...............شعرك..............

**دامي الجرح** · 11-12-2001 00:26

حبيت اهديكم هذه القصيدة ,وهي للشاعرة (عواطف)

شعرك نشف والا لها الحين مبلول .... ياللي تقولين المطر بل شعري

يقولها وهو من الغيض مقتول .... ويقول شعرك للمــطر ليه يغري

دامك تعرفيني غيور ومهبول .... امانتك شعر تغـــطاه صدري

لا تتركينه منتثر دوم مــفلول .... اخاف تغريه السـحابه بهجري

مابيه يلمس غير كفي على طول .... حتى بهبوب الريح مابيه يذري

شعرك نشف ولا لهالحين مبلول .... قلت الصحيح انا لالحين مدري

**خلف الرويتع** · 11-12-2001 01:34

الاخ العزيز دامي الجرح

ياخي شوي شوي علينا اختيارتك جميله جدا وصراحه قصيده رائعه رائعه رائعه جداً وصح لسان الشاعره عواطف وهل يوجد لها قصائد اخرى بهذ المستوى نرجوك اتحفنا بها

**الاديب** · 11-12-2001 03:05

بسم الله الرحمن الرحيم

شكراللمشاركه

دامي الجرح دائما انت معنا عسى الله معك دائما

**دامي الجرح** · 12-12-2001 02:12

اخي ابن حيان:
ــــــــــــ
حياك الله بداية بين اهلك وربعك,وشكرا على كلامك الطيب
وابشر ان شاء الله ابحث عن قصائد للشاعرة واوافيكم بها ,اول
باول,ولا يكون خاطرك الا طيب.......ياطيب.
ــــــــــــــــــــــــــــــــــــــــ ـــــــــــ
اخي الاكبر وصديقي الاديب:

انت تعني لي الكثير,وان شاءالله دائما معكم
وشكرا لتواصلك الرائع ......يارائع.