[ALIGN=CENTER]
قصــــــيده كتبتنـــــي....
...
تقــــــــدم نفسها بنفسها...[/ALIGN]
[ALIGN=CENTER]
*****************************************
قبل الاقلاع ,,..
وفي صالة المطار..
حدث الاتي:...
[/ALIGN]
[poet font="Arial,5,white,normal,normal" bkcolor="transparent" bkimage="" border="outset,10,gray" type=2 line=200% align=center use=ex length=0 char="" num="0,black" filter=""]
قبل ماتقلع الرحله رحلت لعالم ثانـــــــــــي..!!=رحلت لكوكب اخر وشفت الموت بعنيّه
رحلت وكني المذهول بدون إدراك ماجاني=رحلت وكني اللي راحل ٍ بااحلام ورديه
مع اللي شفتها صدفه تناظر كن تحدانـــــي=تحداني وأنا ادري رابحه مليووون بالميه..!!
لها هيبة عقيد القوم أو الرزه لسلطانـــــي=بها كل الجمال اليوسفي.. صوره خياليه
يغطي عينها جيش ٍ على العشاق عدوانــي=على كل الملا يعلن حروب العشق إباديه
على شط الكحل شفت الهلاك وصرت غرقاني=يشيل الموج الاسود جثتي لأقصى موانيه
وحييت بقذلة ٍ مدري من أي ألوان وألواني=لها لون ٍ غريب ..وأقرب التوصيف خمريه
وبنيت بشمس ذاك الخد كثير أحلام وأماني=وذخرت بشفة الحلوه دفا وإن جت شمااااااااليه
وخضعت لعقد لولو وإنتهيت وزادت أشجاني=ونخيت بحور شعري كلها معها الهجينيه
وأنا أدري في قصيدي لانخيته دوم ينصاني=يجيني كنه أشجع من وطت بالقاع رجليه
وأنا ماكنت أحسب إني ضعيف الحكي بلساني..!!=إلين الرجل ساقتني أجيها وأصدق النيه
وصلت وقصدي أتكلم ولاأدري ويش خلاني..؟؟=أناظر.. أسكت.. أتأمل.. ببنت ٍ كن حوريه
وبعد ماخفت لاتمشي...وقبل مايفوت الاواني=نطقت وقلت: من شفتك وانا ( والله مافيّه..!!)
أبي اعرف من اي الناس منين.. من اي الاوطاني؟=ملامح حضرتك تنبي تقول إنك خليجيه..؟
من البحرين والا من قطر والا من عمانـــــي؟=من اهل دبي والا بالرياض او انكْ كويتيه..؟
دخيلك ياجمالك وووووين.. رحل بي وين ودانــــــــي=أنا طالبْك تكفين إرحمي من جاك يابنيه
عطيني مثل مارب ٍ عطاك الزين واعطاني=عطاني منظر إعجابك وهذي بصمة إيديّه
لك الله وان مشيتي زاد.. قهر حالي وحرماني=واذا ودك تزيديني ( عساها ماهي بهيّه )
ولدّت بالعيون السود وقالت ووووووين تلقانــي..؟؟=انا عنك بعيده.. لاتحسب إني سعوديه..!!
ظروفي ماتساعدني لو إنك جيت لي عاني=لو إنك مشتري بعدي مع الروحات والجيه
ولكن بذكرك لامن شعاع الصبح صحاني=وبذكر كل مايرسل قمر ليل العنا ضيه
وبذكر هالمطار وموقفك كان الله أحياني=ولك مني قبل ماارحل سلامي والوداعيه
وداعيه على خير وعسى مايكون تنساني=وعلى فكره قبل ماامشي انا وحده كويتيه
انا
وحده
كويتيه..
***********
وحده
كويتيه..
**********
كويتيه
..
[/poet]
[ALIGN=CENTER]
ضحــــوي الاسلمـــــي[/ALIGN]
رد مع اقتباس
مشرف مضيف الترحيب والتعارف
المفضلات