أنا وجراير عرس (أبو صلهامة)ويرافقنا(كبير العلابي)1

**أبو مقرن** · 30-08-2003 11:33

[ALIGN=CENTER][ALIGN=CENTER]السلام عليكم ورحمة الله وبركاته:
يسعد صباح اللي من الصبح داوم+++++يهز راسه والسبب قلة النوم
ويسعد مساء ناس.ن.تكامخ تصادم++++كثر الحوادث هم سببها إلى اليوم.

تحياااااااتي للجميع.. عندي لي سالفة.ن. صارت علي أنا ورفيدز.ن. بهالعطلة..

(أبو مقرن )كالعادة.. يتبطح هالظهر..نوب.ن. فوق هالسطح..تحت خزان الماء..
ونوب.ن.ببيت الشعر..يصالي هالحر..لامكيف ولامروحة.. <<<يشغل وقت فراغه

المهم: وعلى إلتفاتة.ن. مني ..يمار الجوال يبرق.. وتهولت وش نوحه مايدق.
آآآآآآآآه ثرينن حاطه على وضع( فنك تدق)<<<< فلسفة ..يعني الوضع الصامت.... وأراعي ياولله الجوال ..كله مكالمات لم يرد عليها.. فتحت الجوال ..ياهذا إسم الوجه الودر(( كبير العلابي)).....

قلت مابه حكي: خلن أدق عليه وش علمه... يمكن به بلا..لاني خابره مايدق علي ..إلا تسانه عامل.ن. له طامة.ن. كبرى..إما متدابن.ن. هو وياله باكستانية.ن. بهالصناعية...أو صابخ.ن.له عامود بحدى هالشوارع...

مالكم بطويله.....وأنا إدق عليه....

أنا: آآآآآآآآآآآآآآآآآآلو...
كبير العلابي: هلااااااا........وين إنت فترت يدي وتعب جوالي من كثر ماأدق عليك.....ولا طايح.ن. بحركات هالجيل التالي.. وقايمن تصـــرّف..
أنا: يابن الحلال..هالملوي على الصامت.. ولا انتبهت إلا عقب..هااااه وش عندك.....عسى ماشر...وشي هالمصيبة اللي إنت عامل؟؟؟؟؟؟
كبير العلابي: فال الله ولا فالك...لا أبد بس بغيت أفطنك إن الليلة عرس خوينا
((أبو صلهامة))......
أنا: الله يفطنك للشهادة...ويفطنك لعاصمة (إندونيسيا)باختبار المقابلة الشخصية..لاتصير مثلي.عاطل.ن. باطل..لاهذي ولاهذيتس..
إييييييه..متى تبينا نروح..؟؟ عندك سيارة ولا كالعادة أمرك؟؟
كبيرالعلابي:آآآآوه..( خبرك خلف)عفوا ...أقصد(خبرك عتيق)...منذو مبطي تولجونن.قبل المقابلة الشخصية.. يوم حنا نقدم عليهم..اللي عنده أوراق التسجيل( يتناطن عيونه.. ويخانق هالخلق)..ويم جاء دوري.. قال: إنت ووجهك..
وش الفرق بينك وبين ..الحمار..؟؟؟؟؟؟؟؟؟ وأنا على طول ..قالت: هالطاولة..
قال: يعني أنا حمار؟؟...قلت: إي بلله...وهي تصير الله يجيرك..وأنا أقمز عليه
وتصير كرارة..بقاعة هالتقديم.. وهم يفرقوننا هالناس..قال هو: عاد تسانك إنقبلت..إمرط هاللحية!!!..... ومن هكالوقت وأنا غاسل.ن.يدي ب(لوكس)..
من القبوووووووول.....
أنا: إنا لله ..أوخذ ياماخوذ..وليه ماتمالكت أعصابك يمال الغنيمة.. وبعدين وجهك عليه....تلقاه يخندس بحدى هالشوارع...وهكالحين إفرط على تسبده..
كبير العلابي: يارجل..فات الفوت..وإسمه اللي صارت..ألا ماتخبر لي وظيفة؟؟
أنا: منين...متى علمك بالوظايف؟؟( الله يرحمهن)....
أقووووووووول ..تولم أمرك عقب الأخير..نبي يم عرس (أبوصلهامة)......
كبير العلابي: إسمع..ياولد.......طااااااط....طااااط......طااااط.
آثاريه إنقطع الملووووووي.... وإدق عليه نوبة.ن. أخرى:
أنا: آآآآآآآلو .. وش علمك؟
كبير العلابي: يابن الحلال.الجوال بطاقة.. وقضت الملوية..خلاص على موعدنا..
مع السلامة.......
أنا: على الوعد......مع السلامة..
.... وبساع..أروح أدور لي (إشراك للكابريس)..وآخذ (دتسن الشايب)..ولاتشتغل بعد إلا عقب كسافة.... المهم: إني أشركت الكابريس..وأنا أخليه شغال( لانه إذا طفى..مايشتغل الا عقب لهدة..ولعنة جدف).....صليت العصر...وآجيك مشوت.ن. يم الحلاق...( واحد.ن.يحلق على الراتب).....تزدحم عنده هالناس..ولا تلقا لك مغز إبرة..الوكاد إني وصلت بسلام
.ولقيت دزامي لي إثنين..وأقعد يما جاء دوري..ويوم قعدت على الكرسي.قال: بابا..إنت مافيه يدفع فلوس أول شهر..يروح.. قلت ..يابن الحلال:أبشر بسعدك...بس إحلقن هالنوبة...ويصير خير..وهو يعي سبيع الأبو..المهم: وصلت معي ...قلت الشرهة ماهي عليك..الشرهة على اللي يحلق عندك..
مدري وشهو قال:بس تقل يقول: اللي يسمعك يقول تعطي إكرامية..يمنك حلقت..يستهزيء.....وعقب مابغيت: ألفعهووو..قلت : ياولد..وش لك بالمشاكل؟؟..
رجعت للبيت..وأدور وأفتش بهكالدروج..ويالله ألقى موس حلاقة..ولالقيت معجون..المهم إني قمت أدفدز..من هالماء على هالدقن..يما روي..وأنا أكره بهالموس...ياولله ماباقي.ن.الشعرة..( مثل راحتك)...بس هالحكي..قبل إذان العشاء بشوين..لان الوقت راح بدورة المويس..ومعافرة هالدقن..وبساع ألبس الثوب..وأحط أقلام( الباركر)..والصدز إنهن مايكتبن..بس كشخة..وألبس شماغ(بروجيه)<<<<هو ماهو بروجيه بس إنه مثله( شماغ العقل المطور)
ويوم طلعت مع الباب: وجيت أبي أركب الكابريس..ياولله ماتشوفون هكالشوفة.
لقيت الكابريس.متنقح.ن.على مقفاه...والكفرتين اللي ورى على الجنط..ولا معي سبير......والشايب.رايح.ن. على الددسن..وأناإتصل على ..ردي البخت ( كبير العلابي)...قلت إفزع لي......؟؟؟؟؟؟

