قمة النذاله

**غيـــــداءنجــد** · 26-09-2003 07:06

اويحناااااااااااااااااااااااا

تشووف باتسر ان مازقروونا على سوالفنا هذي

وابي اعرفلك الرومنسيه

الا وهي

انك تطفي المبه وتولع لك شمعه من كالشموع الزرق والحمر القديماني الي من ياعي جدي

وتحط يدك على شدزك الايمن او الايسر مهو مشكله

وتسمر عيوونك على السقف واليا بغيت تنزلهن مهو بسرعه تنزلهن لاااااااا نزلهن دويبك دويبك (اي شوي شوي )

وحاول قدر الامكان ان هالنضرات تتخللهااا دميعتين لاحظ دموع بس يعني بلاش من الحاجات الي تطلع من الخشم

اييييييييييه ونسيت بعد

الورده لازم تكون معك ورده شوين تنتشيه تنتشيه بس مهو تاكله وشوين تحطه على خدك وشوين تعصب وتقرطه بس تقرطه شوي شوي يعني تسنك معصب على حبيبتك وعتبان عليه

هذا هو التعريف والله اعلم

**الغريري** · 26-09-2003 07:14

ايه يعني هذ هي الرومنسيه

الله يرجتس وانا احسبه نوع من انواع الحرب ( يستهبل ))

لالالالا هيننه ومقدور عليه هاللي يسمونه رومنسيه بس انا قاعد اتحرى المكتبه اللي حول الدار لشان تفتح لجل اجيبلي كم شمعه واتمقله

وبعدين تعالي وشنوحتس تعلميني بعض الكلماي تقلين دويبك دويبك اي شوي شوي هههههههه الله يغربلتس اللي يشوفن يقول جاين منن الحجاز ما افتهم شين

<<<< ---- عاد مدري وش دخل الحجاز بس مشيه :D

**غيـــــداءنجــد** · 26-09-2003 07:19

هع هع هع هع هع هع هع هع

ولله اني قلت اكيد انه مايعرف معناه

قلت خلن اترجم

**الغريري** · 26-09-2003 07:27

ههههههههههههههههههههههههههههههههههه

لالالالالالالا انا فاهم كلامتس بس استهبل عشان مايفتهمون للكلام ويحسبونه رموز وشفرات خليتس اسخباراتيه :D

**غيـــــداءنجــد** · 26-09-2003 07:28

سمع مهو باتسر اليا من حصلتلنا خرشه من المشرفين جحدتن وحطيته فووق راسي

ترن انا ابقوول انك انت الي اغويتن وجرجرتن بالحتسي

وبقلب السالفه كله فووق دمجتك

اليا منهم قالولك شين بس اسكت وطنش تسنك ماسمعت

مقهوووم ؟؟؟؟؟؟؟

<----------- سيايته مع الناس التطنيش في ان ماجازله الحتسي

**الغريري** · 26-09-2003 07:34

ياعونة الله

وشعلمتس قمتي تقلبين الحتسي معي

ماعليتس انا مايوخذ مني لاحق ولا باطل

اقول يالغيدا انا سياستي مع الناس امش معهم كلهم وادرسهم وشف اللي يصلحلك وعاشره واللي ميصلحلك صد عنه والتفت وخله :D:D

وشرايتس بالله مني سياسي لا ومحنك بعد |13||1| بس لتعلمين احد

**غيـــــداءنجــد** · 26-09-2003 07:38

من ناحيه سياسي ولله اني اشك

ومن ناحيه محنك ابصم بالعشره انك محنك بس مهو محنك بالمعنى الي انت خابر

لااااااااااااااااا

ولله ان عدي اشووفك انت وحنوكك تقل حنوك عجوز رملى

شف للعجوز الي بالصوره ولله اني اتحلاك به

**الغريري** · 26-09-2003 07:48

هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههه

طيب يالمقروووووووووووده انا اوريتس

شوفي هذي صورتس الحين

اللهم لاشماته :D