[poet font="Simplified Arabic,5,white,normal,normal" bkcolor="seagreen" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ابكتب من لهيب الشـوق للي يهمها امري = جراح الهجر حرّاقه وليل الصمت ما طيقه
اقضّي العمر في غربه بلا شمس ولا بدري = ظلامٍ دامسٍ حولي بجيش الحزن والضيقه
مشيت وتعبت اقدامي وتاه الدرب ما أدري= أدوّر فجـر واشراقه مثـل باقي مطاليقه
تغيّر كل شي بعدي معاد انتي على خبري = مشيتي بدرب مالي به ولا ادري عن طواريقه
وتبين امشي بنفس الدرب والا تعلني هجري= وانا من يحفظ عهـوده ولا ينسى مواثيقه
مبـادي خذتهـا منك تساعدني على دهري= زرعتيها بقلب الحب تجري في معاليقه
تجيني اليـوم ياحبي تبين اغيّر بفكـري = تقولين الزمن يفرض نساير مع مخاليقه
غريب امرك يحيّرني بعدما فنيت انا عمري= صعيب اليوم انا اتغيّر وشيبي في مفاريقه
اظنّـك طحتي بحب جديـدٍ ماشيٍ عبـري = عطاك وعود كذّابه وشربت سحر اباريقه
تبرمجتي على فكره ولـو مشّـاك بالقهري = تشوفيني من عيـونه ورق لابد تحريقه
وحتى شعرك الفتّان يبي حلقه على الصفري = يقـدّم لك ادوات الحـلاقه ثم تصفيقه
حلقتي الشعر ويدينك بدت تدمي من الظفري= ولا حسيتي بجرحك نفث في يدّك بريقه
انا حساس من جرحك ولو جرحي نزف بدري= ولو حتى تركتيني وخذتي من مطافيقه
انا حبّيتك ابلا شروط حبّ الطهر للطهري = تعالي بسّ نتفاهم فنصف الحب تشويقه
تعالي واسمعي قلبي وحسي الشوق به يجري= عذاب البعد حطمني بتغريبه وتشريقه
واذا ما ترجعي آسف يمل الصبر من صبري = تحملتك سنين طوال ونهاية حب تعليقه
[/poet]
رد مع اقتباس
المفضلات