آآآآآآآآه يالرياااااااااض
سواقة السياره فن.. وصعب ان كل واحد يجيد هالفن..
ومنذو نعومة اظافري :D كان لي مغامرات مع السياره ..يومن العب بحسبته ويومن تلعب بحسبتي..:p
لدرجة اني اكتشفت ان الحوادث بحد ذاتها (فن وذوق واخلاق) ولكن ماطبقت ولا وحده منهن
يمكن اكون متهور شوي..ويمكن استحق نسبة خطأ60% والشخص اللي قدامي يشاركني هالنسبه لكن.. بكل تاكيد للمرور نسبة في هالخطأ.. ولكن بكل مره يطلع المرور ( بــرئ ) ولن تثبت ادانته !!!!
ثلاث اشارات حطوهن بشوارع حايل بسببي انا وواحد من العيال.. بعد ما تناوبنا عليهن..بمغامراتنا الفذه..بعد ان كان مكانهن بالسابق تقاطعات عاديه
نافذين سكروهن بصبيات بعد ما كانت مسرح للمداعبات ثقيلة الطينه.. وكله بسبب ( النتقات)اللي ماله سنع (بتاتا البتة) أبطالها اثنين من النوع( الطفدز) ولولا لطف الله بي تسان علوووم
وكأن المرور العزيز اشترط حصول حوادث مميته كشرط اساسي لأغلاق اي نافذ خطر او لوضع اشاره ضوئيه في تقاطع اقل مايمكن اننا نسميه (مجزره) !!!|513|
[ALIGN=CENTER]
****************[/ALIGN]
نجي للرياض ..
فكم تمنيت اني عضو ((بلجنة تسمية الشوارع)) <<الظاهر ان ما هذا اسمه..بس اهم شي اني حول الدعوى :D
وسبب امنيتي الوحيد اني اغير اسماء الشوارع بالرياض واحط لهن اسماء من عندي..ليس لشئ الا لان اغلب الاسماء اللي حاطينه اصحاب الشأن تحسس المواطن بالطمأنينه والراحه..مما يجعله يعيش في عالم ثاني وكأنه(مسؤل يتوسط موكب:o ) وماعليه من شي اسمه (حادث..زحمه..حفريات..براميل..)
حتى انه من زود الوناسه والثقه ماينتبه انه بحلم الا عقب مايسمع اصوات (مصافق)البراميل اللي (درع بهن) نتيجة سقوط سيارته في حفرت(ن) قليلة حلا:D ( اذا شفته اول مايطري عليك حفرة الزيت) :D
علشان كذا ابغير اغلب هالاسماء كمساهمةٍ مني في ( حقن دماء الأبرياء) << هذي مشكلة اللي يتابع قناةالجزيره :p
ومن الاسماء اللي تلوج :D بذهني مايلي :
- شارع ( كل من إيدوه إلوه ) |109|
- شارع (انطح عن روحك) << فعلا اسم على مسمى والقهر كل يوم امر معه|8|
- شارع (النمل) << يمشون بكل الاتجاهات
- شارع (من قالك تجي من هنا؟) |506|
- شارع (الحفريات في قلوبنا) |15|
- شارع ( انت ونصيبك) (( يمنع دخول المقرّد:D ))
- شارع (النتقات الانتحاريه) |1|
- شارع (من جرف لحفريه)<<هالخشه لعيون محارش:D
- شارع ( الحوادث) << على وزن (شارع الحوامل ):D << وين اهل الرياض؟ :p
- شارع (المواصلات في راحه والبلديه بالاستراحه) |105|
- شارع (جاك الموت يامزاحم الباصات) |13|
- شارع (البلاي ستيشن)
- شارع (زرنا مره ماترجع بالمرّه)
- شارع ( مادون الحلق الا اليدين) :D
.
.
.
اكتفيت باربع طعش اسم نظرا لحبي لهذا الرقم وشغفي به;) .. والا الود ودي اغير اسماء الشوارع كل ابوهن..لان اسماهن اللي هالحين ماهي راكبه ابدا بتاتا البتّــه << ياحبي لهالكلمه :D
[ALIGN=CENTER]******************[/ALIGN]
اخيرا..
من المواقف اللي كل ما اتذكره اتحمد الله واقول: (القراده ماتخلي اهله:D )
موقف صار لواحد من العيال..عزموه اهل استراحه واول مرّه يجيهم..المهم ان هاللي عزموه مايستحون ابد:D ) ولا قدّروا انه ضيف واول مره يطب المحل.. قاموا بعضهم وتحدوه بمباراة طائره.. وكسّرو راسه.. ويوم خلصوا وهم ينشبون بحلقوه يطالبونه بالحق :D ( الحق = تيس(ن) يثغي :D )
لكن اخونا بالله انحاش وما ادري هل ذلك بسبب (قهر الهزيمه) او بسبب( القعاطه) واقرب ماله الثانيه :p
الزبده انه تماكن السويويره وهو يدق سلف وينحاش.. والظاهر انه يمشي 2000 .. ونظرا لجهله بالطرق والمنافذ المؤديه للاستراحة المشؤمه ..( تدورع) بلوه حفره..وماحوله لا علامه ولا برميل ولاشي !! فكانت النتيجه انه شحن سيارته بسطحه للصناعيه.. وصلحه بحدود الفين ريال :D
ولو انه متعوذن من الشيطان وجايبن التويس تسان اوفق لوه.. مار المقرود مقرود :p << لو يسمعن الرجال تسان تلولس برقبتي :D
<< ماهو من اهل الاستراحه أبد :p
[ALIGN=CENTER]****************[/ALIGN]
اتمنى اني وصلت للي ابيه.. من خلال خرابيطي السالفة الذكر:p
وما سبق ماهو الا غيض من فيض .. لكن ما ودي اطول عليكم..تخبرون الواحد اليا شاف الموضوع طويل انحااش عنه ;) ومايردّه الا تسان الحفريه اللي بيننا وبين مضيف ( الدكّه) :D:D:D
و ااااااه
اااااااه
ااااااااااه يالرياااااااااااااااااااااض
رد مع اقتباس
المفضلات