تبن تعرفن ليه نبي سوريه

[غيـــــداءنجــد]

ها11111111111111ع هع هع هع هع هع

انا بترجملك معنى كلمه الخفووو

معناه ادحي يمانتس وكولي


ونتي ياتذكار ياراعيه الاتيكيت ماني رده على حتيتس هالي مالوه لا طعم ولا لون ولا رائحه لاني ان طولناه وهي قصيره نبي نتقاضب الشوش همن يشمتوون بنا العيال
ويكفي قوله عبد العزيز بالخفووو


تشا111111و ينطح تشا11111111و

[شموخ]

اركدن بس لاتهاوشن :D:D

شموخ

[اسلم دت كوم]

[ALIGN=CENTER]ليه الهواش والمخانق

الموضوع يخص الرجال

واحد ويبي يتزوج من برا( بكيفه هو حر خلوه يجرب ويقتنع)

وش اللي حاركن ليه

كل الصجه واللجه

هذا يعني انتن

يالحريم عقول مافيه

الله يعين عليكن

وشلون لو انتن جارات يعني مع رجال واحد

ولا التعدد مرفوض عندكن[/ALIGN]

[عبدالعزيز]

كاتب الرسالة الأصلية : غيـــــداءنجــد
ان طولناه وهي قصيره نبي نتقاضب الشوش همن يشمتوون بنا العيال

لاياشيخة ....وشو عقبوه


شخاط
لاوالله اعرس على شامية وماجاك علي يابعد حيي
يكفيهن يابعدحيي هكا الجمال .. والعقل والثقل والأهم من هذا كله قناعته بالقليل .. على عكس هاللي مايقنعن بالكثير
هذا واحدٍ من اهل حايل متزوج اردنية
رجالٍ مجلسة مايفضي من الرجال ... ضرب من هالغديان والعشيان من حوف هالاردنية... ماهو اللي لاقلت له خلي الشغالة تصلح قهوة بس قالت تكفى يالظلماوي:confused:
يحلف ويقسم بالله انه ماطبت برزان اكثر من خمس مرات (مظطرة)
ولا مقاضية لابغتهن تطلب منه وهو بنفسه اللي يشري له لأنه تلبس وتتظبط له ماهو لغيره تبي الدعوى على ذوقه
وهاذي هي أم لسبعة عيال اكبرهم هالسنة بالكلية
لاطلبت شغالة ولاتضايقت من سكن اهله معه ولابعمره ضيقته على رجله ماهو مثل هاللي مضيقاتٍ على اهلهن ببيوتهن ماهو عاد على رجالهن

ولااقول ببنات ربعنا شين بالعكس حريم بيوت وكاملات والكامل وجه الله
بس عاد مانتن ازين من الشاميات والحق حق
لعنبوبليسكن مايسمكر وجيهكن بالمشاغل الا هن
وعلى طاري ماياخذهن الا العايب
انتم لقيتو اللي ياخذونكم وانتم كاملات مكملات ؟
هو تقدم لكم معوق على الاقل؟
ترى غثيتونا وفضحتونا بالمجلات عنسنا عنسنا
سوو دسكاونت وتنتهي المشكلة
وهذا شخاط شاغر الآن ويابخت من تبي تاخذه
ووالله ياشخاط لو عندي بنت ماابخل به عليك زين وذرابة وذوق وأخلاق
مابقي شي ماشاءالله عليك

معنى الخفو على وزن payment

[ريم شمر]

الفيلم الهندي ابيض واسود

((((((( لن اتزوج الا سوريه ....بشرط تعرف تطبخ جريش |1| )))))


بطوله
الممثل الوسيم توم كروز حايل
والممثل الاطخم حسين فهمي البطحاء وماجاورها
والنجم الصاعد مدحت ولد رأفت بن صنهات الخايس
مملوح سدير وماحولها



ومازال العرض مستمرا منذ وجد ت الكائنات التي تسمى
رجال ................سعوديييين



ودمتم سااااااااااالمين




ريمو

[غيـــــداءنجــد]

