من قصيد الشاعر الكبير خلف الخس الجبلي المطيري ,,
السلام عليكم ورحمة الله وبركاته
بسم الله الرحمن الرحيم
شاعرنا مايخفى على أحد أشهر من نار على علم كيف وهو الذي أطلق عليه الملك (عبدالعزيز ) رحمه الله لقب ,,
((( البستـــــــــــــان )))
وهاتين قصيدتين اولها للشاعر الكبير (( سحلي العواي العبيوي المطيري )) يسندها على الخس ,,
فيقول :::::::::
يازين شب النار بأرض بياحي ** والزول يزميلي على مد شوفي
والبيت مبني والرعايا ضواحي** وانته تمشى مع نبات الحروفي
أخير من ذبحا بليّا سلاحي** بقبوت الحيين مثل الضعوفي
ببيوتنا مثل الدجاج المداحي** متشفقا عقب الشداد الردوفي
ياوب خلف صاحي ولاني بصاحي ** بس اتلفت مثل راس الخروفي
خروفا ادلم مايعرف المتاحي ** وراعيه جابرته عليه الظروفي
ابكي على وقت حضرته وراحي ** اتلاه يامحمد نهار الكسوفي
ياحيف وين موردين الرماحي** اللي نهار الكون تروي السيوفي
يالخس وين مطير هكالنواحي** سلفان مثل مزبرات القنوفي
تسايروا ثم صوتوا بالفلاحي** هيهات ياما فرقوا من شفوفي
خذتهم الدنيا هجاد وصباحي** وحنّا بقينا عقب هكالصفوفي
صار العوض فيهم خطاة الضياحي** ياعنك ماكدٍ عليه مخلوفي
البطن ماتلحق عليه الشباحي** وان نام ماياعي كبير الدفوفي
يالخس يومنه تكسر جناحي ** ماني على الدنيا كثير الحسوفي
اليوم موتي والحياة متواحي** يابو خلف منكف وعايف وموفي
الى تهيالي غزال البراحي** مالي بصيد مخبطات البلوفي
يابو خلف ذا منهجي واقتراحي** وانته على رد المثايل عروفي
ورد عليه الشاعر محمد الخس فقال:::
ياسحلي العواي منته مباحي** ياللي تقول انك حوالي صفوفي
الفرق واسع للسنين امتراحي**قدام اجي وانته تغير وتحوفي
لاشك معي انته تحب المزاحي** وزلتك عندي يالسنافي تطوفي
وتقول انا يالخس ماني بصاحي** واقول منت بصاحيا ومهروفي
ياللي تبي وقت له اسنين ماحي** يوم القبايل بين امانٍ وخوفي
يوم يحدا الخيال قدم الطياحي** والوقت زين وبأهل الوقت نوفي
يوم اصطفاق امفصمات اللواحي** فجّ الزّغون مقولمات الخفوفي
مركوب فرسان تبوج الفياحي** دايم لوجه الله عليهن ضيوفي
دايم يتلون النضى بالمشاحي** ايضا ومعهم كل قبا شعوفي
ليا طالع السبار شعل وشقاحي** قالوا عليها ماسمعت المعوفي
مافعلهم بالهندسه والمساحي** بالسيف الاملح فعله والكشوفي
كم فارس منهم تجندل وطاحي** الى جودوا خضر النمش بالكفوفي
مايطلبون الرزق عند الشحاحي** الرزق بيدين الرحوم العطوفي
ارزاقهم حدر الدخن والصياحي** مثل السباع مدورات العلوفي
كم رفرفت راياتهم بالنجاحي** واليوم وقتا راح جعله ذلوفي
يابو فهيد اسحب ذلاق المشاحي** الجيل الاول له عيال وقوفي
امطير في ديرة طيور الفلاحي ** اللي بهم عز وذرا ومعروفي
بين السعود وبين نسل الصباحي**في نعمة مامثلها في الوصوفي
شبعه وامان وراحة وانبطاحي** ومنين ماوجهت جبت الالوفي
أما القصيدة الثانية فهي ::::
هلا هلا يام العيون المظله***اللي بعيني مالهن حلايا
فيهن تقول اطراد خيلً وسله***اما هل الردات والا الطنايا
لاحذفوا عن المهار الاجله***وردو لبييضن كنهن المنايا
رداتهم تشفي القلوب المغله**من غير حقراناً لباقي النحايا
يابنت من ينطح وجيه المهله**زيزوم عيراتن ومقدم سبايا
مع دربه العيرات مثل الاهله**دايم سماليهن تتالا حفايا
العذر منك اني فلا قلت زله**لاطاب حظ مصورين الحكايا
مافيك ماينقال في كل مله**وعذروب اهلك يعدلون السريا
