أسباب ( تخريبك ) ......!!!
.
.
.
[poet font="Simplified Arabic,4,limegreen,normal,normal" bkcolor="transparent" bkimage="" border="none,1,gray" type=2 line=200% align=center use=ex length=0 char="" num="0,black" filter=""]
أتصدّق أنّّي بديت أكشف ألاعيبك ..؟!!!=وألعب معك لعبتك وأقول ( يا حليلي ) ....!!
ياهوه سافر عسى سهم العنا يصيبك=وتردّ مكسوف من حالك وتشكيلي
وأنا بكيفي أسوّي وش أسوّيبك=ماسامحك لو خفوقك جاي عانيلي
لو قلت ( أنا آسف ) أقول ( أرجوك ماليبك ) ...!!=مالي دخل لو تموووت وصحت ( ياويلي ) ...!!
خلّك تعذّب جزاة أيام تغريبك=يومك تسلّى وأنا يامطوله ليلي
أصلاً أنا ماعرفت شلون تهذيبك...!!=كنت أتمنّى تقول ( شويّ غنّيلي ) ....!!
( مسوّي عاشق زماني ) يوم أغنّيبك=يوم أعزم الشمعدان و وجه قنديلي ....!!
وأسمّعك من قصيدي لجل أماريبك=واليوم خابت ظنوني وخاب تحليلي
اليوم شفني كذا بأسباب ( تخريبك )...!!=( مش عايش ) .. وعايش برفقة مناديلي ....!!
تعال شوف القصايد يمكن تجيبك=ودّي تسولف مثل أوّل وتحكيلي ...
عن غربتك عن سواد الحظ عن طيبك=عن لهفتك عن مواويلك .. مواويلي
عن عيبك اللي ذبحني ياحلو عيبك=( تشتاقلي بينك وبينك ) ولا تجيلي ...!!
أعذب سماتك تشابه كل عذاريبك=وأقسى طعونك تشابه بالعطا ميلي ...!!
ملامحك رقّتك طيشك أساليبك=سوالفك ماتبرّر فيك تأويلي ...!!
طفولتك كل مراحل عمرك وشيبك=من أوّلك لآخرك كلّك تناديلي ...!!
أنا أجهلك قبل أعرف الشوق وأدريبك=من قبل أنا أهدي طموحي قبل تهديلي ..
طموحك اللي ذبحك وزاد تانيبك=من قبل حزنك على لعنة غرابيلي
من قبل أشيلك هنا .. من قبل ترتيبك=من قبل أضمّك بضلعي ترتوي نيلي ....!!
أبيك تسكت كشفت اليوم ألاعيبك=لاعاد تتعب خفوقك جاك تحليلي
[/poet]
رد مع اقتباس
المفضلات