[ALIGN=CENTER]بعد القرار المفاجيء الذي إتخذه مشرف مضيف الترحيب والتعارف الأخ الغالي((أبو غازي)).. وشريكه المبجل والقدير((أبو مشاري)) والمتمثل في العرس..والزواج دون علم( وزارة الداخلية)
ومن بنات سوريا..ومع أن الأخ((خليجي))..أصر عليهم وألح إنهم يخاونوه يم السودان..وأشار عليهم إنهم يتزوجون من هاللي براطمهن تقل ربل سيارة..أو تقل برطم رحول_ الله يستر عليهن وياقاهن_
المهم: إن المنتحي شور العرب مايطيعه.. وهذه حال الرفيدزين((أبو مشاري وأبو غازي)) والمقتنعين بفكرة(( بنات سوري بهن منفوووع****هن اللي يمشن على رضانا))+1+..
أبو غازي..ينفذ القرار.. ويتصل علي..
أبو غازي: آآآآآلووو...
أنا: آلو..هلا..
أبو غازي: خل عنك السلام..والحتسي اللي ماخوذ.ن. خيره..وإسمعن لاتقاطعن يما أقضي حتسي..
وبعدين أدلو بدلوك..(( بس إنتبه لا يندفدز عليك))
أنا: سم ..
أبو غازي: أنا وأبو مشاري..قررنا الزواج من بنات سوري.. ويوم الجمعة نبي نمشي (لهونيك)<<<<< من أوله يرطن بلهجة بنات سوري..
ونبي هديفتك الكابرس..نبي نروح عليه.. وغسله..ماهو تجيبه هو وغبرته..
أنا: أبشر الكابرس وراعيه تحت أمرك...و...
أبو غازي: غصب.ن. عليك.. المهم.. ترك إنت السواق..ولم أوراقك ..وجهز روحك..والوعد يوم الجمعة..
أنا: خلص إن شاء الله.. على خير...
أبو غازي: إسمع ماهو تنهج تخندس. وتغطس وياجا الموعد مانلقاك؟؟؟؟ ترن أشوتك من المضايف!!!..إنت تسمع..
أنا: لا.. لا.. أن شاء الله إني ماأغطس..ألاأنا شايف.ن. وش يصير على عرسكم..
أبو غازي: يله....... مع السلامة...
أنا: مع السلامة.....
رحت وخلصت الأوراق.. ورتبت روحي لسفرية عرس الربع..
آثري..أبو غازي.. ماخلا أحد من مضيف فلة حجاج..إلا قاله تروح معنا..
وزود.ن. على ذلك..حاشر.ن. ( عذب المشاعر..وخليجي).. ومسوي.ن. عليهم حظر جوي وبري..
أما الحظر البحري..فالظاهر إنه متوكد.ن. إنهم مايعرفون السباحة...
المهم: إنه قاضبهم.. ويقول..إنتم شهود عرسي أنا وأبو مشاري.. ومافيه روحة لايمين ولايسار..
يما نخلص من بلشة هالعرس...
ويوم جاء يوم الجمعة.. وأروح أمر أبو غازي.. يوم جيت ياهو واقف.ن. هو ويانظارته هاللي تقل منور عمارة.. وعاظ.ن. طرف شماغه.. ومعهو لهو شوحط.ن. مانا طوووله...وعلى ماوقفت عنده..
قلت: سلام... يامشرف مضيف الترحيب والتعارف...
قال: الله لايسلم بوووش وأعوانه... وين إنت إلى هالحين؟؟؟؟؟؟ متى موعدنا؟؟؟؟
ياولله.. واصلة.ن. معهووو...وماهو رفيدزي اللي أنا خابر..آثريه مخروش.ن. من وزارة الداخلية..
ويبي يحط حرته بي...
قال: شف هالشنطة..هاته هي والكرتون هذاك..... وحطهن بسيارتك..بسرعة..خلنا ندور الشهود..
هالحين وين نلقاهم..وبعدين نعرّج على العريس الثاني(أبو مشمش)..ويبي ياخذ له ساعة..هو وبشيته..يحقق معنا..ليه تأخرتوا؟؟ منهم هذولا..؟؟ وشم هاللي معك؟؟؟
وأنا أفتح الباب لأبو غازي...
قلت: إرتسب!!
