[ALIGN=CENTER]مرحباً بكم .. ويسعدني أن أضع أمام أعينكم هذه القصيدة والتي أتمنى لها رضاكم وإعجابكم ..
روضة الهملول [/ALIGN]
[poet font="Simplified Arabic,4,darkblue,bold,normal" bkcolor="transparent" bkimage="backgrounds/11.gif" border="outset,10,sienna" type=0 line=200% align=center use=ex length=0 char="" num="0,black" filter=" shadow(color=skyblue,direction=90)"]
يطيب الشعر في روضٍ روى من مزنة الهملول =
سقت مفالي نوقٍ وضح ، وخيل ، ونار مشبوبه
نبت فيها النفل والشيح يماري سدرة الغرمول =
على طعسٍ حمر يزهى جبين الطعس وجنوبه
يفوح من الحياء عشبٍ خضر .. والكادي المبلول =
يداعب وردها نحلٍ عشقها بأورع أسلوبه
تخافت في مرابعيه حباري والقطى المذهول =
وغنّت بالفرح ورقى تهادى بالفلا دوبه
على هذا لمحت الشمس تدور للغيوم حلول =
تبي ترسل خيوطٍ بيض حرير تقول مسلوبه
وأنا واقف خذت عقلي هنوفٍ جيدها مفلول =
تخوض الماء على هونه .. تمسّك في طرف ثوبه
هنوفٍ لانثنى عوده يهيم الضامر المسلول =
تحت هاك السنود اللي على كيفه ومطلوبه
عذروبها لامن مشت تخاف من أشقر المجدول =
تعثّر به .. هني من هو يعثره طول عذروبه
سلام الله على عينٍ تعدت بالحلا المعقول =
عسى الله ما يواخذها .. وأنا واحد من ذنوبه
على هاك النحر موتي مع الفضة ، وعقد اللول =
وتنوح لجلي نوقٍ وضح ، وخيل ، ونار مشبوبه
[/poet]
[ALIGN=CENTER]وسلامتكم ..[/ALIGN]
رد مع اقتباس
المفضلات