تبن تعرفن ليه نبي سوريه

**تذكار** · 14-10-2003 01:55

غيداء نجد .. أنا أعرف الأجانب وما قلت هالحكي من فراغ .. ولعلمك الأجانب طبقات يعني في لندن مثلاً عندك طبقة النبلاء معروفين .. وفي جنيف وباريس نفس الشئ في عوائل راقيه .. وأطيب ناس بصراحه شفتهم أهل جنيف وبعدين لندن ..

الأجنبي يعرف الاتكيت وعنده فن وأسلوب في التعامل ماهو مثل راعي البعارين ما يعرف الرومانسيه .. ولا يعرف يتعامل مع زوجته جلف الله لا يبلانا هههه

وبعدين مثل ما قلت لك معجبين بالسعوديات وماهو فضول لأنهم شافوا الجمال أصلاً ..

وأنا حره وكيفي والله يعني حلال للشباب حرام على البنات ؟

المهم بنات اللي تبي من جنيف أو باريس ولندن تقلي ترى فيه ومسلمين بعد ولهم مناصب ورجال أعمال عندهم أكثر من عشرة آلاف

واللي ما عاجبه يطق راسه هههه

الغثه : أفضل الانتحار على وجه شخاط هههه

تــــــــــــــذكـــــــــــــــــــار

:D

**غيـــــداءنجــد** · 14-10-2003 05:34

[ALIGN=CENTER]غيداء نجد عندي سؤال؟؟؟؟؟؟؟[/ALIGN] [ALIGN=CENTER]السعوديات اللي يعانن من عاهات
نفسيه او عضويه من ياخذهن عندنا
الطرما والعرجا والحولا والعاهات واجد
واللي به قلة صحاوه يعني مريضه نفسيا
من ياخذهن عندنا الاجانب والا السعوديين
الله يشافي مرضا المسلمين والمسلمات[/ALIGN] [/B][/QUOTE]
***********************************
انا اقولك من يتزوجن
لكل ساقطه لاقطه واكيد ماراح يتزوجها الا واحد بنفس ضروفهااااا الصحيه او العقليه
لكن البنت المريضه فرصتهاااااا بالزواج اقل من الشاب والسبب التقيد بالعادات والتقاليد
لان اهل البنت مهما كان مستحيل يخطبون للبنتهم هذا في حاله اذا ماتقدم احد بخطبتهااااا
ومهما بلغ فيها العمر وتقدم فيها السن برضوو مستحيل يفكرون يزوجونها اجنبي
بعكس الشاب فرصته بالزواج اكبر وقليل نلقى ولد مهما كان عيبه جالس بدون زواج لان اهله مايخجلون من الخطبه لولدهم وغالبا ....... غالبا ....... غالبا
غالبا يزوجونه اجنبيه ولا يفكرون بالسعوديه اطلاقا وذلك لأسباب وهي
انه معتووه يعني مافي بنت صاحيه بتقبل فيه الا اذا كانت نفس ضروفه الصحيه
واذا كان هو مريض والزوجه مريضه من بيراعيلهم ثنينهم ؟؟؟؟؟
للذلك الزواج من اجنبيه صاحيه افضل
اتمنى فهمت علي ؟؟؟؟؟؟؟؟؟؟؟؟؟؟؟؟؟

**غيـــــداءنجــد** · 14-10-2003 06:23

[QUOTE]كاتب الرسالة الأصلية : تذكار
[B][FONT=Times New Roman]

غيداء نجد .. أنا أعرف الأجانب وما قلت هالحكي من فراغ .. ولعلمك الأجانب طبقات يعني في لندن مثلاً عندك طبقة النبلاء معروفين .. وفي جنيف وباريس نفس الشئ في عوائل راقيه .. وأطيب ناس بصراحه شفتهم أهل جنيف وبعدين لندن ..
[اقوول ياعزوتي هدي اعصابك ليش معصبه الكلام اخذ وعطاء ومافي شي يستحق هالزعل
كلامك هذا يدل على انك ماتحكين الا من فراغ ....وش الطبقه النبلاء وجنيف وباريس لارحمووو ولا بعثووو .... اي ولله
وبعدين وشوله هالمقدمات الطويله العريضه ليش ماتقولين انك عايشه بلندن وخلاص مالوه داعي هالمقدمه
<---------- ماتحب الف والدوران
ماقوول الا ياحبتس للنذخ ونصيحه لا تكثرين من النذخ لانه يسبب حموضه [/[/C
***************************
الأجنبي يعرف الاتكيت وعنده فن وأسلوب في التعامل ماهو مثل راعي البعارين ما يعرف الرومانسيه .. ولا يعرف يتعامل مع زوجته جلف الله لا يبلانا هههه
[اقوول ياراعيه الاتيكيت للاه عاده تقارنين ملعون هالرقبه الباريسي والجنيفي مع راعي البعارين ....... صح اني ماعرف عن اهل للندن وباريس شي ولا عشت معهم ولا حتى جيتهن ونشاءلله اني ماطبهن
ولله ماعرفهم لكن الشي الوحيد الي اعرفه ومتأكده منه ان هالغرب الي انتي بازتنبهم يحنون هاماتهم للحرمه وراعي البعارين مايحني هامته الا للي خلقه [/*********************************[/
]وبعدين مثل ما قلت لك معجبين بالسعوديات وماهو فضول لأنهم شافوا الجمال أصلاً ..

