[ALIGN=CENTER]
أول شي الموضوع منقول
نقطة تفتيش للشاعر ياسر التويجري احد ابناء بريدة
قصيدة تحاكي واقعنا الجاري حالياً
اتهام القصمان بالارهاب
وتفتيش أهل اللحى!!
[SOUND]http://207.44.196.190/voice/nq6taltoyjry.ram[/SOUND]
[/ALIGN]
[poet font="Simplified Arabic,5,white,bold,normal" bkcolor="transparent" bkimage="backgrounds/10.gif" border="outset,10,silver" type=2 line=200% align=center use=sp length=0 char="" num="0,black" filter=""]
ينام الزيف بظلال الحقايق محتزي بفراش=صنعه اللي عرف يتقن مداخل لعبة التشويش
مثل كذبة عماير بوش وبندق عمهم منقاش=يدز الناس للتفجير ويسأل من وراه وليش؟!
تقوم الناس تتسائل وتنجح خطة الأحواش=ويبدا الشك في دارك وتنصب نقطة التفتيش
بعد هذا يجيك اللي حياته ابتدت من لاش=قضى عمره ورى لمياء يحط بكفها تنقيش
يقول اللي ورى الارهاب وفجر عندنا وانحاش=مطوع لحيته كذبه تعلم بالقصيم الطيش
عساك وربي الأعلى تموت بغرفة الإنعاش=وقبل لا تموت من ربي يحرمك لقمتك من عيش
تبي عودٍ قضى عمره بروضة مسجده معتاش=يشيل الدقن لعيونك ويأمن منكم التخديش!
ألا تكرم لحاهم لو يرابط فوقها نتاش=وألا تكرم لحاهم لو تقولون الكلام الويش
هم أكثر ناس ضد اللي يقوم وفي يديه كلاش=وهم أكثر ناس لا قامت تقوم ولا يقوم الجيش
يمر الوقت وينور على الدنيا شعاع فلاش=ويكسب مرضيٍ ربه ويخسر مرضي التطنيش
نشوف ولا تعلمنا وما زلنا نعد أوباش=بعين الكلب.. ابن الكلب.. راع الكلب ذاك بويش!
[/poet]
رد مع اقتباس
المفضلات