ولااقول ببنات ربعنا شين بالعكس حريم بيوت وكاملات والكامل وجه الله
بس عاد مانتن ازين من الشاميات والحق حق
لعنبوبليسكن مايسمكر وجيهكن بالمشاغل الا هن
وعلى طاري ماياخذهن الا العايب
انتم لقيتو اللي ياخذونكم وانتم كاملات مكملات ؟
هو تقدم لكم معوق على الاقل؟
ترى غثيتونا وفضحتونا بالمجلات عنسنا عنسنا
سوو دسكاونت وتنتهي المشكلة
وهذا شخاط شاغر الآن ويابخت من تبي تاخذه
ووالله ياشخاط لو عندي بنت ماابخل به عليك زين وذرابة وذوق وأخلاق
مابقي شي ماشاءالله عليك

********************************
لله يقطع بليسك ولله اني تمصعت من الضحتس

يا1111111111111حبيلك ونت معصب وخاصه يوم تقوول
(ترا غثيتونا وفضحتونا بالمجلات عنسنا وعنسنا )
ومصخي
ومصخي
اخيييييييييييييييييه
ومصخي
اثاري مهو بس انا الي مفتشله من هالسالفه حتى انت مفتشل ومنغث
ومصخي

اقووووووووووووول عزوز

<----------- طيحت الميانه
طلبتك اي وحده من البنات تطلب منك ترجمه لا تترجمله خله تنبت براسه طلحه من الشفايه

تشا11111111و ينطح تشا111111111و

[عبدالعزيز]

[ALIGN=CENTER]^

تقديم:
ريم قرقر واجد:D:p

مالكن غيرنا ياخذ وكم لنا غيركن يتمنى ؟ هذا حنا ياالشباب السعودي [/ALIGN]
.........
غيدا
هذا طبعي وهاذي لهجتي وموافق على ماتبين بس انتي برضو ترى عليك كلمات والله ماالقاه بمضارب الشيخ مكاري ابلش بهن بعض النوبات

[تذكار]

السلام عليكم ورحمة الله وبركاته

غيداء الله لا يجيب الهواش هالطعوس ما يفرقون بين الهواش والنقاش والحوار مالت عليهم هههه

انا أبي أبين لهم إن الأجانب أزين من هالطعوس ما فيهم جلافه وغجر مثلهم هههه الواحد منهم لا نادى زوجته يناديها هيه هيه ولد ولد ما يناديها أم فلان أو باسمها .. الله لا يبلانا يالله لك الحمد والشكر تخلف عن جد هههه


عبد العزيز ياخي تزوج انت وشخاط شاميات وش دخلنا حياتكم وانتم حرين ومن زينكم عاد اللي يسمعك يقول ميتين فيكم يا ربيه هههه اشوف الجمال واصل حده بالذات شخاط يا الله لك الحمد :D:D هالناقص الوحده تضيع زهره عمرها مع دراكولا هههه

قدركم تتزوجون اللي ما يتروشن وريحتهن من عشرة كيلو وعطرهن بخاخ تهوية الغرف هههه

واللي يكتبن بالمجلات اتحدى انهن بنات قبايل أو من عوائل كبيره .. وعلى فكره في شباب يكتبون في المجلات نبي بنات اوصافهن كذا ومدري وشو مالت عليهم متخلفين هههه


وتبي تزوج بنتك لشخاط ؟؟ هذا لأن ما عندك بنت بس كثرة هرج ولو عندك أتحدى بنتك تقبل فيه هههه


أوف تعبت من الكتابه واليوم اختباري .. والله ناس تجيب المغص بكلامها هههه

تــــــــــــــذكــــــــــــــــــار

[عبدالعزيز]

تبقى سالفة ان شخاط يبي سورية للأسباب اللي وضحه
أسباب منطقية جداً جداً ماله جواب منطقي عندكن

[المهاة]

[ALIGN=CENTER]
اخوي عبداالعزيز تكفى طالبتك لا تسمع كلام غيداء.. اذا انت ياخوي ماتترجملي من يتحملني ..!!!!