[]معجبين بالسعوديات ؟؟؟؟؟؟؟؟؟؟؟
لانهم شافو الجمال اصلا ؟؟؟؟؟؟؟؟؟
كيف يعني مافهمت فهميني ؟؟؟؟؟؟؟؟؟
اذا هم معجبين بجمالهن هذا يعني انهم شافو وجيههن ومناطق الفتنه باجسامهن ........ ومن هذا المنطلق نعرف ان البنت السعوديه تكشفت عند الاجنبي وماخافت ربهاا وتغطت ........ ولله ثم ولله ام ماشووه الاسلام والمسلمين وخاصه السعودينن الا هالفئه الضاله ............جمال السعوديه بتمسكهاااا بحجابهاا واخلاقها مو تكشفهاااا ماقول الا الله يهديتس ويهدي جميع بنات المسلمين
وهالي انتي بازتن بجمالهن من السعوديات ادعيلهن بالهدايه مو تتفاخرين بتكشفهااا
I]*******************************************
وأنا حره وكيفي والله يعني حلال للشباب حرام على البنات ؟
ااااااااايه حرام الرسول عليه الصلاه والسلام قال (تزوجن من ترضين خلقه ودينه)
وبالله عليتس الاخلاق والدين وين واهل الغرب وين ؟؟؟؟؟؟؟؟[
******************************
المهم بنات اللي تبي من جنيف أو باريس ولندن تقلي ترى فيه ومسلمين بعد ولهم مناصب ورجال أعمال عندهم أكثر من عشرة آلاف
افاااااااااا كل هذا اعجاب فيهم ........ تدرين ان ضعف العرب سببه انبهارهم وانجرافهم بتيار الغرب .......... عيني من الله خير واقضبي ارضتس وتاكدي ان اعضم حضاره بالوجود هي حضارتنا لان منبعهاا الدين القويم
*************************************
I]واللي ما عاجبه يطق راسه هههه
[يمدحون جدران للندن يقولون مامثله تهول تطيح كل الحطب الي بالراس ..... بالله شوفيلتس اقرب جدار ]
8
8
8
8
8

[عزيزتي تذكار لا تنسين ان الموضوع انفتح للنقاش يعني طوولي بالك وتحملي اراء غيرك بصدر رحب ......... وحنا خوات ومابيننا زعل
تقبلي تحياتي [/I][/COLOR]

\\\ مطاردزنا
غيداماءل
تشا1111111111و ينطح تشا1111111111و ][/SIZE]

**المحمود** · 14-10-2003 08:34

اقول لو كلن برّق بعذاريب الثاني ما احد اعرس ولا جو هالضبان اللي تقولن

ولا السلاحف (( لاتزعلن )) الشيء بالشيء يذكر.:p

السعودية ماعنده اللا اللسان الطويل تدرن ليه لأنه (( تستحي )) اي والله

تستحي من زوجه وتصير عنده ردة فعل عكسية (( وياشينه من ردة فعل ))

تدرون وش ماريّت ان المره تغزّل بزوجه ؟؟ أنه تحط حرّته بالطلبات والمراسيل

جيب تايد ماعندنا عيش ترى الشاهي خلص ههههههههه:confused:

والله انهن مسيكينات لكن يبن فرصه وجو مناسب والواحد يوسع صدره عليهن

شويييين;)

بس تبون الصراحه انا خايفن على غيدا احس انه صارت مستهدفـــــــــــــه

بسبب موقفها الواضح

واسمحن لي يا سلحوفات:D:D:D

شخاااااااااااااط ياشين رح اخطب وتشوف ان تسان ماقامن البنات يتطامرن

قدامك جررررررررررب و (( علّمنا ))

ترى الزعل ممممممممممنوع

**تذكار** · 14-10-2003 08:54

السلام عليكم ورحمة الله وبركاته

غيداء نجد من قال لك أني معصبه أصلاً وليه أعصب على سالفه ساسها مزح وأخذ وعطا .. شكلك ما عرفتيني بعدك .. وبعدين ليه تلعنين أهل باريس وجنيف أنا أتكلم عن مسلمين الكفار العنيهم عادي الله لعنهم في القرآن بس ليه تلعنين المسلمين .. مافي فرق بين عربي وأعجمي إلا بالتقوى .. ولعلمك هاللي تتكلمي فيهم متمسكين بالدين أكثر من العرب .. واوافقك أن جمال المرأة بحجابها واستقامتها وتمسكها بدينها .. وأنا ولله الحمد محافظه على ديني وحجابي الشرعي سواء كنت هنا أو خارج المملكه ما تفرق عندي .. اسأل الله الثبات على دينه .. آمين

وأنا معجبه فيهم لعلمك وما زلت معجبه هم مسلمين وأعزهم وأحترمهم ومتمسكين أكثر من العرب ..

أنا من طفولتي عشت برى وانولدت هناك وأعرف طبايعهم .. حتى كفارهم الله يهديهم لو كلمتيهم عن الإسلام وتناقشتي معهم ما يكابرون ويغلطون عليك مثل المسلمين .. وبعدين لعلمك يحترمون رغباتك وآراءك ويحترمون مشاعرك ..

طبعا مستحيل يكون الكافر أحسن من المسلم مهما كان .. حتى لو أن بعض المسلمين أخلاقهم سيئة وشوهوا صورة الإسلام بتصرفاتهم مستحيل نفضل الكفار عليهم .. لأن الأخلاق ما تنجيهم من النار ..

المهم اللي أبيك تفهميه أن كلامي كله عن الأجانب المسلمين يا شاطره .. طيب

وواضح مين اللي معصب في رده أنا ما قلت طقي راسك ..

تــــــــــــــذكــــــــــــــــــار