وللقصة بقية............

تشاوووو...على أمل نلقاوووو..واحد يودينا للعرس نبغاووو[/ALIGN][/ALIGN]

**السنعوسه** · 30-08-2003 12:15

:confused:

ما يجي معه كتالوج ؟؟؟؟؟؟؟؟؟

**موال** · 30-08-2003 14:17

:D يوم انك رزان نفسك بالاقلام اللي تسنه طابشير مدرس سوداني
... تبي مشوار تاكسي اوصلك
شنسوي <===<<<< العازه الله يجيرك منه نكد بعد الدوام

لا ما معي فكه ميتين ريال عشان ارجع لك الباقي انزل بس يا ابو مقرن والحين بسرعة اجيك
<=====<<<< هو مسك الميتين بس قابلني تسان تشوفن انت واقلامك

**المهاة** · 30-08-2003 17:40

و انا ابي اروح معكم مروا علي تكفون و لا تتأخرون

و بليز تعالوا بسيارة مكيفة لا يسيح الميك آب :o

بصراحة عنوان موضوعك رهيب حسيته فلم رومانتيك على أكشن :D

اقول موب كنك تأخرت ترا الميك بدا يسيح |13|>>>>>>>>>>> لابسة العباية و واقفة بالباب

**ابو مشاري الشمري** · 30-08-2003 18:11

اههههههههههههههههههههههههههههههههه
تسلم يمينك
ابو علابي
وابو صلهامه
خوش أسمامي
رائع يابو مقرن
أقول لاتنسوني مروني تروني
واقف أنتضركم على الرصيف

**ابو غازي** · 30-08-2003 19:45

[ALIGN=CENTER]ابو علابي
وابو صلهامه
خوش أسامي تسيف حبكتهن بالله يابو مقرن
تصدز
يابو مقرن يوم شفت ااالعنوان جيتك مطسس |512| هقيت (ن) بك بلا
|512| اقول لاتمر على هالي مولمت (ن) ااالعباااة |512| نبلش به هي والميك آب :o
إلا مرن .... أنا وأبو مشااااري ترنا ننطرك على اااالرصيف

تسلم يابو مقرن على الحبكة المنتاااازة |512| ويش رايك نفتح لنا إستديو ونمثل هذا خوش سيناااااريو :D[/ALIGN]

**هايس الشمري** · 30-08-2003 21:41

تسلم يا ابو مقرن

والله يعطيك العافية

وبانتظار البقيه

**أبو مقرن** · 31-08-2003 03:22

[ALIGN=CENTER]السنعوسة.....يابنت السناعيس....:...
أشكر لك مرورك الكريم.... والكتالوج... عند أبو غازي:D
موال:......
يالله حيهوووووو... الموضوع زاد بهاء ونور...بطلتك الغالية...
وتسان معك تاكسي...مرن....... وبعدين نتحاسب:p
المهاة:....
حياتس الله...وأبشري والله بسعدتس..نمرك بس على بال مانصلح الكابريس
أبو مشاري:
آآآآآآآآفا عليك...... إنت براس القائمة... تولم .... وخلك على الباب..
أبو غازي:...
هلا وغلا.....شرفت الموضوع.. وإلبس بشتك.. وتولم ...بعد شوي أمرك..
ونروح لابو مشاري..... وباقي الشباب..
ذيب2002...
جيتك غالية.ن. علي بلحيل بلحيل.....حياك الله... ومشكور على تشريفي بالزيارة..[/ALIGN]