قرااااادة@@@@ 1@@@@

**أبو مقرن** · 05-07-2003 02:25

السلام عليكم ورحمة الله وبركاته:
يالربع والله إن هالقرد بالينن بلوى.. عيا لايفارقن .. كل شارع.ن. ألوذ معه ياهذا هو لاقف.ن.لي معه ويبارينن مباراة..:confused:
الوكاد: عندي لي سويويرة.ن. الله يعلكم ماتركبون مثله<<< ;)
كابريس موديل 83والمواصفات مابعده<<<<< مابقي شين منهن؟؟:D
وليا شفت هالمنظر تقول هذا مايتحرك.. لاكن الملوي ليا انفلت بك والله ماياقف كان بله حوش عرب.. أو إشارة.. وأضعف الإيمان بحد اصناااااديق هالزبايل_ أعزكم الله_ .. ولا سلموا من شره حتى أهل الديرة اللي صكيتوه مع الجنب يمار أنا معدم.ن. رفرفه على بيبانه.. واللي نكختهو من ورى وسيارته واقفة.ن. عند أهله.. واللي ... واللي... وش عدّ وش أخلي...
وآخر حادث الله يجيركم...... برمضان <<<< اللي عقب رابع شهر حوله
جيت طاير .ن. ماشوف القاع<<<<< ماباقي.ن. شين عن الفطور
وتووووولع الإشارة حمرا يمار مامعي من الملوي شين كله بالهوى طاير.ن. طيران الله لايبلاكم.. وهي تفتح الاشارة للسيد الثاني ..وانا على سرعتي وأنا ألفهوا هكاللفة <<<< اللي الله ماهدانن له..
يمار هكالهنوود يسكرون المحل يبون يفطرون وانا أجيهم تقل نجم.ن. هاوي
وط11111111111111111ع ينا بوسط ثلاجة سمك.ن. ريحه تجدع الحايمات<<<< لوهي على الحادث مابي بلا.. مار بلاي ريحة هالسمكات..
ولا آآآآآآعي إلا أنا بالمستشفى والهنود حولي يتهنفون.. ويبربرون<<<<<<<< هقيت إنهم يضحكون علي ..وأنا أطير عيوني |512| عليهم ياوالله تقل كشوا شوين.......
وثلاث أيام بالمستشفى... ويوم طلعت ياهذا راعي المحل جايب.ن الشرطة معه وهم يركبونن بالجيب.. وهات يامخاسير .. قزاز المحل .. والثلاجات.. والديكور ....حتى السمكات المنتهيات عيا يتنازل عن حقهن ملعوون هالكديد<<<<< هن منتهيات وكيّف وحطهن من ضمن خسارة الحااااااااادث
@@@@@@@@@@
ويوم خلصت من ملعون هالكديد.. وأنا أنهج يملي واحد.ن. بالتشليح<<<<<<< مكسر سلع سبيع الأبو ..
مار مامن حيلة هو أشوى ماهانا وأبيعه عليه ب1200 ريال << منهن حول 600 ريال مخالفات هالطفقة وعدم المبالاة وتجاوز الانظمة<<< هذا قولهم
ولايبقى إلا 600 ريال<<<<<<< قيمة الملوي..
وهالحين أدوووور لي سيارة<<< هو من أحدن يقصدن لي دتسن؟؟:D
***************************
ومن دبلة هالكبد تهيض هالقريحة<<<<ياعل ماهي قريحة بعضهم
فقلت بهكالملووووووي هالبويتات: يقوول:
يالـــــــــربع والله لو تدروون@@@@ بشيء.ن. يسبّب غثى بالي
لاطعـــــــم لاريح ولاله لوون@@@@القـــــــــــــرد يالربع هو فالي
القرد يمشي معي بسكون@@@@ ولا اقفيت صوووّت وأومالـــي
إقبل وإقفي تقل مجنوون@@@@ ودرب السنّع ماتهــــــــــــيالي
سيارتي كابرس.ن. ملعوون@@@@ من عهد ماضــــــين الاجيالي
أسود ..كحلي ..بليا عيوون@@@@ وبيبانه ألوان وأشكـــــــــــالي
لااسطب لاقير ...لافريووون@@@@ ومع فتحــــة السقف مدخالي
وليا انفلت ماوقـف بالهووون@@@@ يالله عسى مـــــاله الــــوالي
ومن سبته صرت أنا مديوون@@@@طفــــــــــــران ولاعندي ريالي
يارب يامنجـي.ن. ذا النووون@@@@ يالله ياوااااااااحد.ن. عالــــــي
أدعيك يامهلك.ن. فرعووون@@@@ وقـــــارون أبــا الجاه والمــالي
أبي الفرج والسعد والهووون@@@@ والمــال مع راحة البالــــــــي
قدير وأمرك بكـــــاف ونووون@@@@يارب يامعــــــــدّل الحــــــــالي