ويوم بغى يرتسب.. وهو يصيح..:confused:
قال: لعنبو إبليسك..هذه هي سيارة.. ولاّ إستراحة...
قلت: لا والله سيارة..بس تخبر هالمراتب مبطي خربن.. وقواعدهن اللي يقضبن الغمارة لهن سنين.ن. متقطمات..ولا لقينا أحسن من هالمجلس العربي..نحطه بدال هالمراتب..وبعدين الشباب ياخذون راحتهم.. اللي يبي يلعب بلوت..واللي يتسدح هنا وهناك.. يعني...
قال: حسبي الله على العدووو..يالله وش نسوي..قال وش الي حادك على المر قال اللي أمر منه..
قلت: مايخالف..يالعشير..وتر الدعوى هينة.. والمسافة يعني ماهي بعيدة.ن. بلحيل..
المهم..أنا بساع فرينا على الشباب..ولقطناهم.. وقضبنا طريدز الشام..
ويوم توسطنا من هالخط.. وهو يقوم يتخرفش أبو مشمش ويطلع هكالشريط من مخبا ثوبه التحتي..
لأنه لابسن.ن. ثوبين.ومن فوقه بشت حساوي..لو السماء تصب ماء مابلتهو..آثريه..ذهين..وعنده خلفية إن هكالديار برد..وجوه مقلباني..المهم قال حط هالشريط..وخلنا نستانس..
وهو ياخذه أبو غازي..ويتمعن به..
قال: الرفيدز..أبو مشمش..منين جايب.ن. هالشريط..هاللي هتيان.ن. يبي يتكسر..تقل ظاربته له شمس
قال أبو مشمش:هذا شريط.ن. مبطي شريته ..ومشيلهو لمثل هالمناسبة..
قلت: لأبو غازي: هاته وخلنا نحطه ونشوف.. وشوّ!!!.وبعدين.أنا خابرن.ن. ذوق أبو مشمش ذوق.ن. راقي..
ويوم حطيناه بالمسجل: وهو يقوم يتغوى..تقل مغيول.. وحنا نجي نبي نطلع الشريط..ياولله مايطلع..
وتصير هذي شغلة أبو غازي..معافر هالشريط..نوب بالسكروب..ونوب بالقلم..المهم..إنه ماأشتغل إلا عقب لهدة..وكسافة...ويوم شغلناه..ياهذا خالد عبدالرحمن..يتغوى...
لاإلـــــــه إلا الله......نقولهااااااا بادي
سيروا بحفظ الله......ياجـوهر بلادي
وهو يراعي لي أبو غازي..ويلتفت يراعي لوجيه الشباب.
قال: لا... مبين أنكم إنتم ووجيهكم جوهر بلادي.... آآآآآآآيه الشكوى لله..ولا وش لي بخوتكم..
ووصلنا للحديثة: وخلصنااااا الأوراق وختمنا الجوازات..
ودخلنا ..الحدود الأردنية.. وبعد عدة..ساعات..إلا وحنا على أطراف سوري...ياوالله خيي (عذب)
توه دزاعد نوم..قال: ياأبو مقرن: وقف على جنب ..وحول الله لايهينك..أنا أبي أسوق لأني دليلة..بديار سوري..مابه شويرع.ن. ماأعرفه..ولابويت.ن. ألا أدله..
قلت: أبشر.. وإنت تاااامر أمر...
وهو يستلم دفة القيادة<<<<<<< اللي يسمعهوو يقول الربع طيارين يتعاقبون عليلهم طايرة..
المهم..ثريه لايدل ولاهذي ولاهذيتس..وكل مانجي لنا تقاطع.ن. إلا هو ساحب.ن. بنا بريك..
ياولله كلنا متكومين.ن. عنده..حنا ومجلسنا العربي..وعلى هالحالة..ياما إفترت روسنا..وطلعت تسبودنا..ويوووووووم خذينا لنا مشيوير..
قلت: هاه يابو غازي..إنت وأبو مشمش.. وين عنوان الربع؟؟؟؟
قالوا: والله ماندري..بس الله والعالم ..إنهم حولنا..ماهم بعيد!!
ويطلع أبو غازي...له وريدزة.ن. مكتوب.ن. به العنوان..وياخذه (خليجي)..ويقراه..
