(الخْزَزْ) مع مشرف الألغاز..وأعضاء فلة حجاج في المقناص(1)
[ALIGN=CENTER][ALIGN=CENTER]ماذا فعل (الخْزَزْ)..مع مشرف الألغاز..ومع أعضاء فلة حجاج في المقناص
(تحذير صحي):السالفة طويلة..اللي به ربو أو معه مرض قلب..رجاء ًياخذ السالفة على مراحل
في يوم.ن. من الأيام ..وبالتحديد عقب صلاة الأخير..جلست على نثيلة تراب.ن. قدام بيت(أبو العلابي) أنا وشلتي الحبربش والمكونة من كل.ن. من:
1/ أبو صلهامة..رجل مجرب لأصناف القرادة وأشكال رداة الفال وخاصة ًعقب العرس.
2/ كبير العلابي..شخص محنـّـك حائز على شهادة(ksu) في الاستدارة الخلفية السريعة.
3/ كراااع النملة..(وهو رجل يعرف من أين يُكصم الكراااع..).
4/ شدوق الضب..وسُمي بذلك نظرا لإلتصاق شدقيه بحنكيه..وإذا سمعت فحيحهو فاعلم أن هناك مشروعا (بشدووقه)..أقصد (بدماغه).
\/
\/
\/
طبعاً مابهم الاسم الليّ يجمّل!!!( اللي يسمعه يقول من زين إسمه)..
المهم..إن النقاش بيننا إشتد ..وطمي الوحيس..أقصد( حمي الوطيس)..حول قضية القنص ..وهالصيادين اللي الواحد البارحة وهو متلبط.ن. لحاف الفقر..واليوم يلعب بالملايين..وخصوصا بعد نزول العددالثاني من (مقناص) والذي ظهر فيه (أبو صلعة المليونير) بعد إن كان يشتغل ميكانيكياً ومن هالحتسي اللي ماخوذ.ن. خيره..( أصلا هو عندك إنت وشلتك غير الحتسي اللي ماخوذ.ن. خيره والأخبار البايتة)..[/ALIGN][/ALIGN][ALIGN=CENTER]وحنا مندمجين مع تسذبة.ن. زحلقه علينا ( الكراااع)..يوم فطنا ياهذا ( الشدوق) له فحيح وصفير..ويشر بيديه..حنا نحسبنوه إنقطع عنه النفس..هااااه وش عندك ..؟؟؟؟؟ وش نوحك ياماخوذ؟؟؟[/ALIGN][ALIGN=CENTER]قال:لا..مابي خلاف.. بس وش رايكم نقنص يوم الربوع الجاي؟[/ALIGN] [ALIGN=CENTER](وجه واحد.ن.فاتح فرته بزاوية120 درجة)..[/ALIGN][ALIGN=CENTER]حنا: وشووووووو؟؟ نقنص؟؟..ياماوالله بهالدماغ اللي معششة.ن. به البّوة من الأريا العّمي..
لعن أبو دارك..ماعمرك جبت السالفة المتسنعة...كل سوالفك ناتسة.ن.يمّ المرح..[/ALIGN][ALIGN=CENTER]الكرااع( يهز دماغه):يالربع كل شين.ن. جايز..بالكيّ يخبط معنا هالحظ؟؟؟؟[/ALIGN][ALIGN=CENTER]أنا: هذا وتوي مادحك..وأقول :يعرف من أين يكصم الكراع..!!!!!يالربع إنتم تفكيركم وينهو اللي تبون تقضبون لكم طير.ن. مع السماء وتبيعونه؟؟؟؟إنتم عجزتوا تسنعون اللي يمشي على القاع..وهالحين تبون تصيرون قناااصة!!!!(واللـــــه العظيييييييم) فعلا اللي يعيش يبي يشووف![/ALIGN][ALIGN=CENTER]أبو صلهامة( ومراعاة واحد.ن. معصرّته القرادة):500ألف÷5=100ألف لكل واحد..!أبوك يالحظ!