طبعا عبدالعزيز مع اني اختلف معك كثييييييير الا اني هنا اتفق معك انه يجب ان نتكلم عن الموضوع بجدية ..

كاتب الرسالة الأصلية : شخاط

ولكن بالاول رخيصات يعني عشر الاف تجهزك <<<< دوخنا بهالعشره لا عاده الله من عشره

ولو هي منكن تسان تبي له مية الف وتبي عرس وتبي شهر عسل ومن غير الطلبات الثانيه |512|

والشي الثاني انهن يمن جيت تحتسي قدامه انت وامك بامور عايلية
وخاصه

ماودك احد يدري بالامر ما تشوفه الا تلفت يمين وشمال

تقل وجه حمار مكمخ ماتدري وشي السالفه

ولو هي سعوديتن اه تلومنن بهن

تسان صارت علوم وسوالف

يالربع تسيف مايمديك تكح الا والسالفه شارته على الحاره كله

اللـه المستعان


ياخوات بدون زعل الموضوع مفتوح للنقاش وهذا رايي وننتظر راي بقية الاخوان

شخطاتي الحاره

اولا: اخواني بسألكم بالله الان من اللي يحدد المهر هل البنت هي اللي تحدده او اهلها سواء كان أبوها او اخوانها او غيرهم ...!!

ثانيا :العرس هو عرس لها لحالها مو عرسك انت كمان ..!!! المبالغة اللي تحكون عنها في حفلات الزواج من اللي يلزم فيها من اللي يحدد عدد المدعوين و عدد الذبايح و مكان العرس ...؟ و أسئلكم جادة وشي الطلبات الثانية اللي للعروس ..؟ علموني كان العرايس يطلبون شي احنا ماندري عنه ..!!:confused:

ثالثا : شهر العسل الحين انتم كل اجازة مسافرين ديرة شكل و ما كلفكم و هالكم يوم اللي بتاخذ فيها زوجتك حتى لو داخل البلد تقربكم من بعض اكثر و تكسر بينكم الحواجز بتكلفك ما السورية رايح انت جايبها من بلد ثاني ...!!! بعدين ماحد ملزمك بشهر و لا حتى اسبوع عسل لو ماتبي ..!!


رابعا : فيه مثل يقول لحبتك عيني ماضامك الدهر و هذا حالكم معنا .. لانكم ماتبونا بتحطون فينا كل عيب .. للاسف ان مشكلة مجتمعنا التعميم في كل شي .. فالاخوات بين بعضهم صفاتهم تحتلف فكيف تبي بنات دولة كاملة تكون لهم كلهم نفس الصفة .. و اعتقد السورية اللي مخليها على قولتك تقل حمار مكمخ انها في الغالب ماهي فاهمة اللهجة و لا تعرف الناس اللي تحكون عليهم و الا مو معناه انه طيب فيها ..


عموما أعتقد ان البنت السعودية مو ذنبها انها في مجتمع لا يرضا الا بالبذخ لمصلحته و يغضب منها لما تكون عليه

شخاط و عبدالعزيز انتم انظروا للامر من الزاويتين ان اللي بتتزوج اختك و كيف بيكون موقفكم من العريس وش بتطلب منه و هل لاختك فعلا شروط تعجيزية ..؟؟ و من الزاوية الثانية انك انت العريس و رايح تخطب ..

عشان تعرفون ان سبب كل مشكلة يعاني منها المجتمع هو الرجل اولا و اخيرا لان البنات في مجتمعنا مالهم اي دور باللي انتم تشوفونه مشكلة بالعكس يمكن تكون هي الضحية في الامر كله ;)

اما مسألة انك تتزوج أجنبية أو بنت ديرتك فالزواج كله مسئولية و اللي مو قادر عليها لا يحاول يبرر سبب عجزه باتهام غيره لان البنات ماراح يسحبونكم من بيوت اهلكم بالقوة تعالوا تزوجونا و ادفعوا ......و هاتوا .......

و أكرر بالتوفيق للجميع وش ماكان اختياره يارب . :)[/ALIGN]