[poet font="Simplified Arabic,5,orangered,bold,normal" bkcolor="transparent" bkimage="backgrounds/15.gif" border="double,4,deeppink" type=0 line=200% align=center use=ex length=0 char="" num="0,black" filter=""]
يا الله ياللي لك على الخلق سلطان=ياواحد كل الخلايق تهيبه =
يارافع سبعٍ على غير عمدان=ياعالم الدنيا بيانه وغيبه =
ياباني دينك على خمس الأركان=وأرسل رسول للبشر تهتديبه=
وياواحد فوق المخاليق لك شان =يامرجع يوسف عقب طول غيبه =
أرجيك حيث اللي ترجاك ربحان=وإللي رجاء غيرك تردى نصيبه=
أسألك عفوك وأمتنانك والاحسان =وأسئلك أنا عطفٍ ولطفٍ وهيبه=
وبي وأنا عبدك وعندي بك إيمان=ماخش قلبي فيك شك وريبه=
وبي وأنا عبدك ترجاك شفقان=إنت الذي من يطلبك تستجيبه=
ياجاعل للخير والشر ميزان=ياغافر الزلات ستار عيبه=
أدعيك وإنت مصور الإنس والجان=والنمل فوق القاع تسمع دبيبه =
أسئلك في دنياي سترٍ على إيمان=وأسئلك أنا التسبيح عند المصيبه=
والوذبك يارب عن كل شيطان=واعوذ بك عن الضيم هو والغليبه=
والياخذيت الروح تأخذ بالإحسان =وتونسن ياصرت تحت النصيبه=
وأسئلك أنا يارب رحمه وغفران=في يوم ماينفع قريب قريبه=
في يوم ماينفع قرايب ولا اخوان=يوم صغير السن يغشاه شيبه=
يومٍ عظيم فيه رابح وخسران=أحدٍ سعيد الحظ وأحداً بخيبه=
الناس حفيانه شباب وشيبان=كل بنفسه ما يهمه صحيبه =
من عظمة الاحداث زاغن الأذهان=كل يشوف بعينه أشياء غريبه=
يارب ياللي خالق كل ماكان =تعطي ليا من العرب شح جيبه=
وأسئلك أنا الجنه وطالبك رضوان =وتفكني من نار يشعق لهيبه=
وتجعل لنا مع صفوة الخلق مسكان=ياشافي جرح تعذر طبيبه=
وصلاة ربي عد ماكاين كان=على رسولٍ سنته نقتديبه
الشاعر/ منصور بن سعدي الرمالي الشمري
[/poet]