يعني نبي نتوطا هالقرادة توطي ....ياسلااااااام[/ALIGN][ALIGN=CENTER]الكراع: يله..اللي موافق.ن.على السالفة يغزّ كرااعه...أقصد ( يرفع يده)![/ALIGN][ALIGN=CENTER]كبير العلابي: أنا أول واحد مؤيد للقرار..[/ALIGN] [ALIGN=CENTER]<<< قفو الخيل ياشقرااااا[/ALIGN][ALIGN=CENTER]أنا: ياأجواد الله ..عينوا خير..وخلو هالحتسي عنكم..[/ALIGN]
[ALIGN=CENTER]قالوا: إنت اللي خل الحتسي ..ويله يوم الربوع موعدنا..ولا عايف.ن. خوتنااااا؟؟؟[/ALIGN]
[ALIGN=CENTER]أنا: لا والله خوتكم تنشرى.......بس!!![/ALIGN]
[ALIGN=CENTER]قالوا: لابسّ..ولاشيء..يوم الربوع نبي نقنص..ونستانس..بس ولا عليك أمر إجطل لنا جويب الشايب.[/ALIGN][ALIGN=CENTER]أنا: ليه وين سيارتكم؟؟ وبعدين جويب الشايب ماهي متولمتة.ن. جطلتهوو!![/ALIGN][ALIGN=CENTER]قالوا:لا.. نخبرك يابغيته ماتعسرك...وإنت قدّه وقدووود [/ALIGN] [ALIGN=CENTER]<<<<رفعوّا بهالخبل وإنطنخ.[/ALIGN][ALIGN=CENTER]أنا: خلاص ..إعتبروا أنفسكم ملوحين.ن. بظهره..[/ALIGN]
[ALIGN=CENTER]كبير العلابي: وأنا بعد أجيب سيارتي (أم عزّيز)....عشان يكفننا السيارات[/ALIGN]..
[ALIGN=CENTER]أنا: بس لي طلب يالربع.. أنا طالبكم طلبة إن (الخْزَزْ) مايدري بالطلعة..لأنه إن دري يبي يبلشنااا[/ALIGN]
[ALIGN=CENTER]و (الخْزَزْ) واحد.ن. مايرفع رويسه من طياس هالشوربة..ورامة.ن. هامة وخصوصا لياتحضن صيخ هالشاورما...وفدع بقوارير هالكاتشب..[/ALIGN]
[ALIGN=CENTER]قالوا: لا..والله مايدري به إبن أمه..وإنتبه ياكبير العلابي ترنا نخبرك ماتسمى شين![/ALIGN][ALIGN=CENTER]أنا: أبا العلابي..تسانك شاك إنك تبي تعلم ..خلنا نحزم إفمك بهالسير..يمي يجي وقت الطلعة ونفكك كبير العلابي: لا هذاك أول يوم أنا وغد [/ALIGN[ALIGN=CENTER]]<<<< إلى هالحين وإنت على مانت عليه..[/ALIGN][ALIGN=CENTER]المهم: إننا تفرقنا...وعلى الموعد اللي إنتم خابرين..
ويوم جيت للبيت..ياولله الشايب متطوي.ن. بالمشب..ومتغطي.ن. بالبشت..وأنا إنصتسب عليه تقل طلق..... يبه.. يبه.. يبه..يبببببببببه....وطراااااااع يانا متلولس بهامته..[/ALIGN][ALIGN=CENTER]قال: عطاااااك الخراش!!!!! وش تبي؟؟[/ALIGN]
[ALIGN=CENTER]قلت: أبي أطلع مع أخوياي يم البر..ونبي الجيب![/ALIGN][ALIGN=CENTER]قال:ماشاء الله.. ومن هم هالأخوياااء..؟؟؟[/ALIGN]
[ALIGN=CENTER]قلت: واحد.ن. يقاله( أبو غازي)وواحد (أبو مشاري)وواحد( خليجي) وو...[/ALIGN][ALIGN=CENTER]قال: آيه..ياصار هذولا..نعمك ونعمين..أنا إنخرعت حسبنهم ( هالحبربش هاللي تقل وجيه معز)[/ALIGN][ALIGN=CENTER]قلت: لا ..يهبووون..أصلا ًمبطي ماعمري جلست معهم..[/ALIGN][ALIGN=CENTER]قال: ومنهو هاللي متروسّهم مشوين على النثيلة اللي بالشارع ومتكومين عليه هالسلق..وتبي الصدز.
