[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
(( كاسرٍ فاسي ))
حبيبي عن صباحات الزمان المر والالام "=" احاول اكتم الواقع واغالط خافي احساسي
اكابر .. واتجاهل .. واجحد .. اللوعات .. والاوهام "=" أعايش علقم احزاني .. واجامل همي القاسي
أنا كل ما نويت اجزم واعدل واهي الهندام "=" اشوف الوقت ينهرني .. ويضربني على راسي
رضيت اعيش .. واتحمل .. واعاني قسوة الايام "=" بضم الصمت في نفسي .. والملم حزني وياسي
اشوفك مثل حضي للاسف من طيحته ما قام "=" ذبحني البرد واحتجتك .. لقيتك (كاسرٍ فاسي)
تخيلتك تجي كلك واشوفك مقفيٍ قدام "=" ياناسي يشرب الذكرى خفوقي وانت لي ناسي
متى بالله اضمك في ضلوعي وأسهرك وانام "=" حرام اللي مثل شرواك احبه واكتم انفاسي
حبيبي هالغلا هد المساري والدروب اهيام "=" انا والله .. ثم والله .. احبك وانت هوجاسي
حبيبي انت بالدنيا شقى عمري وانا منضام "=" حبيبي لاتعذبني .. واغالط خافي .. احساسي
شعر
اخوكم/خليف الجهيلي
[/poet]
رد مع اقتباس
المفضلات