[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
(( تفـــــاحة آدم ))
عجلي يالنود هبي بالهبايب من شمال = المزون المضلمه طابت لها برق .. ورعيد
ما حلا بالريع شيح(ن) لا نفح بين الجبال = والخزاما .. والنفل فاحت .. وهبت .. من جديد
أنعشي صدر الشمالي بالمثل .. جاله مجال = أضلمت سّحب القوافي .. وراج سيل من القصيد
غنت الليله بقمرا وأنجلا ذاك .. الهلال = وش علي أبمن يقول .. ومن يعيد .. ومن يزيد
تظهر الفارس شجاعه تشهره .. بين الرجال = لاكن أحساس المشاعر .. تظهره فريس غيد
لعنبو ذيك العيون اليا أرتكت تحت .. النبال = تشعل الليله قصيد .. وتخلف الراي السديد
أيه شبت بالحنايا نار .. وأروتها زلال = أحلى من الكوثر مذاق .. وغرد البلبل نشيد
لولها .. والثلج .. بيّن بالبحور .. وبالجبال = كيف جاء في وسط جمره ؟؟ يفعل الله .. مايريد
حطه الله في شفاة الترف ممدوح .. الخصال = وساقني له من ردات الحض جعله .. مايفيد
ليتها ما ناضرت لي وأكتفت بنت .. الحلال = برمشها اللي ساقني له طعت .. لو أني عنيد
تلت الخفاق مني تل دلو(ن) .. بالحبال = يمها وزادت دلعها وللضبى يالربع .. كيد
لا لقت كّهل الضواري بالفيافي .. والسهال = عاشق(ن) تلعب عليه ولا قرب تبّعد .. بعيد
في غنجها .. في دلعها .. وخف دم(ن) .. مع دلال = من يقول الريم صيده .. مخطي(ن) نوب(ن) .. تصيد
والله أنه .. ثم والله .. شمس مستوره بشال = بشالها ولا سناها جاب لي في القلب .. عيد
صوري لي ياليالي ساحل الخفجي خيال = دام أنا .. والموج .. وأنتي .. علميني وأستفيد
أحمسي بّن القوافي .. وهيليها باالدلال = ودي أرشف من دلاله شوق .. وآهات .. ونهيد
هو بقى بالحال .. منها حال .. له ينقال .. حال = غير تالي روح واخر زفرة أنفاس .. الجريد
والنجوم اللي أشوفه بالنحر حبات .. خال = في نحرها لعنبو ذاك النحر كنه .. وحيد
ذنبها وش ذنبها من فوق تصوير .. الخيال = ذنبها ( تفاحة آدم ) يكفي ؟؟ أو اني .. أزيد
نهر دجله بالعراق وشفت نبعه يوم .. سال = الله اكبر كيف نهر(ن) سال في مجرى .. الوريد
لوها الموت الحمر .. قلت له يالله .. تعال = والله أن اللي يموت بحبها يصبح .. شهيد
مايحاسب عن ذنوب .. ولا يحاسب عن خمال = بجنة الفردوس يسكن فله أبشارع .. يزيد
خليف الجهيلي
[/poet]
رد مع اقتباس
المفضلات