بسـم الله ابـدي وابتـدي نظـم قافـي
......ابيات شعرن مـا عليهـا خلافـي
مـن راس رجالـن كريمـن سنـافـي
......للمنتـدى بذكـر جميـع القبايـل
ابدا بذكر اقروم ناسٍ طنـايـا
......شمر ليـا ثـارت كـرام اللحايـا
واكرامهـم للضيـف حـطـوه غـايـه
......تشهد على ما اقول بـدوان حايـل
ثمن ابذكر مزبـن الذيـب والطيـر
......عوازمن وقـت الملاقـا مغاويـر
كـل الـعـوازم كلبـوهـم مناعـيـر
......شجعان ربعـي طيبيـن الفعايـل
وعشان ما يحسب علـى طرقنـا عيـب
......ابذكر اللي شفت بالمنتـدى جيـب
ما هو بتقصيـرن لمـن ذكرهـم غيـب
......والنعم والله في جميـع الحمايـل
ابذكـر السبعـان ذربـيـن الايـمـان
......ريف الركاب موكله كـل جيعـان
لا ثـار دخـان المعـاديـن فـرسـان
......ما شفت بالسبعـان رجـال مايـل
وابذكـر سهـول الجزيـره الكريميـن
......رجال في حق المسيـر مواريـن
ولا ثـارت الهيجـا سعـوط المجانيـن
......ما قلتها من غير عـرف ودلايـل
اما الهواجر ياعـرب مسنـد الضيـف
......ما كد زبنهم سايلن ما لقى ريـف
ووقـت الملاقـا مشبعيـن المراهيـف
......تعجبك فزعتهم ليـا حـال حايـل
وان جيت ابذكـر مشبعيـن المعاطيـش
......عتبان في وقت الملاقـا مغاويـش
كعام من يدخـل علـى راسـه الطيـش
......في حقهـم مـا يسعفنـي مثايـل
وابذكـر المطـران حمـر النـواظـر
......تاريخهم معروف ماضي وحاضر
رجالهـم وقـت الشـديـدات حـاظـر
......مطران ما ياطون درب الفشايـل
ومن عرضهـا بذكـر رجـال الخوالـد
......تاريخهم بالطيـب حافـل وخالـد
ترثـت صحابـي نعـم بعيـال خـالـد
......نقالت الرايـه علـى كـل عايـل
وايضـا ابذكرلـي رجالـن مشاكـيـل
......كل عنزه شجعان وايضا حلاحيـل
تعجبك فزعتهـم علـى العـدل والميـل
......قروم نسل قـروم يانسـل وايـل
ثـم اذكـر العجمـان سقـم المعاديـن
......وقت الملاقا ما دخل قلبهـم ليـن
خطـلان الايـدي للطويـلات ضاريـن
......عجمان قبلي جابهـم كـل قايـل
وابذكـر ال مـره رجــال الحـرايـب
......عون الرفيـق مزبنيـن الركايـب
لا هبـت هبـوب المراجـل هبـايـب
......رجالهم للناس مضحـي وشايـل
واذكـر بعـد ربـع السلـوم الوفـيـه
......دواسرن شجعـان والنـار حيـه
الدوسـري قرمـن يـشـرف خـويـه
......ووقت الملاقا يردعـون الهوايـل
ثـم اذكـر الظفـران بالفعـل نومـاس
......وترى الظفيري ياعرب حر قرناس
لطامتـن للـي يجـي فيـه هـوجـاس
......ظفران وان عديت عرب السلايـل
وابذكر مـن الطيـب ذكـر القحاطيـن
......رجالهم كاسـب بكـل الموازيـن
وان جـت للفزعـه رجالـن سلاطيـن
......والقول في حق القحاطيـن طايـل
وابذكـر رجالـن كرامـن حـرايـره
......بني تميم ان كان ثـارت جسايـره
تـرى التميمـي مزبـن اللـي يخايـره
......نعميـن منهـم طيبيـن الفعـايـل
ثم اذكـر حـروب الجزيـره سنـادي
......اللابه اللـي يكعمـون المعـادي
خويهـم يحـشـم ولا هــو بـغـادي
......نسل الكرام مزبنـت كـل سايـل
واذكر بعد بالطيـب والجـود زهـران
......لا ثار دخـان المعاديـن شجعـان
خويهـم مـا ظنتـي نــام حـيـران
......وعندي على ما اقول عرف ودلايل
وان جيت ابذكر ثرثت الجود والطيـب
......فضول دايم حافظيـن المواجيـب
واللـي يعاديهـم غـذا حظـه معيـب
......شجعان والعربان جايـل وصايـل
واذكر بعد مـن عرضهـا ذكـر غامـد
......رجالهم وقـت الشديـدات جامـد
نعمـيـن منـهـم طيبـيـن المحـامـد
......من اطيب العربان عون الدخايـل
ثـم اذكـر رجـال الحجـر والعزيمـه
......اللي لهم بالطيـب والعـز شيمـه
عدوهـم مـا نــال منـهـم غنيـمـه
......نقالت الرايـه علـى كـل عايـل
واذكر بعد من عرضهـا ذكـر البقـوم
......وقت المراجل عدهم عون وقروم
شجعـان بالميـدان مـا فيهـم رخـوم
......تعجبك فزعتهم ليـا حـال حايـل
ومن عرضها نسـل الرجـال المناعيـر
......رشايده في نحرهم يشبـع الطيـر
ما يذكرون الا علـى الطيـب والخيـر
......رشايـده لا حـال بالجـو حايـل
واذكـر بعـد كـل العوايـل ونعميـن
......ماني بناسيهـم رجالـن كريميـن
اكثـر عوايلـنـا تـراهـم عريبـيـن
......والنعم والله فـي جميـع العوايـل
واخـص فـي قولـي سـلام وتحيـة
......لابو فهـد رجـال زبـن الونيـه
لا هنـت ياراعـي السـلـوم الوفـيـه
......بالمنتـدى جمعـت كـل القبايـل
وكلمة شكر في حـق رجـال زيـزوم
......جابر ولد هايف ومن نسل شغموم
ياصاحبـي لا هنـت يانسـل الـقـروم
......مثلك بوقت المـدح للمـدح نايـل
محمـد بـن عبـيـد قــدم عـذايـره
......للي من العربـان غابـت ذكايـره
ما هـي بمقصـوده ولا هـي حقايـره
......والنعم والله فـي جميـع القبايـل
بختامهـا صلـو علـى سيـد الـنـاس
......المصطفى المختار من جملة الناس
اللـي بعثـه الله علـى مجمـل النـاس
......تعداد ما تبـرق بـروق المخايـل
المفضلات