اخواني اخواتي في المضايف
صباح الخير
اعذروني على الغياب الخارج عن ارادتي وتأكدوا دائما انكم في القلب
ولكم ارق التحيات واليكم ماجادت به القريحه(الله لا يوفقها)
بقريح والهاوي
للي خذاه الزمــــــــان وللقــــــا طاوي
وش بــــك على صاحبك بالحيل روعته
عامين ذيب السهـر في مرقبــه عاوي
يقنب على القلب فل الحجاج واقنعته
[
أردى جروح الغيـاب بعزلتـــــك داوي
واطيبهن اللي علـــــي غصـبٍ تجرعته
إليا متى وانت يابـــن الناس متهاوي
في غيبتك بي زرعـت التيـــه وابدعته
تعبت اناديك تجرحنــــــــي ولا تداوي
ماكني اللي تمنيته مــــــــــــن ربعته
ياما ونا ارجيك ياملـــعـون ابــو الثاوي
ماكّنك اللي قبل عاميــــــــــن رفعته
بالخافق وصرت لـي يابوالهوى هاوي
وغيرك رحل ورحلت مـع شكله امتعته
وّلا متى كان غيرك معـــك متساوي
لـــو كان غيرك تساوى معـــــك مابعته
يعني انا راضــيٍ والجـرح بـي كاوي
ياواحدٍ حيل جعته مــــــــــــــا تشبعته
بالله قّلي وش انت اليوم بــــي ناوي
قلبي وجاك وبعد ماجـــــــــــاك مزعته
غاوي على فتقة جروحي بـي وغاوي
تبحث خفا القلب فــــي خبثٍ تطبعته
توبه يـــ غفار مانــــي لمثلك مداوي
لو كان حبك استقبلتــــــــــــــه ووزعته
ولاّانت والله لا ترحــــــــــم ولا تاوي
لكن خذ اللــــــــــــي بعمرك ما توقعته
إن كان ماجيــت لي بقريــح والهاوي
كم غاليٍ راح من عندي مــ ودعتــــــــه
رد مع اقتباس
المفضلات