بسم الله الرحمن الرحيم
اخواني الاعزاء : بداية احييكم تحية اهل الجنة ( السلام عليكم ورحمة الله وبركاته ) وبعد :
اتمنى أن تحوز هذه القصيدة على اعجابكم واذا كانت فيها اي ملاحظات ارجو منكم ان لا تجاملوني
أعظم ضحية
[poet font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=3 line=200% align=center use=sp length=0 char="" num="0,black" filter=""]
ليه قلبي لام جرحه دام سيد الجرح خانـــــه
ليه ما يقول إن خلي عن مواصل خلّه عيـــــا
الحبيب اللي بكيته جفت دموعي عشانــــــه
راح يتفنّن بجرحــي وألاّ فـــرحــي ما تهيّــــا
أنا يا خلي أتعبتني كل جروحي وإحتضانـــه
من عليه أشكي أو أحكي دام حظي زاد غيـــة
دام حظي وقـّـف في وجه المعاني مع زمانه
والضــحية يا حبيبي خافقي أعظم ضحيــــــة
فوق جرح الزمن انت زدت من قدره وشانـه
رحـــت حطيت الحطب جمرٍ على نيران حيــه
يا حبيبي لا تعذر بقولك من باب الــميـانه
وانا صادق في غلاك لما اقول ساكن هنيـا
رحت تقول إنك تعاني ظلم وعتاب وإهانـــه
مـــن خفوقٍ ما عرف في الحب زلات خطيه
الله وأكبر صرت صاحب ظلم وجور وخيانه
ما عرفت إحساس قلبٍ أهدى روحه لك هديه
منهو فينا يا حبيبي خاليٍ قلبـــــه حنانــــــه
منهو فينا يا حبيب قلبي عجز يوفي خويــــــه
منهو اللي صد عن حبه وتكبر عن كيانــــه
والاّ إنـا مـن خبـر قلبي كانت جروحه نديــــه
أنا طبعي مثل ربعي لو تحمّل هالامانــــــــه
فــي زمانه شالها وأثقالها ماهي شويــــــــّــه
انا طبعي يا حبيبي من علي أخطا بلسانــــه
رحت أتأسف من اللي كان هو اخطا عليــــــه
انا طبعي يا حبيبي طيب وأحب الإعـــــــانه
وانكر لو قدمت لغيري تضحياتٍ أو عنيـــــــه
ليه يا خلي تعذب خافقي وتكسر ليانـــــــــه
وانا قلبي عدك اللـــي مثــل ما أخوٍ وخيـــــه
رغم هذا لك في قلبي أعز وأغلى مكانــــــه
وأجرحن مليون ميه واجرحن مليون ميــــه
يا حبيبي صانك اللي تالي زمانه ما صانــه
ودي أشوفك قبل ما عيني توافيها المنيــــــه
في حياتي أحمد اللي فضله علي وإمتنانـــه
ويسعد اللي له على قلبي مجاريحٍ غضيــــة
[/poet][/poet]
[/poet]
رد مع اقتباس
المفضلات