والزين فيك احلا الوصايف مدله**مالك بغضات الصباياتهايا
شمس على روس النوازي مطله**شعاعها يرسل سهوم المنايا
لابانت الغره عليها اسمله**باطرافها تقل ايتكاشف مرايا
مثل البروق بمزنة مستهله **توضي وكاسيها اشقراً له زوايا
ماشفتها الا ساعة مستقله**يوم العياد ويوم ذبح الضحايا
بالماقع اللي شافها النجع كله**تلعب نهار العيد بين الصبايا
بحجاجها سيفن من الهند سله**تشرق وترهق موسعين الهوايا
وان كان هذا سب انا راعيله **ياسيد كل مرودعات الشفايا
وانا ما اسب الناس طبعي جبله**لو كان اشوف الناس تمشي عرايا
الا الياجا شاعر فيه خله*** مضيــــــعن دربــــــه وعنــده نوايـــــــا
اعطيه علم لين دربه يدله***واسنعه باللي يسوق المـــــطايــــــا
وله ايضا في الغزل:
الله من قلب عوى عوية الذيب** ذيبا عوى لجت ضلوعه ولجي
عليك ياراع العيون المهاديب** سودٍ مظاليلٍ وساعٍ وبجي
سودٍ تشذب بسرة القلب تشذيب** طحت بخطرهن يالله انك تنجي
اسهومهن تسطي على القلب وتصيب**تخج صندوق المعاليق خجي
والخد براق المزون المهاضيب**اللي رعوده رجت القاع رجي
يامنوتي مافيه شكٍ ولا ريب** ابي احلفلك في صيامي وحجي
اني لاأجنب غيرك البيض تجنيب** دام انت صافيلي فلاعنك أسجي
يابو نهودٍ شلعن مقدم الجيب** كمشمشٍ عرقه من الماء ينجي
من فوقهن شقرن تغذي على الطيب** ريح الشمطري في طرفهن يعجي
ذيل اشقر ينسف خلاف العراقيب**تطلب عياله بالمهر والترجي
هزه وزرفات السبايا جناديب** ليوما شليل السبر والمال هجي
ذبحتني ياسيد كل الرعابيب** فجيت قلبي ياأريش العين فجي
فجن مثل مضراب شلفاء تريحيب** شلفا تخلي الدم الاحمر يكجي
لاوردت من كف مروي المغاليب** والخيل كاسيها ضباب وعجي
ياعاذل المشتاق مابالهوى عيب** ماذقت لذاته عسى امك تدجي
لو ذقت من حلوه ومره تعاجيب ** مالمت طراد البني الغنجي
يم الحبيب اللي هروجه تعاجيب** ياعين لدي له ويارجل سجي
وهذه قصيده غزليه للشاعر محمد خلف الخس:
ياناس خلوني تراني تفجرت** ماطيعكم مير اقصروا الحكي عني
ياعاذلي كثرت حكيك وكررت**نصايحا لاشك مايقبلني
مهما حكيت وقلت واعلنت واسررت** اذاني الثنتين مايسمعني
انا بسكراتي من الحب فكرت** وانته تبي تشره علي تعذلني
لو ايتهالي بوسط الفضا طرت** سويتلي جنحان ايساعدني
والى بغيت اصل هوى البال سيرت** مراكز التفتيش مايمنعني
ايه لو اني على عمري اخطرت** وربي ليا منه رحمني ظمني
ياصاحبي من زود حبك تدهورت** منك الهموم الجايرات اضهدني
نقلت حمل لو يحمل على الفرت** شفته على الواحد بحمله يحني
عزرتبي يازين الاوصاف عزرت** وانا ابن عمٍ لك ومسلم وسني
يحقلك ذبحي لو اني تغيرت** واليوم ذبحي ويش تبي فيه مني
اعطف على شوي في ماتخيرت** شيئا يخلي خاطري يرجهني
لو هو بشوفك بس مناك لاسرت ** والا العلوم الباقيه يقمحني
يامورد الخدين من عمري اعذرت ** واسبابها سودك الى سلهمني
هكا العيون اللي ليا شفتهن حرت** تقول فيه كهربا يجذبني
اليا شفتهن هللت لله وكبرت** اللي مسويهن وفيهن فتني
وقد تلامس هذه القصيده شغاف قلوب الكثيرين ::
. لولاك يالورع الصغير الفروعي
========== ماجيت لك من نجع أهلى متعني
. ياصغـّـير الانهاد طيرت شوعي
========== دايم ورجلى يمكم ماتوني
لي هرجتك لو هي قليلة قنوعي
========== لو كان هرجك يسلب العقل مني
. حبك تخلخل في مثاني ضلوعي
========== حتي بنوم الليل ماغبت عني
