اخواني واخواتي رواد مضايف شمر
اقدم لكم هذه الاطلاله الثالثه التي ارجوا ان تكون
عند حسـن ذوقــكم لــهــا
[poet font="Arabic Transparent,4,sienna,normal,normal" bkcolor="chocolate" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
للشعر،عين،وكف،وسيوف،واقلاع=والعاقـل اللـي قـدّره مااستبـاحـي
للموت ياراسٍ علـى الـذل مطواع=عسـاه مرصـد للقنـا والرماحـي
وللعز ياراسٍ رقى فوق الاوجاع=على النجـوم الساريـه لـه مراحـي
راسين بين اهدافها فـرق واطمـاع=راسٍ يبـي العليـا وراسٍ يلاحـي
لياّم بين الناس عجـلات وسراع=وكـل علـى قـدره يجيـب الفلاحـي
كلٍ له بدنياه مشرق ومهجاع=والشمـس ترعـى هقوتـه ف..الصباحـي
احد على كـل المعوقـات جزاع=يفلح،وغيـره مانهـض يـوم طاحـي
واحد يدّور للبسيطات مرجاع=يرضـى بشـرب الهمـج دون القراحـي
واحترت في دنيا العنا كيف تنزاع=والسد من بعـض الصداقـات باحـي
مـن عادتـي ماهيّـد الاّ بمرباع=ومـن عادتـي ماطيـر الا بجناحـي
ولي عادة في الارض مامرمر القاع=لي سكه وحده ولـو هـي براحـي
ولي قلب صادق ماضرب خمس وارباع=ولي مبدأ واحد ولي فكر صاحي
ولارضيت بيوم تلوى لي ذراع=كفي علـى الطـولات ماهـي شحاحـي
ولي وجه ابيض ماظهر يوم بقناع=لو كان في الشـدات تكثـرجراحـي
اصبر وراعي الصبر في بحره شراع=لابـدعَ المرفـى تهبـهّ رياحـي
من مابقلبي ياعرب رجّ لضـلاع=زادت غرابيلـه مـن الضيـم ناحـي
شفت الصداقه بين لصحاب تنباع=في سوق غـدرٍ ماذكـر بـه فلاحـي
ياليـت اللـي ببالـي للصـوت سمّاع=ويصيـر رده للمعنـى وشاحـي
هات الجواب وخله اليوم ينذاع=خـل الـردي يقـراه ويصيـر صاحـي
شعر
الزعتماني
[/poet]
رد مع اقتباس
المفضلات