[poet font="Simplified Arabic,4,orange,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
دانــــــــــــــه
لجل عينه تكرم أطراف المدينه .. والمدينه = في عيوني من غلاها تسكن أهنيا مكانه
بالبحر .. والبر دانه أسمها ياجاهلينه = أسئلوني وقلت دانه .. قلت دانه .. يعني دانه
ايه احبه حب جنه ومن عشقني عاشقينه = مابقى لي غير دانه والعمر يشهد زمانه
الله واكبر كيف نور الشمس تشرق من جبينه = نورها في وجنتينه شمعتين .. بشمعدانه
كيف ثلج(ن) مايذوب اليا ضحكت .. من جمرتينه = قالو أن الكيف دله .. قلت كيفي من ثمانه
لاوقفت تذبح أرجال .. وتخلف أعقول(ن) .. ذهينه = ون مشت عدت أخطاها ( كيروانه ) .. (كيروانه )
مقتفيها ليل(ن) أسود عودها الله لا يهينه = كل مامال الهوى به ( خيزرانه ) .. ( خيزرانه )
بالوصايف .. والسوالف .. لاحكت دايم رزينه = له أعيون(ن) ساحرات أوساع تسحر بخدرانه
اسمها أربع أحروف وفي خفوقي ناقشينه = كل من شافه تغنى ( ليلا دانه ) .. ( ليلا دانه )
ماأبالغ بالقصايد يشهد الله شايفينه = من يشوفه عاف ناسه .. وعاف ساره .. مع جمانه
ماتت أحلام العذاراء كل أبوها في غبينه = قال محد(ن) مثل دانه خانته بالزين .. خانه
صد واقفى من زمانه قال محد(ن) مثل زينه = القمر خلا مكانه وأجلست دانه .. مكانه
ما أبالغ لا وربي في جمال(ن) .. خابرينه = جل شان اللي خلقها .. جل شانه .. جل شانه
كل ماجيته بريح الورد .. جتني ياسمينه = زين نسناس الهبوب الصبح لاهب .. أبحنانه
من عهّد بالله وأمانه مايخون .. معاهدينه = كل من خان العهود أكيد لاذمه .. وأمانه
عاهديني كل بيت(ن) لاكتبته .. تحفضينه = لاكتبت الشعر قولي حبي أمحطم .. كيانه
مهرت أجزال القصايد غصب طاعت .. عاسفينه = شاعرك جزل القوافي ساقها وأطلق .. أعنانه
من عذلني بحب دانه حاقرينه .. حاقرينه = حاقد وقلبه حسود واضحه فيه .. الجبانه
ماخذيت أحساب عاذل لاعذلني .. سافهينه = والله أني لاحقرته مايشوف الا .. الاهانه
تدري دانه لادعتني جيت كلي .. لجل عينه = لازعّلت قومت أنا الدنيا وأقعدها .. عشانه
يمته يم ( اللكويت ) .. ويمتي من شرق ( لينه ) = أيه دانه باللكويت .. وباللكويت .. تعّيش دانه
شعر
خليف
[/poet]
رد مع اقتباس
المفضلات