[poet font="Simplified Arabic,4,white,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يضيق الـوادي اللي كان به للسيل بعض آثار = وتضيق طيور وجعانه تدوّر من يداويها
احد ورده حمر رويان واحد زرعه هشيم وطار= واحـد لاحي لا ميّت بغفـوه ما درى فيها
لك الله يالزمـان اللي عجـاجه يعمي الانظار= يصرّفنـا على كيفـه ولا نـدري تواليها
ولك الله يا لحبيب اللـي تغيّر باخـر المشوار = فـلا هو فـاهمٍ نفسه ولا يـدري محبيها
عنيـد وفاشـلٍ بلحب ولـو حبّه من الاخيار = يبي ياخـذ ولا يعطي وراس الحب يحنيها
انا مـا ينحنـي راسـي احبّ ولكـن ابمقدار = على هـونك ترى نفسي عزيزة ما ادنيها
تبي حقـك وابي حقي وضوحٍ ما عليه اغبار = دروب الحب تجمعنـا على عـدلٍ يباريها
كفـايه الصدّ والحقران معـاد اتحمل الا مرار = كفـايه من سهر عيني غبار الليل يعميها
انا في حال وانت بحـال ولا تنشد عن الاخبار = يـدك في بارد الميّه وانا النيران واطيها
سليت الحبّ وايّـامه ولا تبغـى لهـا تـذكار= كأنّا ما تعاهـدنا علـى هالـدرب نمشيها
اذا تاطـى على قـلبي ولا توجس لهيب النـار= فـانا ما قوى على قربك مدام إنك تغذّيها
ابرفع للمـلا صـوتي ونادي الواحـد القهّـار= ظلمني الحب يـاربي وحـالي ما يداريها
ترى للحب اسراره وترى للكـره الف اعذار = تخيّر ما تبي منهـا إذا تـدرك معـانيها
ولكن كيف تعرفهـا وفكـرك يشري الافكـار = ويعيش بشبه غيبـوبه ولا ودّه يخليها
متى تصحى متى تفهم متى تدري الزمن دوّار = متى لكن متى ماتت واظنه صعب تحييها
[/poet]
رد مع اقتباس
المفضلات