طرى علي ( مجلس العراق الإنتقالي)..هههههههه[/ALIGN][ALIGN=CENTER]قلت: علمي علمك ..أنا توي جاي.ن. من المضايف ومتواعدين.ن. على الطلعة يوم الربوع..[/ALIGN][ALIGN=CENTER]قال: زين تروحون وترجعون بالسلامة..بس راع لماء الأديتر..وهوى الكفرات..وتفقدالسيارة ولدي![/ALIGN]قلت: أبشررررررررر..وأناأمطقه مع خشمهو..<<<<لوهو سالم.ن. من هالمطقة تسان هو بخير.[ALIGN=CENTER]وبوجهي مع قفوي البيت ..وأن أقمز الجدار..وألوذ على السلق ياولله متبطحين.ن. على النثيلة.. ومستلمهم الكراع وهالصواريخ مايردّه سماء!
قلت: خلوا عنكم تسذب هالأشهب.. وتولموا..للمقناااص<<<هذا وجهي إن نكستوا بالعلم الغانم
قالوا: ونعم ..والله..حنا من أول نقول ماله إلا أهله...
قلت: لايكثرهرجكم...ويالله على بيوتكم وإنتم متكومين.ن. تقل تسلاب مصلخ<<<ألينك ماظلمت حظك
ويوم جاء يوم الثلوث بالليل..وأن أقوم أحزم الغرضان..وأوّلم العزبة..وأرتسب ( الجهاز)..وأرصع هالستيشن على التندة..ياولله تقل أنتل سيكل وغد...!!! قلت: يارجل ماعليه أهم شين يراسل وبس..
وبوجهي للغريفة...ونووووووم يما أذن الفجر..قمنا وصلينا..وشب الشايب للشيبان وان إجي أحولص من قدامهم..ياولله هذا الوجه الودّر( أبو مطير) يتلفت بربعة المجلس تقل عيون رقيعي..
قال: وين على هالصبح..عسى مامن نية.ن. بعيدة...؟؟؟
قلت: وش دخلك؟؟
قال: هاااااه.. وش تقول؟؟
قال الشايب(أبوي): لا.. يبون يم هالبر..هو وأخوياوه من ربع هالمضايف..
قال(أبو مطير): إيه..بس أنا إستغربت..لأني أشوف أبو العلابي..شاد.ن. الجهاز على السيارة..ومحزمن.ن. له عفش بهالحوض..ويقول بعد يبي يم البر؟؟
أنا: لألهبوووو..هالعلابي..هذا وأنا موصيه إنه مايعلم أحد..هيّن ياملولس الرقبة!
قال(أبوي): وشووووووو؟؟كبير العلابي يبي يطلع بعد..غديك تبي معهم وتسذب علي؟؟
قلت: لا يابن الحلال أن علمتك البارحة..إني مبطي ماأتسالمهم كلهم..والتسلب مذبوح.ن. بيننا!
قال(أبوي): يله توكل على الله ..ولا تبطون..
قلت: أستودعكم الله ..الذي لاتضيع ودائعه..( بس هالغراب أبو غبيرعساه يغدي بأقرب شعيب)..
وعلى طوووول:وأن أرتسب أبو شنب( عطي الله)..وأضغط له ياهذا بس صفيره!!وأشوف الشايب يشّر بيده ..والله والعالم إنه يلعّن بعد..
المهم: إتصلت على الحبربش..وواعدتهم بلهم محطة.ن. حول 54كيلو عن الديرة..قلت تجونن هنا وكلكم إرتسبوا بالحوض مع أبا العلابي...وياجيتونن نوزع المراتسب..
الوكاد..إني ماخذيت يجي نص ساعة..ألا هم عندي..وأنا على طول: يله.. يله.. بساع خلونن نمشي.
يوم حوولوا: ياهذا ( الخْزَزْ) يتلفت معهم..
قلت: أرخوووو من طاع الله..وش جايب.ن. هذا معكم؟؟
قالوا: أبو العلابي..جابه..وبعدين مانقدر نقوله شين..لأن السيارة سيارته..
وأنا أخطف هكالعلبة ( علبة زيت فاضية) وأحذف به ( أبا العلابي)..وهو يروغ ملعون الرسرس.. ياولله تضرب قزاز جمس.ن. وادزف.ن. عند المحطة..وبهو لهو عايلة..وهو يحوّل علينا راعي الجمس..قال: لألهبووووكم..يهاللي ماتستحون ولا تنتخوووون..
وحنا: الله يجيركم من الخرعة..نرتسب السيارات وننحاش..ويلوح( الخْزَزْ) بذنب سيارة أبا العلابي.
ويووووم أبعدنا وتأكدنا إن الرجال مالحدزنا...وحنا ناقف ونتريح ..ونتجضع على جال هالخط..
