[ALIGN=CENTER]
احبائي ادارة واعضاء المضايف
السلام عليكم ورحمة الله وبركاته
ازفها كما هي عسى ان تنال ولو القليل من الاستحسان [/ALIGN]
[poet font="Simplified Arabic,5,darkblue,normal,normal" bkcolor="transparent" bkimage="backgrounds/11.gif" border="none,4,gray" type=2 line=200% align=center use=ex length=0 char="" num="0,black" filter=""]
يابو نايف جاك علمي يوم جيت لحالي =وكل حريّة ضميـر بمذهبـي مكفولـه
ما استحي والطيب بدله والمقاس رجالي = والتجارب والمواقف مثل شـم التولـه
ولا علي فالي لقيتـه مستريـح لفالـي = من نباك اللي كما الجوهر يخالط لولـه
كان عندي هرج واجد وانتهى طوالـي =مشكلي من علمٍ اقشـر دق لـي بندولـه
والتنكر والخطيّه ما تجي مـن جالـي =ولايحدد مستوى الرجال غيرفعولـه
علم اللي عند صالح في مقامـه عالـي =لايغير صورته في ناظـري ودلولـه
وقله انه في ضميري مستبـاح وغالـي= لا يصقط قيمته ممشى الردى وشّولـه
وقلّه اني ما تنشّـد واستعيـد سوالـي = ولا اتعلق لين اطول مقفيٍ مـاطولـه
والله اني لا دخلت السوق سقت ريالـي = يوم بعض الناس سكر منطقـه بقفولـه
والرفيق الى دخل في ذاكـرة جوالـي =كل ما خذت افقده وازهم على محمولـه
حستي من دبرةٍ حطت غطـا وظلالـي =وعقدةٍ لا بدها عقـب العتـب محلولـه
حاجةٍ منها جزعت وذكرتنـي خالـي = خالي اللي لو نحيت بعيد قلبـي حولـه
والثقه عندي كبيـره والحمـول ثقالـي= والامانه عند مثلـك بالثقـه مشمولـه
استلمها واعتبرهـا بضعـة الجمّالـي = وانتبه للبنـدق اللـي فالخبـا مكيولـه
وانت ما يلحقك لوم ولا يجي في بالـي = وان حكمت اعرف ترى لك كلمةٍ مقبوله
لا تخليهـا تحـدي وانطلاقـة رالـي=خلهاشعـرة عجيـنٍٍ بالخفـا مسلولـه
وانتبه لا تسقط المرّه بكـاس الحالـي = ويقطم المسمار قو الربـط فالصامولـه
بس عالجهـا وسيرهـا بربـعٍ خالـي = وانتبه لا تحرق البـراد نـار الكولـه
خابرإنّك لو تضيق محصـلٍٍ مدخالـي = قبلنا لك كم جولـه يالرفيـق وصولـه
والسلام لك انت الاول والرفيق التالـي = كلكم من عود صافي ول يـا معمولـه
[/poet]
رد مع اقتباس
المفضلات