وش اسم امّك وابوك (( بجوّاااااالك ))

[نهّاااش]

ما اخبّي عليكم انّي اغيّب الجوال إذا ابوي اتّصل

مستحي يشوف اصحابي انّي كاتب اسمه : بابا :D

وتخبرون شماتت الرّبع

وأمّي مسمّيها : ماما;)

بس المشكله كثير منّا يتعايب هالشيء


وماني قايل وش اسمّي ام نهّااااش ، الاسماء السابقه :

المدام

الواحه

مقشّعة الرّضم

نتّافة المخبى ( الجيب )

تفّاحه:D

الداخليه

نجمة سماء:D

وآخر اسم ال دي اتش ال DHL|513|





حبّيت اعرف وش تسمّون ابوانكم ومهاتكم :o طبعا بجوالاتكم

وسلامتكم

[نهّاااش]

نسيت ؟ حلّ الطاري ان واحدن من الرّبع شاف وش اسم بابا:o

[مفتاح14]

[ALIGN=CENTER]رجاءً لا تدخّل بخصوصياااتي :D:D


الا اقووووول نهااااااش: هو انت اللي مسوي به مصمم محترف هنااااااك والا اسم على مسمى؟;)

<< منذو مبطي وهو يتصيدك يبي يسعلك هالسوعال;):p


يالله نشووووووووووووفك[/ALIGN]

[السنعوسه]

نهاش

انا كاتبه اسم بابا ========> بابا الباشا

و اسم ماما =======> الوالده باشا


:D تدري ليش ؟؟ كنتي توني شايفه مسلسل بوابة الحلواني كله بس ينادون بعض يا سعادة الباشا و مدري وشو

عشان كذا سميت امي و ابوي البشاوات |17||17||17|

[نهّاااش]

مفتاح14


اي خصوصيات

يامللي بس ودّ ي اعرف مفتاح 14 وش يصير اسم ابوه بالجوّال

ترى ان ما سمّيته ، بجيب لك اسماء عدّه السياره وبخلّي المفتاح 14

بس




تماكن روحك

...

ايه التصميم .. هذا لوه قصّتن ماهي بسيطتن مع ابو علي الله يسامحه
على فكره اليوزر لي وباقي اليوزرات خلّ الطابق مستور :p

مع انّي تعبت فيه وحاط له حلبه مصارعه ،، واحسب ان الدببه مقامات

بس يالله .. خيرها بغيرها

[نهّاااش]

لحظه : ما جمّعت|1|



حالحين اسم امتس ( الباشا) وابوتس اسمه ( بابا الباشا) يعني ابوتس ابو امتس:D

ما تسنّك مصغرتن امّتس بالحيل:D

الله يحفط لتس بشواتك وبعد يحفظ لي بشواتي ;)

يالله .. جازت لي السالفه

بس منعا للتقليد بسمي ابوي باشا (1) وامي باشا (2)
لين القى اسم آخر



الحلواني ؟ وشّو|1|

[ابو غازي]

السلام عليكم ورحمة الله وبركاته
نهاااش

كم تدفع وأعلمك بااالسته كلها :p
مابعد إلا إسم إمي ويش تبيبوه ياحلالي |512|
أول ااالقريشااات الله لايهينك
ولا بعلم مفتاااح 14 بالي تخبر :p

[شموخ]

خطييييييييييير يانهاش

بابا وماما مايلامون لو تشمتوا فيك الربع :D:D:Dمادام منت مخزن ارقامهم

باسماءهم الحقيقيه اكتب الوالد والوالده .

واتوقع ان اسم امك الداخليه :D:D:Dلان دايما الرجال يطلقون على الحريم وزارة

الداخليه :D::D

انا اسم امي بجوالي مامتي وابوي بابي :D:D:D

لاا مزح والله باسم اخوي الكبير ام "فلان "وابوي باسم اكبر اخواني .

تحياتي
شموخ

[الملهم]

أمي مسميه القناصة

وأبوي القاتل

<<<<< وروه الهوايل

لا بصراحة

أبوي مسميه ((( الوالد )))

أما أمي الله يخليه (((( الغالية ))))

لكم تحياتي

الملهم

[عبدالعزيز]

بابي حاطوه ابوخالد
ومامي مابعمره اتصلت علي ابشرك


تقول الله يخلي لي خيك الصغير ولا انت ماعليك متكل ياأبا الترترنت(الانترنت:D)