قلنا: هاااااااه..عسى دليت العنوان ياخليجي؟؟؟
قال: مكتوب..حارة( تئبرني)....شارع..(ولي على آآآآآآآمتي)<<<<<الظاهر إنه هلووون
وندور.. ونستدير..ونبترم.. ويالله نلقى العنوان...
ويوم بغينا نحووول..وهو يدس يده أبو غازي..بمخباه..ويطلع قارورة هكالعطر..اللي ريحه الله أعلم به
إن قلت: عبيثران..وإن قلت حلتيتة..مادري..بس الوكاد إن ريح.ن. مش ولابد...وهو يقوم يكش على روحه منه..وعلى شماغه. وعلى الثوب....ياتقل فاتح.ن. لك شنطة حوّاج<<<(عطار)
المهم..وهم يستقبلونناهكالاستقبال..اللي مامثلهو..وندخل عندهم..وأول مادخلوا..العريسين..وبعدين دخلت أنا وخليجي وعذب المشاعر..
وهم ينفلتووون علينا كومة هكالسوريين..سبحان اللي خالقهم..طول وجبار..والواحد عطر..لو تصفقه له كف..طلع دمه<<<<<<<< والله من ضرب صحون هالحمص
ويسلم علينا أبو البنات..اللي يبون يخطبونهن(أبو غازي.وأبو مشاري)..والله يوم شفته..ويطري على الممثل السوري( حسن دكاك)..الدبة المندك اللي دايم مع مرايا..
قلت: يالله حي (ياسر العظمة)....:D
قال: عزمة بعينك..
ياولله يبي حنوووووكي..
قلت: يابن الحلال..عين خير.. وحنا مرافقين للعرساء..لا أكثر ولا أقل!!!
قال: آآآآآيه...هيك بديّاك...
وحنا نحتسي..وهم ينفلتون علينا هكالوغدنية يسلمون..وكل واحد يقول إسمه..
هذا تحسين..وهذا عبادة..وهذا فؤاد..وهذا نضال<<<<<<<هذي الأسامي ولاّبلاش
وهو يقووووم يهذر..أبو البنات..
قال: إسمع أبو غازي..إنت بدك تاخز بنتنا على سنة الله ورسوله..واللي أوله شرط آخره إسطبات
عفووووا بدّي أئول: ( اللي أوله شرط آخره نور)..ولا شو رايك خيي أبو مشاري..؟؟؟؟
ياولله ربعنا بس يهزوووون روسهم....ولايحتسوووون..آثري أبو غازي..صاكه راسه يبي له كويسة شاهي بالشيح..متعود.ن. عليه..مدمن شيح الرجال.. وبس يتلفت..عاد المشكلة إنهم مايعرفون الشيح والا تسان قلنا جيبوا للرجال..له كويسة..يدزعد رويسه به..
وأبو مشاري: مع له آلة.ن. حاسبة..من اللي بس ينبذن زررته.. وكل شوين.ن. منبذة.ن. عند هالانساب..ويلقطون الزررة هو وأبو غازي<<<<< خوش عرساء
آثريهم يحسبون تكلفة هالعرس..ويحولون من الليرة السوري للريال السعودي..والنسيب(حسن دكاك)بس فاتح إفمه.. وبدنا هيك وبدنا هيك<<<<<يامتلطخ.ن. بلك صحن كيك
المهم: إن أبو غازي..صووت لي أنا وخليجي وعذب المشاعر..
قال: ظفوووا وجيهكم..وروحوا دوروا لكم متسان.ن.إقعدوا به..لأن حماتي أنا وأبو مشمش..تبي تشوفنا
ونبي نشووووف وشن شروطه..!! ولاتجون يما أصوت لكم...
وحنا نسحب أرواحنا.. وانا أجلس على كبوت الكابرس..وعذب المشاعر..واقف.ن. حول الباب..
وخليجي يمتـّر هالسيب..مرة رايح ومرة جاااي...
وحنا على غفلة.ن. من أمرناااااا....ولاعندنا من الشيطان طاري....
