[ALIGN=CENTER]ياصاحبي
ياصاحبي احذر زمانك والايام
ترى الليالي في ثواني تخونك
احذر زمانك لايغرك بالاوهام
احذر زمان فيه تصدق ضنونك
واترك طريق به مشى كل ظّلام
ولا تأمن اللي بلحظه يرخصونك
واحكم على المحتاج في حلو الاحكام
ولا تخون اللي يطالبك هونك
واعمل لصنع الخير في مر الاعوام
ومن ساندك لابد تعطيه عونك
واصبر على همّك ودمعك ولو دام
ترى البشر وقت الخطى يسألونك
واحرص على دينك بدنياك وصيام
شهر مبارك فيه تنسى شجونك
واحفظ لسانك من تجاريح وسهام
لسانك حصانك ان تصونه يصونك
واسأل عظيم الشان يهديك الانعام
يهديك خير فيه راحت عيونك
ياصاحبي تسهر عيوني ولا تنام
قلبي تكّدر بالخطى طاح دونك
اسمع نصايح صاحب عاش الآلام
قبل الليالي والبشر يحزنونك
تحياتى
دهن عود[/ALIGN]
رد مع اقتباس
المفضلات