[ALIGN=CENTER]
عندما تجلس مع شقران حتما ستكتب قصيدة
كلماته شعرية وتراحيبه قصيدة والكلام معه ديوان شعري
جلست معه وما مليت من الجلسة معه والحديث معه
تجاذبنا اطراف الحديث ووقفنا على مامضى من الذكريات والمواقف الطريفه
لم يخطر ببالي ان نتناقش عن الحب والقصص الغرامية
ولكنه تطرق لها وهو لم يشعر واثار في داخلي براكين من الشعر والحب
والحياة هكذا موقف وقصيدة عند الشاعر وجلسة وحكاية عند الغير
اتت هذه القصيدة تحمل في طياتها مايعرفه شقران ويدركه تماما ليس فيها غموض ولا الغاز وحتى لو كانت هكذا فشقران مدرسة شعرية لازلنا نتعلم منه الكثير
واليكم هذه المتواضعة امام قلم شاعرنا الكبير واديبنا الفذ شقران[/ALIGN]
[poet font="Simplified Arabic,5,limegreen,bold,normal" bkcolor="transparent" bkimage="" border="ridge,10,deeppink" type=2 line=200% align=center use=ex length=0 char="" num="0,black" filter=""]
لو كان ينصحني عن الحب شقران= قلبي خضر مايسمع النصح والشور
اصبح هوى الخفرات للذيب عنوان = لو قالوا ان الدور ماهو لنا دور
للحب في صدري درايش وبيبان = واقام في قلبي بساتين وحيور
اصبحت ياشقران للبيض نيشان = نوب (ن) تعيس ونوب(ن) القلب مسرور
وش رايكم باللي من الحب سهران = لولا القصايد صرت لااقعد ولا اثور
ان ضاق صدري جبت للشعر ديوان = وخصيت من مثلك بالازمات مذخور
قلبي غدابه يافتى الجود فتان = راعي جديل فوق الامتان منثور
اذا تبسم ضاع همي والاحزان= واعيش في حبه مع الناس مغرور
له في ضميري بيت مسكن وبستان= وصارت ضلوعي له عن البرد ديكور
عشت بأمل حب(ن) عن الضيق مزبان= واشوف خلي لاعظم الحزن دكتور
حتى بدا بالصد مدعوج الاعيان = ومن بيننا هرج الحواسيد له دور
من يوم صدق بي نمايم وكذبان = خذيت عفشي عن محاريه مسرور
من يتبع المقفين مخطي وغلطان = مثل شعوره لي حواسيس وشعور
كلمة اسف مايسمعه لو خذا ازمان= عهدن علي لو ياخذ سنين وشهور
نفسي عزيزة ماتدنا ولا انهان = لاعاش من يصبر على الضيم والجور
واليوم ياشقران ماني بندمان= لاشك قله تودع السر مستور
قلبي خضر ماينفعه قولة(ن) كان= ولا ريد حب(ن) صار للناس مخشور
[/poet]
رد مع اقتباس
المفضلات