. وإن غبت عني يامليح الطبوعي
========== قامن دواليب الغرام يحدني
. فزيت ثم قامت تماطر دموعي
========== مثل الخرز من رشهن يمطرني
. وأقنب كما ذيبٍ عوى عقب جوعي
========== واليا عوى معه الضلوع يعوني
. لاقام يقنب في طويل الفروعي
============ لاشاف مخلوقٍ ولا شاف جني
. أرضٍ خلا مابه من الناس دوعي
=========== إلا الفجوج الخاليات يهوني
الذيب يقنب ماحصل له متوعي
============ وأنا بلاى اللي بحبه محني
. راعي جديلٍ فوق ردفه شروعي
=========== ذيل أشقرٍ شاف السبايا تعني
. لاشافني زعلان ماعاد يوعي
============ ذولي مقابيلٍ وذولي يجني
. يقول أنا لك شايمٍ من ربوعي
============= واقول مافاد الحكي والتمني
. ماأنت متهى لى لو أحب كوعي
============ دونك حجاجيرٍ تحن وتوني
. إلا يجيبك من يجيب الرجوعي
============ مخلي الفياض الممحله يخضرني
أو يأمر الله من يقود الجموعي
=========== عبدالعزيز الفيصلي يمتكني
وفيه قصيدة يرد بها شاعرنا على (( حمد بن شويش بن سويط )) عند قال قصيدة في قبيلة مطير ويتهزأ بها ,,سنة (( 1952))
فرد الخس :::
ياحمد يابن شويش أنساح بالي /// يوم جاء جمعان ينخى بالحميّه
نعم فيكم يا السويط بكل حالي /// وألف نعم يا منجيّت الرديه
ما بكم حكيآ على الدنيا يقالي /// يا مرويّة السيوف الصيرميّه
الله اللي حطكم مثل الجبالي /// وحطنا ظلما عليكم خرمسيه
والفعايل بيننا يا أهل الفعالي /// نفصّلها تفاصيلآ طريـه
منكم القني خذينا له بدالي /// خمسه منهم صعب جوله ضحيه
والمريخي تذكرونه رد خالي /// راح من ظفرا غصيبه والسريه
مالقا ببيوتكم كود الصخالي /// والدبش بالهور ماجاء بالفضيه
واخذين ذود سفاح المتالي /// عند بن راشد وربعه كم رعيّه
والحنيه يوم ثار بها الزلالي /// خلي الرشاش مع رئيس بصيه
نوخوه اللي يحطون الهلالي /// منتخين بعلي يوم المكرهيّه
وكان قال سعود بأقبال الليالي /// رخصة فيكم لنا وأنتم مديه
مهتنيت الزاد وقهوة الدلالي /// من وحمنا يأهل القروا هنيه
كان واصل هللوا مثل الخيالي /// وأركبوا فوق الصعبه مع الهديّه
شيوخهم قطاعة سروح المفالي /// والعباه رماه وقلوب جريّه
ويلكم من ضرب ماضين الفعالي /// أهل فعولآ من عصور الجاهليه
وأن حصل لمطير رخصة بأحتمالي /// والدويش الصبح نوّه بالغزيّه
أبشروا منا بيوم له ضلالي /// تغتبي شمسه لو أن الشمس حيّه
وأبشروا نلحق اللي فات تالي /// مثل ذبح الشيوخ ماهي بالخفيه
يوم زرناكم ذبحنا كل غالي /// سبعة سويطات ذبحوا بضحويه
شيخهم مسير تعشته النمالي /// والطيور اللي مخالبها قويه
والغيور اللي بها فعل ومجالي /// كونها منا عليكم بضحويه
والدعيله يوم جيتوا بالكمالي /// يوم فعل عقاب هو والغيهبيه
ساكر بن خويط من شلفاه مالي /// والمراكي بيننا كسب وخذيه
وانشدوا حد السهال من الجبالي /// يوم جتنا كل أبو ظفرا غزيّه
شيخها جعيلان حوّل بالحبالي /// جادعينه من ظهر بنت العبيه
يوم جاء للخيل بالقاع أجتوالي /// طاح شيخ القوم وخذنا كميّه
ويوم (نبعه) يوم تفريق الحلالي /// ويوم(جضعه) يوم ناخذكم هديّه
فعلنا ماندرقه حدر الظلالي /// ما نجيه بسرق بوجيه نقيّه
وكان الأمغر والحجر بكر وسالي /// مع فعيزل والعظامي والحنيه
والشعّل حنّت تبي عشب السهالي /// والله أنك ماتعدى الناصريه
وسلامتكم وأرجوا السموحة على الأطاله ,,,,,,,,,,
رد مع اقتباس
المفضلات