[poet font="Simplified Arabic,5,deeppink,bold,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""]
راكب اللي رافعٍ مقدمه يايين قوي=كنها دابٍ تطواء على طية قليب =
من خبيراً يتقن الصنع لا ويهن لوي=فوق عمدانً مثل وصف عمدان العسيب=
ألرفارف عن هوى الريح زاويهن زوي=خشم صاروخ ٍ مع الجو حاديه الّلهيب=
أشهبٍ يطوي الفيافي من السرعة طوي=وارد الألفين توه من اليابان جيب=
كن خطه محجراٍ الال في بيت بدوي=أو وسام ٍ حطه الشيخ في صدر النقيب=
والعيون ان ولع النور يكونك كوي=كنه الليزر الياعطاك نوره من قريب=
حر وجهه بذكر مثل وجه ابن جلوي=ليا بطش في ظالمٍ لحيته لحيت خطيب=
أو كما الفارس اللي شاف بالعين دومي=قام بالناظر يغله وهو جرحه عطيب=
يطرب الروح الحزينه ليا قام يعوي=مثل مايقنب مع الفجر بالمرقاب ذيب=
يقصد الممتاز يامن بخاخه روي=مايكربن كن ريح المكينه ريح طيب=
ضد عرجات الصحاصيح يا قام يهوي=والخطوط اللي تبارى تقل رتبة رقيب=
كنه الكدري ليا ناحرك بقر خلوي=أوكما المخباط من بطن رشاشٍ رهيب=
يانديبي فوق اللفين ماتبغى خوي=بس خطي يافتى الجود وده للاديب=
تلفي اللي كل الامجاد حاويها حوي=طيبٍ يوم أن كوبان مايقوى يطيب=
تنطحك ريح أزرق العود من قبل تهوي=وسط بيتٍ للندى والكرم روض خصيب=
عند قرمٍ يشوي الهيل بدلاله شوي=مايعشره مرتينن ولا صبه سريب=
كل يومٍ مديٍ دلته لبو ضحوي=من كثر ماتونس النار يبغاله ربيب=
بلغه مني سلامٍٍ عسى حظه قوي=وأعطه المكتوب يقراه بالفكر اللبيب=
قل ترانا يابن فدعان ناوينك نوي=قاصدك يامطير بالخط مرسالٍ نديب=
أشتكيلك من هوى صاحبٍ صار قروي=بدّل البيت الشعر دار والمدخل صعيب=
جادلٍ مغويه زينه وبالدنيا غوي=قام يالعبي وأنا بالهوى قلبي صويب=
عود زملوقً من الديم غذاه ثروي=ناعمٍ غضٍ نباته على جال الشعيب=
ياتمشت يطوي الثوب ردفينه طوي=ون نطحني شفت فوق النحر شيٍ عجيب=
بطن حمراء جايبه بالميادين عطوي=ظامرٍ من جملة الجيش تلعب باسبيب=
عين حراً عقب طرح الشبب صِيد ربوي=أقطمن لاشاف جول الحباري مايهيب=
كان ماداواني الترف من خده دوي=مايفيد القلب يامسندي طب الطبيب=
يابغيت أنساه يامطير قلبي ماقوي=كل يوم و موتري ماشياً يم الحبيب=
وأنت رجلٍ قصة الحب راويها روي=قاريٍ تاريخ ليلى وقيس المستصيب=
ولك سلامي عد مايدي الفرض خلوي=وعد يومً تشرق الشمس والمغرب تغيب
الشاعر/ فرحان بن فهيد الذرفي الشمري
[/poet]
رد مع اقتباس
المفضلات