[poet font="Simplified Arabic,5,black,bold,normal" bkcolor="transparent" bkimage="backgrounds/9.gif" border="ridge,6,sandybrown" type=0 line=200% align=center use=ex length=0 char="" num="0,black" filter=""]
كلمة اخيرة واسمعي لو سمحتي
وان ماسمحتي قايله عن قناعه
رحلت عنّك مثل منتي رحلتي
والحب من قلبي تخلخل شراعه
يكفي خدعتيني ويكفي كذبتي
ويكفي خذيتي من حياتي متاعه
ويكفي عطيتني امل وانسحبتي
ويكفي سمعت اللي كرهت استماعه
ويكفيك وقتن في خفوقي سكنتي
ويكفي تصنعت الغباوة صناعه
يكفي غدرتيبي ويكفيك خنتي
ويكفيك سهر اللي توسد ذراعه
صدقت كذبك يوم قلتي سهرتي
وقلبك على شاني يزود التياعه
واليوم لو انك بكيتي ضحكتي
ماعاد اصدق رجعتك وانـخداعه
هو ماكفاك انك لحبي خدعتي
هو ماكفاك القلب قرب ضيــاعه
انا اكتفيت وقلبي اللي قتلتي
ابشـرك عــاد الحياة بشجاعه
كنتي وكنتي بس صرتي وصرتي
كنتي ملاك وصرتي ارخص بضاعه
ماكنت اشوف الناس واشوفك انتي
ماكنت اصدق فيك حتى الاشاعه
تذكري وش صار شاللي عملتي
وان ماقتنعتي كلمتي عن قناعه
خلاص يكفي لاحبيبه ولا اختي
مادام عندك للكذوب استطاعه
غلطه وقلت تصلحينه رجعتي
على الزيادة مابقـــــــابي مناعه
رحلت عنك مثل منتي رحلتي
والحب من قلبي تخلخل شراعه
[/poet]
رد مع اقتباس
المفضلات