[ALIGN=CENTER] السلام عليكم ورحمة الله وبركاته[/ALIGN]
[ALIGN=CENTER]هذه قصيده تحكي واقعنـــا المؤلم اترككم معــها[/ALIGN]
[poet font="Arial,4,black,normal,normal" bkcolor="transparent" bkimage="backgrounds/16.gif" border="none,4,gray" type=0 line=200% align=center use=ex length=0 char="" num="0,black" filter=""]
على متن الخيـال ابحـرت بالأفكـار=الى دنيـا البشـر والعالـم المجهـول
دخلت اوطان فيها الخوف بنى له دار=واوطـانٍ هجرهـا خوفهـا مـذلـول
وشفت اطفال يرمون العـدو بحجـار=بليا سـلاح يجارونـه وهـو مذهـول
ويفـدون ارضهـم ماهمهـم حصـار=ولا صوت الرصاص أو منظرالمقتول
تراجع فيني خيالي وعـاود الأبحـار=بعد فتره تراوت لـي سحابـه تقـول
اذا شفت الذي تحتـي تحـس بالعـار=تصيبك رجفة الخايف وحـزن يطـول
وفي لحظه نظرت بكل عجب محتـار=الى ابشـع مناظـر تنفـي المعقـول
حروب وناس تتعذب وضـرب النـار=روب وسيف ما يرحم بـدم مبلـول
وامٍ تحضن الصـوره تقـول اخبـار=اشوف احمد علـى اكتافهـم محمـول
ولدهـا ميـت ولكـن عقلهـا طـار=تخالط ضحكها الباكـي مـع المقبـول
رضت باللي حكـم ربـي وبالأقـدار=وناسٍ تطلـب المشـرب او الماكـول
وفي ذاك الركن يجلس طفـل منهـار=يبي يوقـف ولكـن للأسـف مشلـول
دخلت اسأل من اللي بعثـر الأزهـار=وفوق ترابنا الطاهـر يصـول يجـول
من اللي يتّـم الأطفـال مـن الغـدار=سؤال يدور فـي بالـي بليـا حلـول
صدمني ردٍ ابشع من اللي شفت وصار=مشاهد من مسارح دم تضـم فصـول
بتأليـف الزمـن والجـوع والانكـار=و اخراجٍ بأفضـل اسلحـه مشمـول
بطولـة مسلميـن اتقاسـمـوا الأدوار=قسـم فاعـل و قسـمٍ منهـم مفعـول
حنــا امـه وحنــا المسلميـن اكثـار=ولكـن عيبنـا كلمـة انـا مشـغـول
اذا حنــا بدينـا نـألـف الأعــذار=يــاهيه ردوا بصراحه مـن هوالمسـؤول
وسلامتكم
شعر الزعتماني
[/poet]
رد مع اقتباس
المفضلات