وسلااااااااااااااااااااااااااااااااااامة .ن. تسلمكم
المقـــ((( أبو مقرن)))ــــــــرووود

**المحمود** · 05-07-2003 08:42

اخوي ابو مقرن الحمدلله على سلامتك

ولا تشوف مايشوف (( مسافر على طريق الخفجي ))

المراد...

ابشر بالعوض انت مر المعرض وشف السياره اللـــي

انت تبيـاه ومالك هم (( معرض المشرف )) طبــــــعــا

ودي استلف منك كم بيت اكتبه على (( الملوي ))...

موتري والله انه ماهو بعيد(ن) عن (( ملوييك )).

أنت تسمح والا به حقوق محفوظه ؟؟؟؟

عساك على القوه اخوي

و ســــــــــــــــــامحون....:D

**عبدالله الجعيثن** · 05-07-2003 08:56

الله يستر عليك....والله يستر منك

بس كان ودك بسـياره زوينه

انحــر ابوغازي...مدير جامعة البترول عنده كابرس مايحتاج

ابيض من داخل عنابي وبه طياس برمان

وحاط صورة سميره توفيق اللي تغمز

وحاط بالشنطه كيس رمل عشــان يرفع خشته.

**أبو مقرن** · 05-07-2003 18:10

مشكور ياعمو: محمووووووووود على هالمرور الطيب.. وتشريف هالموضوع بهالزيارة.:اللي تفل الحجاج وتوسع الصدر...:D
وتسلممممم على هالعرض الطيب..
ألا المعرض وين مكانه؟؟<<مصدق.ن. روحه يبي له كابريس جديــ( 2002)ــــد..
********* أما من ناحية هالبويتات*****************
فإنت تمون عليهن وعلى راعيهن<<< ولو به حقوق محفوظة..نضيعه عشانك
ومشكور .نوبة.ن. أخرى..........
أخوك : أبو مقرن<<<<<<<<< الله من رداة الفال؟

**أبو مقرن** · 05-07-2003 18:18

حيا الله الغـ1111111111زي
يالخال أبي فزعتك. أبي أنهج أتقرطس براس مدير هالجامعة.. غديه يقصده علي وتر الراتب مااااش.. لي وكف|118|<<<< وش قايد.ن. وجهه..؟؟
******** أما من ناحية************
صورة سميرة توفيق<<<<< هذي أشريه لحاله لو مايببع علي الكابريس..
فأنا شاري.ن. هالصورة شاااريه<<< ياحلوووووه ليا صارت تغمز بعد ههههه

مشكووووووووووووور على هالطلة اللس أسعدتن بلحيل :p
أخووووك: أبو مقرن

**رضا الزميلي** · 05-07-2003 18:38

أثريك مطفوق وحنا ما ندري

بس والله معذور وقت الفطور

لا . وتتخيل اللقيمات والسمبوسة

ياويلي ويلاه

الله يعوضك غيره وتسان تبي سيارتي تفداك

لك تحياتي،،،،،،
أخوك /المجهول

**أماني** · 05-07-2003 18:47

[poet font="Arial,4,white,bold,normal" bkcolor="transparent" bkimage="backgrounds/15.gif" border="outset,10,white" type=0 line=200% align=center use=ex length=0 char="" num="0,black" filter=""]

