشوف النتيجة ..:p

ياويلك يامفتاح 14 من بعض الناس خربتا موضوعه ..|513|

[/ALIGN]

**مفتاح14** · 12-12-2003 20:33

[ALIGN=CENTER]
اسمحيلي يالمهاة:p

فيه كلمه غريبه على مجتمعنا الرجالي;) قمت وقشعته

الظاهر الرجال بسااااابع نومه هالحين .. يقولون ان اهل بقيق ينامون الصفره( اي بين العشاوين:p )

شكلي ابكلمه باتسر الضحى :p

اما راعي الموضوع له حق يزعل علي.. واللي يبيه انا حاضر لو يبيني اثبت موضوعوه اثبته:p[/ALIGN]

**المهاة** · 12-12-2003 20:47

[ALIGN=CENTER]

حلالك عمو .. لو تبي تقشع الرد كله ..;)

سووووووووو سوري ..:o[/ALIGN]

**الملهم** · 13-12-2003 01:47

أقول

إكتشاف العصر الحجري لدي الملهم اليوم

تتدرون إن أخو سعدى طلع بحارتنا أول ماهو به به بالشارع اللي ورنا حنا دونهم

سبحان الله جمعنا بهالشبكة الشمرية الخالصة من راسه لساسه << تقل هو اللي يكد عليه

بس بشرى سارة

وترو به عضوين جيران كل يوم يصبحون على بعض ويمسون على بعض ساكنين بحارة وحده بس مابينهم هكالميانة عشان يسولفون بالنت ويتعرفون بس كعفشتهم بالماسنجر وطلعوا جيران ولاعلمتهم أبي أسير عليهم وأجمعهم

لكم تحياتي ياطلاب إبتدائية سلمان الفارسي ومتوسطة على بن أبي طالب وثانوية الملك خالد

تحياتي

الملهم

**ooo_75** · 13-12-2003 02:28

وانا سـاكن بالكويت الجهرا وبيتنا الثاني بحايل بالوسيطا

**مفتاح14** · 13-12-2003 10:09

[ALIGN=CENTER]

وين المهاة؟ انتي لهالحين ذابحتس الشفايه؟:p

الغازي كلمته وعندوه له قرقعه واصوات الله لا يوريتس تقولين بحرااج سيارات:p
..اسمع كلمه ويفوتن عشر |513|

بصراحه مالقينا موضوع نسولف بوه الا موضوع بعض الناس اللي هو هالمويضيع .

<<-- ترى ما حشوا فيتس أبد p

الصراحه كان محور حديثنا ونقاشنا يدور حول امور تهم الوطن والمواطن..وقد توصلنا من
خلال ذلك النقاش المحتدم:p الى نتائج من شانها الرقي بمضيف فلة الحجاج <<-- ماكنهم جحدوا الوطن والمواطن؟ :D

وسولفنا بعد بولاية بقيق وجبنا طاري اسطوانة الغاز

<<-- فضيحه:D

وبس:o

شكرا لتفهّمتس ودماثة خولوقتس :p[/ALIGN]

**هايس الشمري** · 13-12-2003 16:28

[ALIGN=CENTER]<<<<درس بعبدالله بن الزبير

و علي بن ابي طالب

و ثانوية الملك خالد

و ثانوية الامير بدر[/ALIGN]

**بعض الناس** · 14-12-2003 01:13

احم .. بما أنه محسوبكم هو راعي الموضوع الأصلي .. فإنني وبكل شجاعة سوف أرد على بعضكم ..

أخو نوير
يالله مدام اننا جيران .. خلنا نشوفك !!

سالم الشمري
وين انت بود بالشرقية ؟ حدد مكانك ؟ وبعدين مين قال لك ان كل أهل الجبيل ساكنين في الفناتير ؟ هذاك أول يابعدي ؟ هالحين طلعت أحياء جديدة .. انت تعال بس وأنا أوريك !!

خليجي
وساكن بالفناتير بعد ؟ تبي تشهد سالم علينا ؟ عموماً الحمد لله ان هدفي من الموضوع تحقق ولقيت لي جار ؟ صحيح ترانا جيران ؟ أنا ساكن في القدس شارع الأندلس 24 في فلل سابك !!

الوبيري
حنا عرفنا حي أحد عشان نعرف قطعة (أ) ؟ تراني كل ويك اند عندكم !!

رذاذ المطر
شو مش عاجبك الموضوع ؟ ياالله اكتبي لنا موضوع أحسن منه ياحيي !!

الغازي
ترى شايبك اللي هرب من برد حايل .. أعرفه ؟ وشكلي عرفتك ؟ حدد وين محلك في بقيق بدي أسير عليك الجابلة !!

المهاة
أنا أدري انك ساكنه في بيتكم ؟ أحد قال انك ساكنه عند الجيران ؟

تحياتي للجميع
وأشكر لكم تفاعلكم مع الموضوع .
بعض الناس .. مو .. كلهم !!