قلنا: يالله..نبي نوّزع المراتسب..
(الخْزَزْ والكراااع مع أبا العلابي) و(أبو صلهامة وشدوق معي).
قال: الكراع..يالربع (الخْزَزْ) مايخش مع باب السيارة..وين نحطه؟؟
قلت: ألين هذي البلشة ؟؟إي والله ماياخذه لاسيارة ولاطيارة..وش نعمل به؟؟
ياولله (أبو صلهامة) يغومض بعيونه..مثل قولة.ن. نخليه بهذا!!
قلنا: لا..ياحيفك والله..وشلون نخليه؟؟ إسمه اللي تعلقـّـنا والشكوى لله..
قلت: بس تدرون الحل عندي! حنا هالحين طلعنا من الديرة..وش رايكم نحزمه فوق هالعفش؟
قالوا: مامن حل.ن. غيره!
قلنا: يالله يالخْزَزْ..ياخذ الله متحنــّـي هالجنوب..لووّح بهالحوض..ولا الشاهد الله إنك حشيم.ن. عندنا باللحييييييييل..بس شوفة عينك لاياخذك غمارة..ولايدزدك مرتسب!
قال: أنا معكم لو تربطونن بمتسان هالسبير<< عفية تقل لزقة ظهر
قلت: يله بهالحويض..والمسافة قريبّة..
وهو يلوّح بالحوض..وحنا نزوي عليه هكالبطانية..ونكربه بهكالرباط..اللي لو نطير به ماينصل!
قلنا: هيييييييك تمام.. يله ياشباب توكلنا على الله..
وهاااااااااااات يامشي مع هالخط..ولا إنتبهنا إلا حنّا واصلين.ن. نقطة التفتيش...ياولله مايمدينا نفك الماخوذ (الخْزَزْ)..مار أشوى إنه طلع ذهين..ويوم أوجس إننا عند نقطة التفتيش..وهو يفش روحه ويحبس النفس..وسبحان الله اللي يشوفه يقول بطانية.ن. محزومة..مايشك إن به أحد..وصلنا النقطة.[/ALIGN][ALIGN=CENTER]حنا: السلام عليكم..[/ALIGN][ALIGN=CENTER]العسكري: حياكم الله..[/ALIGN]
[ALIGN=CENTER]حنا : تسيف الحال؟؟[/ALIGN]
[ALIGN=CENTER]العسكري: هيّن هالحتسي..إثباتاتكم..يله بسرعة..وأعطونن استمارة السيارة..[/ALIGN][ALIGN=CENTER]حنا: أبشر.. وحنا نطلع الإثباتات ونعطيه الإستمارة..وهو يقوم يتحووّوف الجيب ويبترّم عليه![/ALIGN][ALIGN=CENTER]قال: وشو هاللي معكم؟؟؟[/ALIGN]
[ALIGN=CENTER]قلنا: عزبة.. وخيمة..وغرضان.. تعرف حنا طالعين.ن. للبر؟؟[/ALIGN]
[ALIGN=CENTER]قال: أيه..خوذوا أوراقكم ..ويله مع السلامة!!..[/ALIGN]
[ALIGN=CENTER].....وعلى ماخذينا الأوراق..وهو يعطس ردّي البخت( الخْزَزْ)...[/ALIGN][ALIGN=CENTER]قال العسكري: لحظة.. لحظة.. وشو اللي عطس معكم فووق..؟؟[/ALIGN]
[ALIGN=CENTER]قلت: مهو فوق..هذا خويي اللي معي عطس..بس حسه طوّيل.ن.شوووين..ههههههه[/ALIGN][ALIGN=CENTER]قال: لا..معكم أحد فووق..أنا متأكد إني سمعت الحس من فوق![/ALIGN][ALIGN=CENTER]وهو يقوم يبترم على السيارة..ويوم راعى فوق ..ياولله هذا كراع ( الخْزَزْ) يوابص..[/ALIGN][ALIGN=CENTER]قال: تقووول لي خويك..هاااه!! حولوا حولوا.. خلونا نشوف وش السالفة؟؟[/ALIGN][ALIGN=CENTER]قلت: يابن الحلال هذا خويّ.ن. لنا مالقينا له مرتسب..وبلانا بلوى والله..ولا حنا مانبيه..[/ALIGN][ALIGN=CENTER]قال: هين قولك مانبيه؟؟ خله يحول ويصير خير![/ALIGN][ALIGN=CENTER]وهو يقووم يراسل بجهاز الدورية..ياولله هذي اللومينا جايتنا يتبارق هالسفتي فوقه تقل لنبات عرس.[/ALIGN][ALIGN=CENTER]قال: السلاااااام عليكم..خير وش السالفة؟؟
قلنا: الخير بوجهك..وحنا نعلمه بالسالفة..وهو يقوم يضحك..