يهالدب..اللي إنفلت علينا من آخر هالسيب.. ومعه له خشبة.ن. تقل عامود خيمة..وخليجي يوم شافه وهو يجيك طاير.ن. ياهذي بس غبرته..وان إجي أبي أحوووول وإنحاش مع خليجي..ماندري وش هالبعير اللي إنفلت علينا ويهدر بعد... ويقول: لاء.. لاء.. مابيصير لو على جستي<<<جثتي
وهو يزرن مع رقبتي ويرفس بي على الكبوت..يانا من صيد أمس..وهو يشهر خشبته..يبي يصهدن به
ويجيب الله عذب المشاعر..وهو يخطف هكالهوداة..ويتوازن له من بين هالعيون ..ويصكه..ياولله بس دمه تقل نافورة..بس والله ما أثرت به ضربة عذب المشاعر..وهو يحترف يبي حنوك عذب المشاعر..
ألا هذا بشيت أبو مشاري..ويمار هذا أبو غازي..يركض بعد مع أثره..ولابه نظارات..
وهي تصير معركة.ن. حامية..ويجيب الله خليجي..ويشغل الهديفة الكويبرس..وحنا نرتسب بس بقى أبو مشاري..هالناس يحجزونه عن هكالبعير..آثريه معذور المسكين..هو عاشدز.ن. له وحدة.ن. من البنيوات..اللي يبون ياخذونهن ربعنا..
المهم: يله يابو مشاري...يله.. خل ننحاش..
قال: إصبروا يالربع..خلونن أبرد تسبدي بهالبعير..وهو يتناول هكالليور..ويصهده من بين هالمتون..
ياهو منعوي..تقل رمة جحش_أعزكم الله_ وهو يرتسب أبو مشاري..وخلا البشت بالمعارة..
وزين اللي طلعنا بروسنا...ويكفخ خليجي للكويبرس..وهو يعطيه الفجائي..وحنا ننحاش من هكالحارة..ويوم تأكدنا إنا أبعدنا..
قال عذب المشاعر: ألا وش طلعكم يابو غازي..إنت وأبو مشاري؟؟؟وش صار على العرس؟؟
قال أبو مشاري: يعله ماعادت..يوم كثره علينا النسيب..وقام يحوس ..ويتشرط له شروط.ن. ماتصلح..
وهو يخطف أبو غازي..الحاسبة مني..وهو يصك به النسيب بالجبهة..وهي ترهش علينا هالوغدان..
وهالحريم..وتقبس مدّاب.ن. بيننا وبينهم..ويالله نتخلص منهم وننحاش...حتى نظارة العريس أبو غازي خليناه عندهم...
حنا: والله إنه عرس.ن. الله أعلم به..
أنا: يالربع أنا من أول قلت لكم..عينوا خير..وخلوا هالطاري عنكم..بس ماطعتونن!!!
قالوا: يابن الحلال ..إسمه اللي صارت.. والحمدلله على السلامة..بس لاتعلمون أحد من ربع المضايف.. وتصير فضيحة.ن. له أول ماله آخر!!..خلوا الدعوى سر...بيننا حنا بس!!!!
<<<<<<<<<<<<<<<<<<<<<عز الله حفظ السر..ولا علـّــم به أحد
ويوم دخلنا الحدود السعودية.. وهو ياخذ أبو غازي..جوازاتنا كلهن.. ويولع بهن ..ويقرطهن..
قال: إسمعونن كلكم..والله ياواحد.ن. يذكر لي متعدي.ن. الحديثة شمال...والله إني لأثور بهو..
إنتم فهمتووووووووا؟؟؟؟؟؟؟
قلنا: مار بدون ماتقوله..عقب هالسوالف..ماحنا طابين.ن. هكالديار نوبة.ن. أخرى..
ونجيـــــــــــــك نمشي 200 يما وصلنا بيوتنا.. وتوادعنا....
وقال أبو غازي: يله مع السلامة.....
موعدنابالمضايف..وبمضيف فلة حجاج...
ونبي نشوووف موضوع أبو مشاري( توقع من راح يرد بعدك)...وين وصل؟؟؟؟؟
نشووووووفكم على خير...ولا أحد يطري العرس...
حنا: هلا أبو غازي..نشوفك على خير.. ومع السلامة!!!!!
...........................................................................
+1+ هالبيت من قصيدة طويلة لشاعر لا أعرفه..
.........................................................................
اعتذر للأخوان:
((أبو غازي***أبو مشاري***عذب المشاعر*** خليجي))
عن إستخدام أسمائهم..لتجسيد شخصيات موضوعي المتواضع..
..........................................................................
تحيااااااااااتي... للجميع[/ALIGN]
المفضلات