السلام عليكم ورحمة الله وبركاته..... بعد التحيه والسلام .. ارجو من اخواني واخواتي بالسماح لي على هالغيبه ....لكن الدنيا لها ضروفها في نفس الانسان ..
[poet font="Arial,4,white,normal,normal" bkcolor="black" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
الا يا وجد حالي كل مقبل سواد الليل=وجودن في حياتي مالها اول ولا تالي
يجر القلب طاريها كما جرت مسيل السيل=وانا من حر فرقاها اشوف الهم يبرالي
كما اللي هزته قصه مسلسل فنّها التمثيل=بداياته عسل صافي ونهاياته بغربالي
شكيت ولا لقيت اللي يرد بشكوتي ويشيل=همومن راسيه مرسا الجبال وضيقت حالي
شكيت الحب لجل اني عجزت افسره بالقيل=عجزت اوضح القصه بكاملها ولاجالي
مجالن اكشف الخافي من اجروحن تهد الحيل=وانا ادري لو بوضحها تشين وينزعج بالي
الاني كل موحيها احس اني مقصر حيل=بحبن ابتدى مني واحس ان مالها التالي
واضن بقدرتي بهدم رجاياتي مثل ماقيل=وانا لو اعترف بأني احبك ماهو بشوالي
انا ادري انك تكابرها وتخليها حكايه جيل=وهي كلمه عساك اتحس فيها وترأف بحالي
مثل ماعشتبك مغرم ابيك اتعيشبي لو ليل=مثل ماقد هويتك حس فيني يا هوى بالي
مثل ماقد رسمتك في سماء عشقي نجوم اسهيل=ابيك اتصير لي جو السعاده وان تهياالي
مثل ماقد عيوني من فراقك غرقت منديل=ابعرف خايتك فيني بصراحه منك يا الغالي
اذا لك خايتن فيني فقلبي مايبي تدليل=تدله..وانت تعرف مكانك بالحشى عالي
واذا انك ناوين تبعد عن عيوني بلا تأجيل=ترى لك من ورى حدب الضلوع اشواق وآمالي
وابنهيها معك لكن اخاف انك تجر الويل=أحبك لعنبو جدك على جدي مع خالي
وجودي وافهيميها ماتبي شرحن ولاتحليل=وجود اللي حياته مالها اول ولا تااالي
مع تحيات اخوكم غالب اللويش (الهاجس)
[/poet]
رد مع اقتباس
المفضلات