قال: لا ماصار شيء ..بس أشوف إثباتاتكم...
قلنا: سمّ.
قال:ونعم ..والله.. أنا أبي أخليكم تمشون..بس أبي أسئلكم؟ تعرفون مضايف شمر؟؟
قلت: إي والله نعرفهن..وحنا أعضاء به..
قال: طيب من تعرفون من أعضاء فلة حجاج؟؟
قلت: أبو غازي وأبو مشاري وخليجي وعذب المشاعر وذيب شراف والذيب..
قال: لا صادزين..خوذوا أوراقكم ..وسلمولي علىأعضاء فلة حجاج خاصة..وأعضاء المضايف عامة!
قلنا: يبلغ..بس يالأجودي لازم تعلمنا إنت من إنت؟؟؟
قال: أنا من أعضاء فلة حجاج..وتلقون ردي بتوقع من يرد بعدك..هههههه..ويلــّه جودوا رباط(خْزَزْكم) وتوكلوا على الله لأغير رايي...
قلنا: حنا ماأيقنا على الله نلقى لنا وجه.ن. فليح يسنعنا..وإنت تقول: تغير رايك..هههه
يعطيك العافية وماقصرت...ونشوفك على خير..
ويوم خذينا لنا حوالي 40كيلو من نقطة التفتيش..ووزنا الكفر اللي مسعر.ن.به على جال الخط ياصار وجهك يم الديرة يصير على يسراك..وياصرت طالع على يمينك<<<خوش ذتسر وخوش دلالة.
وحنا نحول عن الزفلت ونرتسب الردمية...وهات ياهجيني على الجهاز حنا والربع اللي بسيارة أبو العلابي..صوت.ن. علينا ..و(جعرة.ن.) عليهم..لأنهم والله مايدرون وينهو(.......) النعجة..مابين القوسين تسليمة.ن. محظورة..
المهم:
يااابكرتي وإن جفاتس منييييييييف**تردين ِ عذفاء على ليييله
وجهتس علــى متسرمين الضييف** شمر ليا قلت الحيييــله
ويوم أمرسنا مع الردمية..وتسثرت القرشة..ياولله هذا كمخ التندة..طخ طخ طخ طاااااااخ...
أنا: أعوذ بالله ..وشوو هالحس؟؟<<<< نسي إنه محزم.ن. ( الخْزَزْ) بالحويض..
أبو صلهامة: علمي علمك..لايكون بنشر..<<<أبوتس يالذهانة..
وحنا نتناشد..ياولله هذا أبو العلابي على الجهاز:يااااااااااااااابو مقرن يابو مقرن خمسين فوق..
قلت: هذا وقته..أنا حسبنه إستملس على الهجيني ويبينا نهيجن..المهم مارديت عليه..
ياولله الرجال مستلج: ياااااااابو مقرن..ياااااابو صلهامة..ياللي تسمعن منهم!!
قلت: أرسل...ياأبا العلابي..وش عندك؟؟
قال: الخْزَزْ يزغلل..والله والعالم إن به بلا..
يوم قال ( الخْزَزْ)..ويفطن علي سبيع الأبو..قلت: حول يابو صلهامة..نسينا الخْزَزْ!!!
هاااااااه وش عندك؟؟..والله نسينا حتى إنك معنااا.
قال: فكونن..أبي أحووووول..فكونن..تسبدي توجعن..فكوووووونن!
والله وأنا أفكه رباطه ...ياولله الرجال رايح.ن. وطي..وزين اللي ماعمله على الفرش والعزبة..
وبوجه لأقرب عدااااامة..(مابين هالأقواس مشفّر)
ويوم تريح الرجال وجاء يقلد..
قلت: ياملعون الرسرس وش إنت آكل.ن. هالصبح اللي عمل بك هالعمل؟
قال: والله العظيم ..إني ماذقت غير صحنين فول..وشربت صحن عدس لأن الخبز خلــّص..
