[ALIGN=CENTER]

ما أجمل ذكريات الطفوله وما أروعها
خاااااصةً
عندما يكتبها شاعر كبير مثل (فهد المساعد)
ليرسم شقاوة الوقت .. وشيطنة السنين على جدار الذاكره ..
قصيده تتسم بالشفافيه
والروح الخفيفه

اليكم هذه المعزوووفه

التي أسماها
..
..

(وحده بوحده)!!![/ALIGN]


[poet font="Simplified Arabic,5,skyblue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]


ياغايبه وإن كان فيها جماله= تجمّلي يا أمّ الحلا والظفاير
بالله شوفي صاحبك كيف حاله=شوفيه في غيبتك وشلون صاير
صارت حياته ضيق خلق وبطاله=هم وسهر و أوراق شعر و (زقاير)
يعني حبيبك صار حالته حاله=ماباقي إلاّ إنه يدنّ العباير
الله لا منه ذكر ما مضاله=قبل الدواير ماتجر الدواير
يوم الطفوله والشقا والجهاله=يوم الكباير في عيونه صغاير
أيام كان معانده راس ماله=ويسوق لهبال الشقاوه بشااااير
ياما امتلى بالحب والطيش باله=وياما إمتلت من شخبطته العواير
يكتب علها : (عاااااشقك للثماله)=ويخط توقيعه : (جريح الضماير)
ياما اشتكاه ابوك في بيت خاله=وياما تحصّل من هواك العزاير
مرّه حلف بأنه يبطل هباله=وقبل يكمّل .. فك أخوه الستاير
ثم طالع الشباك .. لينك قباله=وفـ أقل من لمح البصر جاك طااااير
على صغر سنه مميل عقاله=كاااشخ وناااسي لا يصك الزراير
لا شافك يتمتم لحاله بحاله :=لعيون هالشوفه تهون الخساير
ولا شاف زول أبوك حذّف نعاله=الحب جاير .. لكن العود جااااير
طفلٍ يتيم ورغم الأحزان داله=مايدري إن حظه مع الوقت باير
كنتي طموحه كنتي أغلى حلاله=كنتي وصرتي .. بس يا أمّ الظفاير
طفلٍ زرع من ضحكتك في خياله=لين اثمرت شعرٍ هزاله حراير
لا تتركينه في غيابك لحاله=بالله شوفي كيف هالطفل صاير
ووحده بوحده كان عندك عداله=إتبطّلي غيبه وأبطّل (زقاير)

فهد المساعد

[/poet]