*~*~*~*~*~*~*

يالـــــــــربع والله لو تدروون بشيء.ن. يسبّب غثى بالي
لاطعـــــــم لاريح ولاله لوون=القـــــــــــــرد يالربع هو فالي
القرد يمشي معي بسكون= ولا اقفيت صوووّت وأومالـــي
إقبل وإقفي تقل مجنوون= ودرب السنّع ماتهــــــــــــيالي
سيارتي كابرس.ن. ملعوون=من عهد ماضــــــين الاجيالي
أسود ..كحلي ..بليا عيوون= وبيبانه ألوان وأشكـــــــــــالي
لااسطب لاقير ...لافريووون= ومع فتحــــة السقف مدخالي
وليا انفلت ماوقـف بالهووون= يالله عسى مـــــاله الــــوالي
ومن سبته صرت أنا مديوون=طفــــــــــــران ولاعندي ريالي
يارب يامنجـي.ن. ذا النووون= يالله ياوااااااااحد.ن. عالــــــي
أدعيك يامهلك.ن. فرعووون= وقـــــارون أبــا الجاه والمــالي
أبي الفرج والسعد والهووون= والمــال مع راحة البالــــــــي
قدير وأمرك بكـــــاف ونووون=يارب يامعــــــــدّل الحــــــــالي

*~*~*~*~*

[/poet]

[ALIGN=CENTER]
*~*~*~*~

الحمدلله عالسلامه

وخطاك السوء اخوى

وماتشوف شر أن شالله

تقبل تحياتي

*~*~*~*~*[/ALIGN]

**أبو مقرن** · 05-07-2003 19:03

طفاقة.ن. الله لابيلاك بمثله.. بس الله لايهينك إستر هالسالفة ولا أحد يدري بالموضوع<<<< هو خلا شين.ن. ينستر:D
ومشكككككككور ماقصرت .. وينهي هالسيارة غديه تجوز لي<<< خذا كل سيارات هالشباب.......:p

ويعطيك عافية.ن. كبر قرااااادتي .ههههههه
على هالطلة الحلووووة........ الله لايحرمن هالوجه. يابعد حيي.
أبو مقرن

**أبو مقرن** · 05-07-2003 19:09

هلا أماني .......
الله يسلمك
وخطاك اللاش
ومشكوووووووورة على تشريف هالموضوع بهالزيارة......

كل الشكر لك بعد الشكر... بعدد حبات المطر..
وعددالمخالفات الصفر<<<<< من كثر مايشوفهن |118| .. على حطتك هالبويتات .. وتزيينهن... الله لايخلينا من أهل العرف......

أخووووووك: أبو مقرن

**مفتاح14** · 09-07-2003 15:46

[ALIGN=CENTER]هههههههههههههههههههههههه
هههههههههههههههههههههههههههه

__________________________________
لوهي على الحادث مابي بلا.. مار بلاي ريحة هالسمكات..
__________________________________

هالحين مترقد بالمستشفى كم يوم وتقول بلاي ريح السميكااات.. صدز ماتبحل به:D

والسالفه شي والقصيده شي ثاااني ههههههههههه

موضوع حلو ويونس ..وهذي المواضيع اللي يقاله مواضيع ..ماهي هذيتس;)

أبو مقرن ..تسلم على هالسالفه ولو انه يبي يحول حوله
مار ان صار لك برمضان الجاي سالفتن تشبه له((لا سمح الله))..لا تاخر مثل هالنوبه ..علمنا بسااع:D

قبل انسى .. حللللللوووه حركت التنوين..منتازت.ن بالحييييل;);)

سلاااااااااااااااام[/ALIGN]