خوالد الجوف عرفوا على مر العصور بحماية المستجير بهم حتى لو كان
من ألد أعدائهم فنورد قصة وبعضاً من قصيدة نادرة وهي عندما حصل
الخلاف بين زعماء الجبل ( العلي ) وبين ابناء عمومتهم كل من الشيخ
عبدالله الرشيد وأخيه الشيخ عبيد الرشيد وخروجهما وعوائلهما من
حائل الى جبة وبلدان اخرى وذلك في عام 1233 للهجره كما ذكر
الرحالة بلجريف الى ان لجأوا عند الضويحي ولهم زعامة بني خالد
الجوف واستقبلهم الشيخ لحيد بن مطيلق امير قبيلة الضويحي من
بني خالد الجوف ورئاسة سكاكا آنذاك وخصص لهم حوطة ( بستان )
ومنع جماعته من دخول هذا ( الحير ) المسمى مناخ الرشيد الى
يومنا هذا استقر عبيد عندهم فترة طويلة وأخوه عبدالله ذهب للعراق
وبهذه المناسبة قال الامير عبدالله الرشيد هذه القصيدة مادحاً فيها
الضويحي من القرشه من خوالد الجوف :
[poem=font="Simplified Arabic,5,blue,normal,normal" bkcolor="sandybrown" bkimage="" border="none,4,gray" type=0 line=0 align=center use=ex num="0,black"]
قل هيه يلي لك مع الناس وداد = ما ترحمون الحال يا عزوتي ليه
ما ترحمون اللي غدا دمعه بداد= طول الزمان وجرح الدمع خديه
تالي زماني ما تهنيت برقاد= وقصر المعزه صار تهدم مبانيه
من شوفتي للغرو مزبور الانهاد =مجلياً عن دار جده واهاليه
اقفى يجر الثوب للضلع شراد= ومتمشلح ياطا على اقدام رجليه
الشوك ما له عن مواطيه رداد =ايضا ولا سبت قوياً يوقيه
يا من يسوي له زرابيل جداد= من المي لو ياطا على القطن يحفيه
بمشمرخات الهيف بالزحف صعاد= وكم يعرب من خوف الاورام راقيه
اخذ ثمان من ثمان له اذواد =ولا لافي من عزوته من يلفيه
جينا قليب صاير بين الانفاد= والخمس من نصف الثمانين يدليه
وبن رخيص نازل حد الاجراد= قال اقبلوا وانتم هل الدار يا هيه
جبه سقاها الله من الوسم رعاد =ما طالعت خشم ام سنمان يسقيه
حيث انها للمنهزم دار ميعاد= من لاذ به كن الحرم لايذ فيه
الحيضري ما يستوي غير ببلاد= والبيدوي ما يستوي له تحضريه
وحنا على شهب الغوارب منه غاد =وكم عيل يبكي من القيض حاديه
جينا لناس للطويلات رواد= بالجوف سادوا وهزموا من طمع فيه
نبغى نقارب من هل الجوف خلاد= وندعي عسى ان الوبل يسقي مفاليه
لذنا بهم هل الكرامه والامجاد= قالوا هلا من خاف وجانا نحميه
نحميه من جور الرفاقه والابعاد =وحنا بعيال الخوالد نسويه
ذولا الخوالد نعم بذالت الزاد =ونعم النكيف اللي لفا السير طاويه
يا حي والله يالضويحي من اجواد =اهل المديح اللى نصا المدح اهاليه
الطيب كله في لحيد ولحاد= الكل مثل السيف يضرب بحديه
سرنا على حمر طويلات الابعاد= يم الشمال ونية الهور نبغيه
ومن خلفنا غويش غريرين قعاد =ما منهم اللي عنده راي يقديه
في ذمة الله ثم عريبين الاجداد= باب الخشب *والضلع *حروة مراميه
للشط ياللي يمه الغرب منفاد= كن الشفلح فوق موجات قاريه [/poem]
* يقصد هنا باب الخشب وهو موجود الى يومنا هذا على قصر زعبل
وهو قصر الضويحي وبابه باب كبير جدا يسمى باب الخشب
*والضلع هو جبل زعبل الذي يوجد فوقه القصر
كما اشكر اخوي سلطان الضويحي على امدادي بالقصيده
كما اشكر جميع من سأل عني من الاخوان في هذا المنتدى الرائع
ويعلم الله اني اكتب موضوعي وانا مستحي منكم بسبب انقطاعي والله يبيض وجيهكم يانسل السناعيس عز الله انكم نسل المناعير
.
رد مع اقتباس
بسم الله ثم بسم مطير
المفضلات