قلت: ماتنلام..ياصار صحون فول وعدس...لا ..وبعضهن شرب بعد..!!
إرتسب..لارتسبك الضيم..
وهو يلوح بالحويض..وحنا نحزمه..نوبة.ن. أخرى..
جو الشباب اللي ورانا..وإكتمل الموكب..وأكملنا المسير...وماخذينا لنا برهة.ن. من الزمن..إلا وحنا نتلفت بلنا ديرة.ن. ماندري وشيّ؟؟؟
وعلى الجهاز..
أنا: ياااااااابو العلابي..ياااااااااابو العلابي!!
أبو العلابي: أرعد ياطالب أبو العلابي..
أنا: ياهالسفيه هذا أنا...
أبو العلابي: إيه..هههههه..يالله حيه وش وقع هالطلعة؟؟
أنا: والله الوقع اللي مايسر..ياخوي مواريّه ماتبشر بخير!
أبو العلابي: لا..عين خير..لاتضيدزه علينا من أوله..وتبي تشوف اللي يفل الحجاج إن شاء الله.
أنا: يالدليلة..وين حنا به هالحين؟؟؟
أبو العلابي: بالبر؟؟
أنا: لعن أبو بيّ شارون..وأنا قايل إنــّـا ببيتنا!!!!..لا عز الله يبي ينفل الحجاج وهذا منطوقك!
أبو العلابي: الله والعالم إنا حول المتسين اللي حنا نبي!!ماتشوف هالخيام يمين ويسار؟؟
أنا: طيبّ..وين تبوننا ننزل؟؟بهذا ولا دزام شوين؟؟
أبو العلابي: ياصرنا بفودزي هالحزم..نبي ننزل!!وش رايك؟؟
أنا: مايخالف..
بس بساع لاينهّض هالخْزَزْ ونبلش به..هالردمية هضّتنا حنا.وشلون هاللي دارع.ن. بقدور هالفول..
أبو العلابي: لا..الله يستر ياما ننزل...وبعدين تنحل إن شاء الله..
أنا : إن شاء الله..
أبو العلابي: تشاااااااااااااااااااو
أنا: ياااااااااكبر علباااااااااااااو
ويوم إرتفعنا وصرنا بفودزي الحزم..وحنا ناقف..
قلت: يأبو صلهامة إنزل...وحل رباط ( الخْزَزْ)..وخلنا ننزل الغرضان..ورانا شغل..يله بساع..
وهو يحول أبو صلهامة..ويفك رباط الماخوذ..ياولله الرباط حاز ببطنه تقل ملعط مخطر..وبوجه المسكين وركض ياما تذرى عنا..
قلت: والله ماتنلام....
نزلنا الغرضان..وجو الشباب اللي قفونا(أبو العلابي وشدوق وكراع) وحنا نفسر على الخيمة ونبنيه
ونشب النار ..ونسوي قهوتنا..ونجيب الفطور..ياهذا ( الخْزَزْ) المسكين توه يجي..
قلنا : إنطح فالك..
قال: لا ..ماأشتهيه..تسبدي توجعن..
وهو يدخل وينعوي بالخيمة..ياولله تقل رمة حجش(أعزكم الله)..متخدر.ن. تخدّر...
وحنا على النار..أخذنا نتجاذب أطراف الحديث..وشلون الطريقة اللي نبي نصيد به الطير..ومن هالحتسي..وحنا مندمجين مع أبو صلهامة وهو يشرح الطريقة..وهو يقوم يفح (شدوق) ويصفق بيديه.
وهو يتوازن له أبا العلابي..ويصكه بالغارب..قال: هذا وقته الرجل يحتسي ..وإنت تلعب..
قال(شدوق): ماألعب ..الطير .......الطيييييير..شوفوه..
وحنا نفوووووع ونتجشم الدلال وندفدز المواعين..وينهو؟؟وينهو؟؟ وينهوالطير؟؟
قال: هذاااااااك..يامار يغط عليلهوغراب.ن. أشهب ..الظاهر إنه متمرغ.ن. بله صبخة.ن. شهباء
قلنا: هذاك..؟؟لألهبووووو اللي إنت خبل.ن. له..هذا غراب!! يااااغراب!
قال: وش يدرينن..بعيد ولونه أشهب..قلت يمكن إنه صقر!
يوم خذينا وهو يتهايق علينا ( الخْزَزْ) مع تحتي الرواق..
قال: إنتم قضبتووووووووووووه؟؟
قلت: لا يهالحين..إنت نم وياقضبناوه ندزعك..حنا ناقصين خبول؟؟؟؟؟
خذينا الشبك والحمام..والعدة..وسحبنا نودزف مع هالحزوم..وندربل على روس هالضلعان غدينا نشوف شين..ياولله محوووول ..ولا هنا شين.. وعلى هالحال ياما غابت الشمس..وهالناس مثلنا كل.ن. معهو دربيلهو..ويلوح بهالحوض ويقوم يدربل..
قلت: أشوى.. يعني مهو بس حنا الخبوووول!!
رجعنا للخيمة..متليشين.ن. عقب هالتودزيف..مانشوف الدرب..قلنا: أكيد إن هالخْزَزْ هالحين مشغل.ن. الماطور وشابك.ن. اللنبات..وشاب.ن. النار..ومزين.ن. العشاء..ومضبط.ن. هالمهيـّـلة!
ويوم جينا..ياولله على نومته طافي النار..!!لاقهوة ولاشين..!
قلت: يالربع ..لا أحد يقضبن عنهو أبي أودزد به..!
قالوا: يابن الحلال ..عيّن خير ..ولا تحط حرة الطلعة بهالمسيكين!!
قلت: يله فسرررروا وخلونا نشتغل ونضبط القهوة والعشاء..
قالوا: أبشرررررررررر..
قلت: بعدي والله..
ونضبط قهوتنا وعشانا....ونعين من الله خير..ويوم تريحنا وحنا نستدني الجهاز..
قلت: وش رايكم نبي نصتسب على قناة الألغاز..ونشوف وشعندهم؟
ويوم فتحنا على قناة الألغاز.ياهذا(اليم)له مهايطة.ن.عليهم..وحاشرهم بالألغاز.ووين إنت ياللي تنفس[/ALIGN][ALIGN=CENTER]قلت: وشلووونك ياليم؟[/ALIGN][ALIGN=CENTER]قال: طاب لونك..من معي؟؟[/ALIGN][ALIGN=CENTER]قلت: معك (الخْزَزْ)[/ALIGN][ALIGN=CENTER]قال: هلا يالخْزَزْ..[/ALIGN][ALIGN=CENTER]قلت: هو في لغز.ن. مطروح على القناة..؟؟ولاعطنا لغز ترمعي لي حالولة ألغاز.ن. الله يسترمنهم[/ALIGN][ALIGN=CENTER]قال: أبشر يالخْزَزْ...اللغز والم..ويقول:
يا ويش بنت.ن. ميته تحمل جنازه
والبنت سرها في خاتمتها
وأنكسر جمع.ن. يهيلك بارتكازه
يوم جت البنت بنت.ن. وكلتها....وسلامتكم...[/ALIGN][ALIGN=CENTER]قلت: وإنت سالم..
قلت:وش رايك بـ............؟[/ALIGN][ALIGN=CENTER]قال: مالك لوا...بعيد بعيد..[/ALIGN][ALIGN=CENTER]قلت: وش رايك بـ.........؟[/ALIGN]
[ALIGN=CENTER]قال: والله إنك حوله ..قرطة عصا..[/ALIGN][ALIGN=CENTER]قلت: أجل ..وش رايك بالأرضة اللي كلت عصا النبي سليمان عليه السلام..قال: عز الله إنك فقعت عينه..[/ALIGN][/ALIGN][ALIGN=CENTER]قلت:وتسان عنك واحد.ن. آخر الله لايهينك...وعلى هالموال لياما أقبل الصبح..قلنا: يعطيك العافية ياليم ونستنا بألغازك..وعن إذنك نبي نتجضع ورانا جهمة.ن. الصبح..!تصبح على خير ومع السلامة..قال: إذنكم معكم..ولاتغيبووووون ..خلونا نسمع حسكم..تصبحون على خيرومع السلامة.
نمناااااااااا ماعندنا من الشيطان طاري..[/ALIGN][ALIGN=CENTER]ويوم قعدت الصبح وجيت أبي................[/ALIGN][ALIGN=CENTER]أقووووول: [/ALIGN][ALIGN=CENTER]شكلي طولته عليكم ...لاكن إنتظروا (الخْزَزْ) بالجزء الثاني من المقناص..
تحيااااااااااااااااااااااااااااااااااااا ااااااااااتي[/ALIGN]
رد مع اقتباس
المفضلات